https://sputnik.tj/20220512/vazironi-rusiya-armaniston-ozarboyjon-dushanbe-guftugu-1048400440.html
Вазирони хориҷаи Русия, Арманистон ва Озарбойҷон дар Душанбе дидору гуфтугӯ мекунанд
Вазирони хориҷаи Русия, Арманистон ва Озарбойҷон дар Душанбе дидору гуфтугӯ мекунанд
Sputnik Тоҷикистон
Гуфтугӯи сеҷониба баррасии муқаррароти тайи шаш моҳи ахир аз ҷониби президентҳои кишварҳо ба имзо расидаро дарбар мегирад
2022-05-12T18:30+0500
2022-05-12T18:30+0500
2022-05-12T19:59+0500
дар тоҷикистон
дар русия
озарбойҷон
арманистон
сиёсат
https://cdnn1.img.sputnik.tj/img/07e6/05/06/1048245255_0:28:3029:1731_1920x0_80_0_0_643e23d5a18a02cca617650eaf587e79.jpg
ДУШАНБЕ, 12 май — Sputnik. Вазирони корҳои хориҷии Русия, Озарбойҷон ва Арманистон Сергей Лавров, Ҷайҳун Байрамов ва Арарат Мирзоян дар ҳошияи нишасти Шӯрои вазирони корҳои хориҷии ИДМ дар Душанбе мулоқот хоҳанд кард. Дар ин бора Лавров дар суҳбат бо Байрамов хабар дод. Вазири корҳои хориҷии Федератсияи Русия таъкид кард, ки мулоқоти Русияву Озарбойҷон дар ҳоле ҷараён дорад, ки равобити ҷонибҳо ба сатҳи ҳамкориҳои иттифоқӣ расидааст."Ҳар як имкони баррасии вазъ, ки барои иҷрои вазифаҳои мушаххасе, ки президентҳо гузоштаанд, хеле ва хеле арзишманд аст", - гуфт дипломат. Лавров ҳамчунин афзуд, ки дар соли 2022 Русия ва Озарбойҷон 30-солагии равобити дипломатияшонро ҷашн мегиранд. Ба ин сана як қатор чорабиниҳои рангин ва маҷмуи хотиравии хуҷҷатҳои муштарак тайёр карда мешаванд. Илова бар ин вазири хориҷаи Русия ба ҳамкориҳои иқтисодии Маскав ва Боку ишора кард. "Ду ҳафта пеш дар Боку як ҷаласа баргузор шуд, ки ба назари мо, барои ҳаракат дар самти тамоми тасмимҳои раҳбаронамон хеле ва хеле муфид буд. Умедворем, ки дар нимаи дуюми сол мо метавонем, ки боз як форуми байниминтақаӣ ташкил кунем", — гуфт ӯ. Ёдовар мешавем, Сергей Лавров, вазири умури хориҷии Русия рӯзи 12 май барои ширкат дар ҷаласаи Шӯрои вазирони умури хориҷии ИДМ вориди пойтахти Тоҷикистон шуд. Дар чаҳорчӯби ин ҳамоиш дипломатҳо тасмим доранд, дурнамои рушди ҳамкориҳо дар чаҳорчӯби иттиҳодро баррасӣ кунанд, ба масъалаҳои амнияти байналмилалӣ ва тавсеаи робитаҳо дар бахшҳои башардӯстона ва илмӣ таваҷҷуҳи хоса зоҳир карда шавад. Вазъ дар Украина низ яке аз мавзуъҳои гуфтугӯ хоҳад шуд. Ҷаласаҳои Шӯрои вазирони корҳои хориҷии ИДМ чун анъана дар як сол ду бор баргузор мешаванд. Ҷаласаи навбатӣ дар моҳи октябр дар Нурсултон баргузор мешавад. Шӯрои вазирони корҳои хориҷии Иттиҳоди Давлатҳои Мустақил (СНГ) мақоми асосии иҷроияи ИДМ мебошад. Шӯрои вазирони корҳои хориҷӣ дар асоси қарорҳои Шӯрои сарони давлатҳо ва Шӯрои сарони ҳукуматҳои Иттиҳоди Давлатҳои Мустақил фаъолияти сиёсати хориҷии давлатҳои аъзо, аз ҷумла фаъолияти онҳоро дар ташкилотҳои байналмилалӣ ҳамоҳанг месозад.
https://sputnik.tj/20220512/muhriddin-bo-lebedev-muloqot-kard-1048381854.html
https://sputnik.tj/20220511/lavrov-shirkat-nishast-vaziron-idm-dushanbe-1048376662.html
озарбойҷон
арманистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
русия арманистон озарбойҷон душанбе гуфтугӯ
русия арманистон озарбойҷон душанбе гуфтугӯ
Вазирони хориҷаи Русия, Арманистон ва Озарбойҷон дар Душанбе дидору гуфтугӯ мекунанд
18:30 12.05.2022 (Навсозишуда: 19:59 12.05.2022) Гуфтугӯи сеҷониба баррасии муқаррароти тайи шаш моҳи ахир аз ҷониби президентҳои кишварҳо ба имзо расидаро дарбар мегирад
ДУШАНБЕ, 12 май — Sputnik. Вазирони корҳои хориҷии Русия, Озарбойҷон ва Арманистон Сергей Лавров, Ҷайҳун Байрамов ва Арарат Мирзоян дар ҳошияи нишасти Шӯрои вазирони корҳои хориҷии ИДМ дар Душанбе мулоқот хоҳанд кард. Дар ин бора Лавров дар суҳбат бо Байрамов хабар дод.
"Имрӯз дар ин ҷо мо имкони хубе дорем, ки бо ҳамтои армании худ як мулоқоти сеҷониба баргузор кунем ва бубинем, ки се изҳороти сеҷонибаи дар яку ним соли ахир аз ҷониби президентҳои мо қабулшуда чӣ гуна иҷро мешаванд", - гуфт ӯ.
Вазири корҳои хориҷии Федератсияи Русия таъкид кард, ки мулоқоти Русияву Озарбойҷон дар ҳоле ҷараён дорад, ки равобити ҷонибҳо ба сатҳи ҳамкориҳои иттифоқӣ расидааст.
"Ҳар як имкони баррасии вазъ, ки барои иҷрои вазифаҳои мушаххасе, ки президентҳо гузоштаанд, хеле ва хеле арзишманд аст", - гуфт дипломат.
Лавров ҳамчунин афзуд, ки дар соли 2022 Русия ва Озарбойҷон 30-солагии равобити дипломатияшонро ҷашн мегиранд. Ба ин сана як қатор чорабиниҳои рангин ва маҷмуи хотиравии хуҷҷатҳои муштарак тайёр карда мешаванд. Илова бар ин вазири хориҷаи Русия ба ҳамкориҳои иқтисодии Маскав ва Боку ишора кард.
"Ду ҳафта пеш дар Боку як ҷаласа баргузор шуд, ки ба назари мо, барои ҳаракат дар самти тамоми тасмимҳои раҳбаронамон хеле ва хеле муфид буд. Умедворем, ки дар нимаи дуюми сол мо метавонем, ки боз як форуми байниминтақаӣ ташкил кунем", — гуфт ӯ.
Ёдовар мешавем, Сергей Лавров, вазири умури хориҷии Русия рӯзи 12 май барои ширкат дар ҷаласаи Шӯрои вазирони умури хориҷии ИДМ вориди пойтахти Тоҷикистон шуд.
Дар чаҳорчӯби ин ҳамоиш дипломатҳо тасмим доранд, дурнамои рушди ҳамкориҳо дар чаҳорчӯби иттиҳодро баррасӣ кунанд, ба масъалаҳои амнияти байналмилалӣ ва тавсеаи робитаҳо дар бахшҳои башардӯстона ва илмӣ таваҷҷуҳи хоса зоҳир карда шавад. Вазъ дар Украина низ яке аз мавзуъҳои гуфтугӯ хоҳад шуд.
Ҷаласаҳои Шӯрои вазирони корҳои хориҷии ИДМ чун анъана дар як сол ду бор баргузор мешаванд. Ҷаласаи навбатӣ дар моҳи октябр дар Нурсултон баргузор мешавад.
Шӯрои вазирони корҳои хориҷии Иттиҳоди Давлатҳои Мустақил (СНГ) мақоми асосии иҷроияи ИДМ мебошад.
Шӯрои вазирони корҳои хориҷӣ дар асоси қарорҳои Шӯрои сарони давлатҳо ва Шӯрои сарони ҳукуматҳои Иттиҳоди Давлатҳои Мустақил фаъолияти сиёсати хориҷии давлатҳои аъзо, аз ҷумла фаъолияти онҳоро дар ташкилотҳои байналмилалӣ ҳамоҳанг месозад.
