https://sputnik.tj/20220505/vurud-gureza-shabonaruz-rusiya-1048200406.html
Вуруди қариб 13 ҳазор гуреза дар як шабонарӯз ба Русия
Вуруди қариб 13 ҳазор гуреза дар як шабонарӯз ба Русия
Sputnik Тоҷикистон
Аз аввали моҳи май гузаргоҳҳои сарҳадӣ дар вилояти Ростовро ҳудуди 50 ҳазор гуреза аз ҷумҳуриҳои халқӣ дар Донбасс ва Украина убур кардаанд
2022-05-05T12:10+0500
2022-05-05T12:10+0500
2023-10-02T17:11+0500
амалиёти вижаи русия барои ҳимояи донбасс: охирин хабарҳо
дар русия
иҷтимоъ
гуреза
интиқол
ростови лаби дон
амалиёт
кӯдакон
украина
https://cdnn1.img.sputnik.tj/img/07e6/03/07/1046613133_0:160:3073:1888_1920x0_80_0_0_da96bc4499f0157c9eb121c4f577016f.jpg
ДУШАНБЕ, 5 май — Sputnik. Тайи шабонарӯзи охир беш аз 12,5 ҳазор фирорӣ аз тариқи гузаргоҳҳои марзии вилояти Ростов вориди Русия шудаанд, хабар дод РИА "Новости" бо такя ба мақомоти марзбонӣ. Манбаъ афзуд, ки бисёре аз гурезаҳо занону кӯдакон мебошанд. Теъдоди умумии гурезаҳо аз Украина ва ҷумҳуриҳои халқии Донбасс дар Русия аз ҳадди 1,1 млн нафар гузаштааст, ки аз ин ҳудуди 200 ҳазор нафари онҳо кӯдак мебошанд. Дар зимн баробари қабули гурезаҳо мақомоти Русия дар ҳудуди худи Украина низ даҳҳо тонна кумаки башардӯстона ва хадамоти аввалияти тиббию дорувории заруриро ба сокинони маҳаллӣ пешниҳод мекунанд.Интиқоли васеи шаҳрвандон аз Донбасс нимаи моҳи феврали соли равон дар пасманзари ташаннуҷи вазъ дар ин минтақа оғоз гардид. Комссари олии паноҳандагони СММ мегӯяд, аз замони оғози амалиёти вижаи Русия дар Украина ҳудуди 5,2 млн украинӣ ин кишварро тарк кардаанд. Ҳамчунин СММ эълом кардааст, ки беш аз 7,7 миллион украинӣ дар дохили ин кишвар овора шудаанд.Маврид ба зикр аст, ки Русия истиқлоли ҷумҳуриҳои халқии Донетск ва Луганскро 21 феврал эътироф карда, 24 феврал дар Украина амалиёти низомии махсусро оғоз кард.Кишвардори Русия Владимир Путин ҳадафи онро "ҳимояи одамоне номид, ки тӯли 8 сол аз сӯйи режими Киев мавриди таҳқиру наслкушӣ қарор гирифтаанд".Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом шуда, тамоми масъулини "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд. Аммо дар бораи ишғоли Украина сухане нест, таъкид кард раисҷумҳури Русия.
https://sputnik.tj/20220505/garavgoni-sokin-osoishta-noziyon-azovstal-1048195973.html
ростови лаби дон
украина
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
афзоиш, теъдод, гуреза, донбасс, украина, русия
афзоиш, теъдод, гуреза, донбасс, украина, русия
Вуруди қариб 13 ҳазор гуреза дар як шабонарӯз ба Русия
12:10 05.05.2022 (Навсозишуда: 17:11 02.10.2023) Аз аввали моҳи май гузаргоҳҳои сарҳадӣ дар вилояти Ростовро ҳудуди 50 ҳазор гуреза аз ҷумҳуриҳои халқӣ дар Донбасс ва Украина убур кардаанд
ДУШАНБЕ, 5 май — Sputnik. Тайи шабонарӯзи охир беш аз 12,5 ҳазор фирорӣ аз тариқи гузаргоҳҳои марзии вилояти Ростов вориди Русия шудаанд, хабар дод РИА "Новости" бо такя ба мақомоти марзбонӣ.
Манбаъ афзуд, ки бисёре аз гурезаҳо занону кӯдакон мебошанд.
Теъдоди умумии гурезаҳо аз Украина ва ҷумҳуриҳои халқии Донбасс дар Русия аз ҳадди 1,1 млн нафар гузаштааст, ки аз ин ҳудуди 200 ҳазор нафари онҳо кӯдак мебошанд.
Дар зимн баробари қабули гурезаҳо мақомоти Русия дар ҳудуди худи Украина низ даҳҳо тонна кумаки башардӯстона ва хадамоти аввалияти тиббию дорувории заруриро ба сокинони маҳаллӣ пешниҳод мекунанд.
Интиқоли васеи шаҳрвандон аз Донбасс нимаи моҳи феврали соли равон дар пасманзари ташаннуҷи вазъ дар ин минтақа оғоз гардид.
Комссари олии паноҳандагони СММ мегӯяд, аз замони оғози амалиёти вижаи Русия дар Украина ҳудуди 5,2 млн украинӣ ин кишварро тарк кардаанд. Ҳамчунин СММ эълом кардааст, ки беш аз 7,7 миллион украинӣ дар дохили ин кишвар овора шудаанд.
Маврид ба зикр аст, ки Русия истиқлоли ҷумҳуриҳои халқии Донетск ва Луганскро 21 феврал эътироф карда, 24 феврал дар Украина амалиёти низомии махсусро оғоз кард.
Кишвардори Русия Владимир Путин ҳадафи онро "ҳимояи одамоне номид, ки тӯли 8 сол аз сӯйи режими Киев мавриди таҳқиру наслкушӣ қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом шуда, тамоми масъулини "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд. Аммо дар бораи ишғоли Украина сухане нест, таъкид кард раисҷумҳури Русия.
