https://sputnik.tj/20220602/istiqbol-rasmi-prezident-tojikiston-1048884953.html

Истиқболи расмӣ аз президенти Тоҷикистон дар Қасри "Куксарой" - аксҳо

Истиқболи расмӣ аз президенти Тоҷикистон дар Қасри "Куксарой" - аксҳо

Sputnik Тоҷикистон

Маросими истиқболии расмии президенти Тоҷикистон дар назди Қасри "Куксарой" дар шаҳри Тошканд бо иштироки роҳбари кишвари мизбон баргузор шуд

2022-06-02T18:27+0500

2022-06-02T18:27+0500

2022-06-02T18:47+0500

дар тоҷикистон

ӯзбекистон

сиёсат

эмомалӣ раҳмон

истиқбол

расмӣ

https://cdnn1.img.sputnik.tj/img/07e6/06/02/1048884704_0:67:1280:787_1920x0_80_0_0_7abb6445fad2a42717c2e0974a5590ee.jpg

ДУШАНБЕ, 2 июн — Sputnik. Дар маросими расмии истиқбол аз Эмомалӣ Раҳмон, раисҷумҳури Тоҷикистон дар Ӯзбекистон сурудҳои миллии ду кишвар садо дод, муаррифии ҳайат сурат гирифт. Тибқи иттилои дафтари матбуотии раисҷумҳури Тоҷикистон, Эмомалӣ Раҳмонро дар назди қасри "Куксарой" ҳамтои ӯзбекистонияш Шавкат Мирзиёев гарму самимӣ истиқбол гирифта, ба болои шоҳсуфаи ифтихорӣ даъват кард.Манбаъ афзуд, ки маросими истиқболи расмӣ гузориши фармондеҳи Горди фахрӣ, садо додани сурудҳои миллии ду кишвар, гузаштани сарони давлатҳо аз назди қатори сарбозон, арзи эҳтироми меҳмони олимақом ба парчами давлатии Ӯзбекистонро фаро гирифт. Сипас роҳбарони давлатҳо бо ҳайатҳои расмии ду ҷониб шинос шуда, бо гузашти низомии ҷузъу томҳои Горди фахрӣ аз назди сарони ду давлат маросими расмии истиқбол анҷом ёфт.Интизор меравад, ки сафари расмии Эмомалӣ Раҳмон дар Ӯзбекистон 2 рӯз идома ёбад.Дар ин сафар роҳбари давлатро вазири корҳои хориҷӣ, ёрдамчии президент оид ба масъалаҳои робитаҳои хориҷӣ, вазирони энергетика ва захираҳои об, кишоварзӣ, нақлиёт, фарҳанг, саноат ва технологияҳои нав, раиси Кумитаи давлатии сармоягузорӣ ва идораи амволи давлат ҳамроҳӣ мекунанд. Ҳамчунин ҳамроҳ бо Эмомалӣ Раҳмон ба Ӯзбекистон раиси Бонки миллӣ, президенти Академияи миллии илмҳои Тоҷикистон, сардори КВД "Роҳи оҳани Тоҷикистон", раиси Иттифоқи "Тоҷикматлубот" сафар намудаанд.Навори оғози сафари расмии Эмомалӣ Раҳмон дар Тошканд - видеоГуфта мешавад, дар ин сафар раиси вилояти Суғд Раҷаббой Аҳмадзода низ роҳбари давлатро ҳамроҳӣ менамояд.Ин сафари кишвардор бо даъвати раисҷумҳури Ӯзбекистон сурат гирифтааст.

https://sputnik.tj/20220602/emomali-rahmon-dastovard-uzbekiston-1048879765.html

ӯзбекистон

2022

Хабарҳо

tg_TJ

истқбол, расмӣ, раҳмон, қаср, куксарой