https://sputnik.tj/20220518/ukraina-gandum-zakhira-avrupo-sodir-1048533094.html
Украина бо вуҷуди хатари камчинӣ захираи гандумро ба Аврупо содир мекунад
Украина бо вуҷуди хатари камчинӣ захираи гандумро ба Аврупо содир мекунад
Sputnik Тоҷикистон
Бо вуҷуди хатари камбуди ғалла, Украина ба содироти тамоми гандуми захиравӣ аз анбор тавассути бандари баҳрии Одесса ба Аврупо шурӯъ кард
2022-05-18T13:05+0500
2022-05-18T13:05+0500
2022-05-18T22:10+0500
украина
гандум
смм
аврупо
дар ҷаҳон
https://cdnn1.img.sputnik.tj/img/102467/33/1024673384_0:139:3151:1911_1920x0_80_0_0_d95cf6db9fc5c65e043ba36541c1395b.jpg
ДУШАНБЕ, 18 май — Sputnik. Украина таҳти фишори Иттиҳодияи Аврупо захираи гандумро аз анборҳои бандари Одесса бо роҳҳои алтернативӣ содир мекунад, хабар медиҳад РИА "Новости" бо такя ба як корманди собиқи бандари баҳрии Одесса. Ҳамаи ин сарфи назар аз таҳдиди норасоии ғалла дар дохили Украина ва бо назардошти он ки имсол эҳтимоли воқеии халалдор шудани ҳосил вуҷуд дорад, сурат мегирад.Ба гуфтаи ӯ, интиқоли ғалла дар се терминал бо зарфияти 250, 110 ва 200 ҳазор тонна анҷом мешавад. Ҳанӯз то 24 феврал дар бандари Одесса зиёда аз 200 ҳазор тонна гандум мавҷуд буд. "Ба ҷуз аз гандум, аз нимаи дуюми моҳи апрел ба содироти контейнерҳои молӣ шуруъ карданд, ки аз ин шумора беш аз 10 ҳазор адад буд", - гуфт манбаъ. Вай афзуд, дар моҳи март мақомоти Киев дастур доданд, ки ҳама интиқоли маводи ғизоиро, ки дар бандари тиҷории баҳрӣ буданд, бозпас бигиранд. Аз ин вазъият соҳибони бор ва афроди ҷинояткор низ истифода бурданд."Дар натиҷа як қисми борҳоро дуздида, ба манфиати шахсияшон истифода карда ба тиҷорат шурӯъ карданд, зеро ин барояшон судманд аст", - афзуд собиқ корманди бандар.Қобили зикр аст, ки қаблан рӯзномаи "Wall Street Journal" бо такя ба манобеи дипломатӣ хабар дода буд, ки дабири кулли СММ аз Маскав хостааст, ба содироти ғалла аз бандарҳои баҳри Сиёҳи Украина халал нарасонад. Дар иваз онҳо ваъда доданд, барои сабук кардани таҳримҳо, ки интиқоли нуриҳои минералӣ аз Русия ва Беларусро маҳдуд мекунанд, мусоидат мекунанд. Котиби матбуотии президенти Федератсияи Русия Дмитрий Песков дар шарҳи идеяи СММ тасдиқ кард, ки ин масъала дар мулоқоти ахири Владимир Путин ва дабири кулли СММ Антониу Гутерриш матраҳ шудааст. Вазорати хориҷаи Русия ҳамчунин изҳор дошт, ки масъалаи интиқоли нуриҳои калийии Русия ва содироти ғаллаи Украина баррасӣ мешавад, аммо на аз тариқи СММ.
https://sputnik.tj/20220518/ima-tahrim-rusiya-payomad-1048528231.html
украина
аврупо
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
украина гандуми захира аврупо содир
украина гандуми захира аврупо содир
Украина бо вуҷуди хатари камчинӣ захираи гандумро ба Аврупо содир мекунад
13:05 18.05.2022 (Навсозишуда: 22:10 18.05.2022) Бо вуҷуди хатари камбуди ғалла Украина ба содироти тамоми гандуми захиравӣ аз анбор тавассути бандари баҳрии Одесса ба Аврупо шуруъ кард
ДУШАНБЕ, 18 май — Sputnik. Украина таҳти фишори Иттиҳодияи Аврупо захираи гандумро аз анборҳои бандари Одесса бо роҳҳои алтернативӣ содир мекунад, хабар медиҳад РИА "Новости" бо такя ба як корманди собиқи бандари баҳрии Одесса.
Ҳамаи ин сарфи назар аз таҳдиди норасоии ғалла дар дохили Украина ва бо назардошти он ки имсол эҳтимоли воқеии халалдор шудани ҳосил вуҷуд дорад, сурат мегирад.
"Фаъолияти маҳдуди бандари Одесса имкон намедиҳад, ки қисми зиёди зироатҳои ғалладона тавассути баҳр содир шаванд. Дар зери фишори Иттиҳодияи Аврупо роҳи алтернативӣ тавассути бандарҳои Рени ва Измайл таҳия шудааст, ки аз он ҷо онҳо дар канори Дунай, ба он ҷо мераванд", - гуфт манбаъ.
Ба гуфтаи ӯ, интиқоли ғалла дар се терминал бо зарфияти 250, 110 ва 200 ҳазор тонна анҷом мешавад. Ҳанӯз то 24 феврал дар бандари Одесса зиёда аз 200 ҳазор тонна гандум мавҷуд буд.
"Ба ҷуз аз гандум, аз нимаи дуюми моҳи апрел ба содироти контейнерҳои молӣ шуруъ карданд, ки аз ин шумора беш аз 10 ҳазор адад буд", - гуфт манбаъ.
Вай афзуд, дар моҳи март мақомоти Киев дастур доданд, ки ҳама интиқоли маводи ғизоиро, ки дар бандари тиҷории баҳрӣ буданд, бозпас бигиранд. Аз ин вазъият соҳибони бор ва афроди ҷинояткор низ истифода бурданд.
"Дар натиҷа як қисми борҳоро дуздида, ба манфиати шахсияшон истифода карда ба тиҷорат шурӯъ карданд, зеро ин барояшон судманд аст", - афзуд собиқ корманди бандар.
Қобили зикр аст, ки қаблан рӯзномаи "Wall Street Journal" бо такя ба манобеи дипломатӣ хабар дода буд, ки дабири кулли СММ аз Маскав хостааст, ба содироти ғалла аз бандарҳои баҳри Сиёҳи Украина халал нарасонад.
Дар иваз онҳо ваъда доданд, барои сабук кардани таҳримҳо, ки интиқоли нуриҳои минералӣ аз Русия ва Беларусро маҳдуд мекунанд, мусоидат мекунанд.
Котиби матбуотии президенти Федератсияи Русия Дмитрий Песков дар шарҳи идеяи СММ тасдиқ кард, ки ин масъала дар мулоқоти ахири Владимир Путин ва дабири кулли СММ Антониу Гутерриш матраҳ шудааст.
Вазорати хориҷаи Русия ҳамчунин изҳор дошт, ки масъалаи интиқоли нуриҳои калийии Русия ва содироти ғаллаи Украина баррасӣ мешавад, аммо на аз тариқи СММ.
