https://sputnik.tj/20220429/chand-rusiya-putin-1048067136.html
Баҳои русиягиҳо ба кори Путин
Баҳои русиягиҳо ба кори Путин
Sputnik Тоҷикистон
Дараҷаи эътимод ба кори раисҷумҳури Русия тайи вақтҳои охир бемайлон афзуда истодааст, нишон додаанд назарпурсиҳои анҷомдода миёни аҳолии кишвар
2022-04-29T12:30+0500
2022-04-29T12:30+0500
2023-10-02T17:11+0500
дар русия
иҷтимоъ
владимир путин
ҷонибдорӣ
амалиёт
украина
https://cdnn1.img.sputnik.tj/img/07e6/04/14/1047801858_0:0:2939:1654_1920x0_80_0_0_4d97c6b884fa331ea15ddfee9aba504f.jpg
ДУШАНБЕ, 29 апр — Sputnik. Ба Владимир Путин, президенти Русия ҳудуди 80%-и аҳолии кишвар бовар доранд, хабар дод бунёди "Афкори умум" дар пайи анҷоми назарпурсӣ. Бар асоси ин пажуҳиш, 80%-и русиягиҳо ба Владимир Путин бовар доранд, 12% изҳор доштаанд, ки эътимод надоранд. Шумораи онҳое, ки натавонистаанд посух диҳанд, 8%-ро ташкил додааст. Ба ақидаи 82%-и пурсидашудаҳо, президент дар мақомаш хуб фаъолият мекунад. Бо ин 10%-и пурсидашудаҳо розӣ нестанду бар инанд, ки Путин аз уҳдаи иҷрои масъулияташ набаромада истодааст. Дар баҳодиҳӣ ба кори раисҷумҳур 8% дучори мушкил шудаанд. Назарпурсӣ миёни 1,5 ҳазор нафари аз 18-сола боло дар 54 минтақаи Русия гузаронда шуда, хатои омории эҳтимолӣ камтар аз 2,5% арзёбӣ мешавад. Қаблан як пажуҳиши Маркази умумирусиягии омӯзиши афкори омма низ нишон дод, ки ҷонибдорӣ аз кори Путин афзоиш ёфтааст. Дар мавриди амалиёти низомии Русия дар Украина ҳудуди 42%-и пурсидашудаҳо бар инанд, ки ҳадафи амалиёти низомии роҳандозишуда "ҳимояти Русия, халъи силоҳ кардани Украина ва роҳ надодан ба ҷойгиршавии пойгоҳҳои НАТО дар қаламраваш мебошад".Ҳудуди 21% гуфтаанд, ки ҳадаф тағйир додани самти сиёсат дар Украина, нозизудоӣ мебошад. Теъдоди онҳое, ки ҳадафро ҳимояи Донбасс хондаанд, 18% ва онҳое, ки муътақиданд, Русия мехоҳад, Украинаро ғасб намоянду ба қаламраваш пайвандад, 4% гуфта шудааст.Дар оғози апрел устоди Пажуҳишгоҳи менеҷменти коммуникатсионӣ Марат Баширов далели афзоиши ҷонибдорӣ аз Путинро тавзеҳ дода буд. Ӯ гуфт, русиягиҳо ҳадафи амалиёти низомиро дарк мекунанд ва ҳар қадаре иттилоъ дар бораи амали воҳидҳои миллатгарои украинӣ бештар нашр шавад, ҳамон қадар ҷонибдорӣ аз Путин афзоиш меёбад.
https://sputnik.tj/20220429/afzoish-vurud-firoriyon-ukraina-donbass-rusiya-1048066288.html
украина
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
фоиз, русиягиҳо, путин, бовар
фоиз, русиягиҳо, путин, бовар
Баҳои русиягиҳо ба кори Путин
12:30 29.04.2022 (Навсозишуда: 17:11 02.10.2023) Дараҷаи эътимод ба кори раисҷумҳури Русия тайи вақтҳои охир афзуда истодааст, нишон додаанд назарпурсиҳои анҷомдода миёни аҳолии ин кишвар
ДУШАНБЕ, 29 апр — Sputnik. Ба Владимир Путин, президенти Русия ҳудуди 80%-и аҳолии кишвар бовар доранд, хабар дод бунёди "Афкори умум" дар пайи анҷоми назарпурсӣ.
Бар асоси ин пажуҳиш, 80%-и русиягиҳо ба Владимир Путин бовар доранд, 12% изҳор доштаанд, ки эътимод надоранд. Шумораи онҳое, ки натавонистаанд посух диҳанд, 8%-ро ташкил додааст.
Ба ақидаи 82%-и пурсидашудаҳо, президент дар мақомаш хуб фаъолият мекунад. Бо ин 10%-и пурсидашудаҳо розӣ нестанду бар инанд, ки Путин аз уҳдаи иҷрои масъулияташ набаромада истодааст. Дар баҳодиҳӣ ба кори раисҷумҳур 8% дучори мушкил шудаанд.
Назарпурсӣ миёни 1,5 ҳазор нафари аз 18-сола боло дар 54 минтақаи Русия гузаронда шуда, хатои омории эҳтимолӣ камтар аз 2,5% арзёбӣ мешавад.
Қаблан як пажуҳиши Маркази умумирусиягии омӯзиши афкори омма низ нишон дод, ки ҷонибдорӣ аз кори Путин афзоиш ёфтааст.
Дар мавриди амалиёти низомии Русия дар Украина ҳудуди 42%-и пурсидашудаҳо бар инанд, ки ҳадафи амалиёти низомии роҳандозишуда "ҳимояти Русия, халъи силоҳ кардани Украина ва роҳ надодан ба ҷойгиршавии пойгоҳҳои НАТО дар қаламраваш мебошад".
Ҳудуди 21% гуфтаанд, ки ҳадаф тағйир додани самти сиёсат дар Украина, нозизудоӣ мебошад. Теъдоди онҳое, ки ҳадафро ҳимояи Донбасс хондаанд, 18% ва онҳое, ки муътақиданд, Русия мехоҳад, Украинаро ғасб намоянду ба қаламраваш пайвандад, 4% гуфта шудааст.
Дар оғози апрел устоди Пажуҳишгоҳи менеҷменти коммуникатсионӣ Марат Баширов далели афзоиши ҷонибдорӣ аз Путинро тавзеҳ дода буд. Ӯ гуфт, русиягиҳо ҳадафи амалиёти низомиро дарк мекунанд ва ҳар қадаре иттилоъ дар бораи амали воҳидҳои миллатгарои украинӣ бештар нашр шавад, ҳамон қадар ҷонибдорӣ аз Путин афзоиш меёбад.
