https://sputnik.tj/20220508/tajlil-ghalaba-sughd-ahmadzoda-qahramoni-1048293480.html

Таҷлили Ғалаба дар Суғд: Аҳмадзода гуфт, чаро ин сана бояд ҳамеша таҷлил шавад - аксҳо

Таҷлили Ғалаба дар Суғд: Аҳмадзода гуфт, чаро ин сана бояд ҳамеша таҷлил шавад - аксҳо

Sputnik Тоҷикистон

Дар шаҳри Хуҷанд рӯзи Ғалабаро таҷлил карданд. Садҳо нафар дар мавзеи Панҷшанбеи шаҳр ҷамъ омада, аз корнамоиҳои иштирокдорони ҶБВ қадрдонӣ карданд

2022-05-08T17:14+0500

2022-05-08T17:14+0500

2022-05-08T21:04+0500

дар тоҷикистон

ҷбв

иҷтимоъ

иди ғалаба

хуҷанд

аҳмадзода

аёдати собиқадор

https://cdnn1.img.sputnik.tj/img/07e6/05/08/1048294157_0:104:1000:667_1920x0_80_0_0_1b55d6e56652db80d5db27683966bcc3.jpg

ДУШАНБЕ, 8 май — Sputnik. Таҷлили рӯзи Ғалаба аз Суғд аз гулчанбаргузорӣ дар наз­ди муҷассамаи ёдгории шаҳидони Ҷанги​ бузурги ватанӣ дар мавзеи Панҷшанбеи ша­ҳри Хуҷанд оғоз гардид. Баробари садҳо нафар намояндагони аҳли зиё, мақомоти ҳокимияти давлатӣ ва насли наврас дар маросими таҷлили солгарди Ғалаба раиси вилояти Суғд, Раҷаббой Аҳмадзода ва консули генералии Русия дар Хуҷанд Андрей Варламов иштирок карда, кӯҳансарбозонро шодбош гуфтанд. Аҳмадзода дар маросими ҷашнӣ гуфт, мардуми То­ҷикистон Ғалаба­ро дар радифи халқу миллатҳои дигар ҳаме­ша бо арҷгузориву қа­дрдонӣ аз корномаҳои ҷангиву ҷоннисориҳои фарзандони худ таҷлил мекунад. Вай таъкид намуд, ки ин ибрати нек барои насли оянда мебошад. "Солҳо мегузаранд, ам­мо номи ҷанговарони қаҳрамон, ки бо баҳои ҷони худ инсониятр­о​ наҷот бахшидаанд, чун корнамоиҳои аҷд­оди диловарамон, ба монанди Спитамену Муқаннаъ, Темурмалик, Шоҳ Исмоили Сомонӣ ва Восеъ ҷови­дон мемонад", - гуфт ӯ. Ба иттилои раиси Суғд, феълан дар вилоят 18 нафар собиқадори ҷанг ва 123 коргари ақибгоҳ, ки барои ба даст овардани Ға­лаба ҳиссаи арзишманд гузоштанд, дар қай­ди ҳаёт мебошанд, ки ҳодиву раҳнамо ва дуогӯйанд. Дар мавриди бо ғамхорӣ ва кумаки молию тиббӣ фаро гирифта шудани собиқадорони ҷангу меҳнат зикр гардид, ки соли равон аз бу­ҷаи вилоят​ барои қадршиносии 18 нафар иштирокчиён ва маъюб­они ҶБВ 108 ҳазор со­монӣ - 6 ҳазор сомонӣ барои 1 нафар ҷудо гардид. Инчунин барои 123 нафаре, ки дар ақибгоҳ фаъол­ият доштаву соҳиби медалҳо гардидаанд, 369 ҳазор сомо­нӣ - 3 ҳазор сомонӣ барои 1 нафар тақдим шудааст. Маврид ба зикр аст, ки 77-умин солгарди Ғалабаро дар Тоҷикистон 59 сарбозе, ки дар набардҳои Ҷанги бузурги ватанӣ ширкат кардаанд, таҷлил хоҳанд кард. Соли гузашта дар Рӯзи ғалаба дар Тоҷикистон 94 куҳансарбоз дар қайди ҳаёт буд.Дар маҷмуъ аз Тоҷикистон дар Ҷанги бузурги ватанӣ ҳудуди 300 ҳазор сарбозу афсар ширкат карда, 45 ҳазор нафар дар ақибгоҳ хидмат кардаанд.Аз ин шумор беш аз 100 ҳазор нафар ба Ватан барнагаштаанд. Беш аз 56 ҳазор нафар сокини кишвар бо медалҳои ҷангӣ қадрдонӣ шудаанд.Дар баробари ин ба 55 нафари онҳо унвони Қаҳрамони Иттифоқи Шӯравӣ дода шудаст.

https://sputnik.tj/20220506/shodikhon-jamshed-kuhnasarbozi-panjakent-kumakpuli-1048248467.html

https://sputnik.tj/20220508/putin-rahmon-solgardi-ghalaba-jbv-1048294881.html

хуҷанд

2022

Хабарҳо

tg_TJ

оғоз, таҷлил, рӯз, ғалаба, хуҷанд