https://sputnik.tj/20220607/murofia-dodgohi-tojik-qirghiziston-natija-1048986502.html
Мурофиаи додгоҳии 11 тоҷик дар Қирғизистон анҷом ёфт: натиҷа
Мурофиаи додгоҳии 11 тоҷик дар Қирғизистон анҷом ёфт: натиҷа
Sputnik Тоҷикистон
Додгоҳи ноҳияи Лайлак нисбати 11 шаҳрванди Тоҷикистон, ки барои убури ғайриқонунии марз боздошт шуда буданд, ҳукм содир кард 07.06.2022, Sputnik Тоҷикистон
2022-06-07T10:29+0500
2022-06-07T10:29+0500
2022-06-07T18:24+0500
қирғизистон
қарори додгоҳ
натиҷа
дар тоҷикистон
https://cdnn1.img.sputnik.tj/img/102895/02/1028950261_0:0:3073:1728_1920x0_80_0_0_25fcc7aaac95c1687b35ec52a9a4ead1.jpg
ДУШАНБЕ, 7 июн — Sputnik. Дар вилояти Бодканди Қирғизистон 11 шаҳрванди Тоҷикистон ҷарима шуданд, хабар медиҳад дафтари матбуотии додгоҳи маҳаллӣ. Шаҳрвандони Тоҷикистон ба убури ғайриқонунии марз муттаҳам мешуданд ва алайҳашон бо моддаи 378 парвандаи ҷиноӣ боз шуда буд.Ҳамин тариқ додгоҳи ноҳияи Лейлак барои ин кирдор онҳоро дар умум 550 ҳазор сом (6,9 ҳазор доллар) ҷарима баст. Додгоҳ пас аз қабули ин тасмим 11 шаҳрванди Тоҷикистонро билофосила аз боздошт озод кард, ки ҳар кадом ба маблағи 50 ҳазор сом (ҳудуди 620 доллар) бояд ба ҷониби Қирғизистон пардозанд. Ёдовар мешавем, ки рӯзи 13 май Кумитаи давлатии амнияти миллии Қирғизистон аз боздошти 11 шаҳрванди Тоҷикистон хабар дода буд.Ҳамаи онҳо зода ва сокинони деҳаи наздимарзӣ дар ноҳияи Ҷаббор Расулови вилояти Суғд мебошанд. Мардони боздоштшуда дар марз ба будубоши ғайриқонунӣ дар қаламрави Қирғизистон ва кори ғайриқонунӣ дар яке аз анборҳои ангишт дар шаҳри Сулукта гумонбар дониста мешаванд. Қаблан дар вилояти Бодканд марзбонони қирғиз аз қочоқи селитра ва биринҷ ҷилавгирӣ карда буданд, ки онҳо бояд ба Тоҷикистон интиқол дода мешуданд. Сарҳадбонон дар яке аз хонаҳои деҳаи Қарабок моли қочоқиро боздошт карданд. Дар доираи чорабиниҳои мубориза бо қочоқ 2,2 ҳазор кило селитра ва 2,5 ҳазор кило биринҷ кашф гардид. Шаҳрвандоне, ки ба қочоқи бор машғуланд, барои тафтиши минбаъда ба кормандони мақомоти салоҳиятдор супурда шуданд.Ноҳияҳои Ҷаббор Расулов баъд аз Бобоҷон Ғафуров ва шаҳри Исфара сеюмин ноҳияи ҳаммарз бо Қирғизистон маҳсуб мешавад.Тоҷикистону Қирғизистон беш аз 980 километр марзи муштарак доранд, ки ҳоло танҳо ҳудуди 519 километри он муайян шудааст. Ёдовар мешавем, ки баъд аз муноқишаи мусаллаҳонаи марзӣ дар рӯзҳои 28-29 апрели соли гузашта марзи миёни Тоҷикистон ва Қирғизистон аз 24 майи соли 2021 то ҳол бастааст.
https://sputnik.tj/20220513/bozdoshti-tojik-qirghiziston-sabab-1048412230.html
https://sputnik.tj/20220423/marzbonon-qirghiz-birinj-selitr-tojikiston-1047898514.html
қирғизистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
мурофиа додгоҳ тоҷик қирғизистон
мурофиа додгоҳ тоҷик қирғизистон
Мурофиаи додгоҳии 11 тоҷик дар Қирғизистон анҷом ёфт: натиҷа
10:29 07.06.2022 (Навсозишуда: 18:24 07.06.2022) Додгоҳи ноҳияи Лайлак нисбати 11 шаҳрванди Тоҷикистон, ки барои убури ғайриқонунии марз боздошт шуда буданд, ҳукм содир кард
ДУШАНБЕ, 7 июн — Sputnik. Дар вилояти Бодканди Қирғизистон 11 шаҳрванди Тоҷикистон ҷарима шуданд, хабар медиҳад дафтари матбуотии додгоҳи маҳаллӣ.
Шаҳрвандони Тоҷикистон ба убури ғайриқонунии марз муттаҳам мешуданд ва алайҳашон бо моддаи 378 парвандаи ҷиноӣ боз шуда буд.
Ҳамин тариқ додгоҳи ноҳияи Лейлак барои ин кирдор онҳоро дар умум 550 ҳазор сом (6,9 ҳазор доллар) ҷарима баст.
Додгоҳ пас аз қабули ин тасмим 11 шаҳрванди Тоҷикистонро билофосила аз боздошт озод кард, ки ҳар кадом ба маблағи 50 ҳазор сом (ҳудуди 620 доллар) бояд ба ҷониби Қирғизистон пардозанд.
Ёдовар мешавем, ки рӯзи 13 май Кумитаи давлатии амнияти миллии Қирғизистон аз боздошти 11 шаҳрванди Тоҷикистон хабар дода буд.
Ҳамаи онҳо зода ва сокинони деҳаи наздимарзӣ дар ноҳияи Ҷаббор Расулови вилояти Суғд мебошанд.
Мардони боздоштшуда дар марз ба будубоши ғайриқонунӣ дар қаламрави Қирғизистон ва кори ғайриқонунӣ дар яке аз анборҳои ангишт дар шаҳри Сулукта гумонбар дониста мешаванд.
Қаблан дар вилояти Бодканд марзбонони қирғиз аз қочоқи селитра ва биринҷ ҷилавгирӣ карда буданд, ки онҳо бояд ба Тоҷикистон интиқол дода мешуданд.
Сарҳадбонон дар яке аз хонаҳои деҳаи Қарабок моли қочоқиро боздошт карданд. Дар доираи чорабиниҳои мубориза бо қочоқ 2,2 ҳазор кило селитра ва 2,5 ҳазор кило биринҷ кашф гардид.
Шаҳрвандоне, ки ба қочоқи бор машғуланд, барои тафтиши минбаъда ба кормандони мақомоти салоҳиятдор супурда шуданд.
Ноҳияҳои Ҷаббор Расулов баъд аз Бобоҷон Ғафуров ва шаҳри Исфара сеюмин ноҳияи ҳаммарз бо Қирғизистон маҳсуб мешавад.
Тоҷикистону Қирғизистон беш аз 980 километр марзи муштарак доранд, ки ҳоло танҳо ҳудуди 519 километри он муайян шудааст.
Ёдовар мешавем, ки баъд аз муноқишаи мусаллаҳонаи марзӣ дар рӯзҳои 28-29 апрели соли гузашта марзи миёни Тоҷикистон ва Қирғизистон аз 24 майи соли 2021 то ҳол бастааст.
