Баҳси стипендияи "Дурахшандагон" дар маҷлиси ҳукумат: Раҳмон супориши қатъӣ дод

© Хадамоти матбуотии президенти ТоҷикистонЭмомалӣ Раҳмон - президенти Тоҷикистон дар маҷлиси ҳукумат
Эмомалӣ Раҳмон - президенти Тоҷикистон дар маҷлиси ҳукумат - Sputnik Тоҷикистон, 1920, 26.04.2022
Обуна шудан
Президенти Тоҷикистон барои интихоб ва тайёр намудани кадрҳо барои таҳсил дар муассисаҳои таҳсилоти олӣ ва илмии давлатҳои хориҷ ба масъулини дахлдор супориш дод
ДУШАНБЕ, 26 апр — Sputnik. Президенти Тоҷикистон Эмомалӣ Раҳмон аз рафти интихоб ва бо ҷои кор таъмин намудани донишҷӯёни тоҷик, ки бо стипендияи "Дурахшандагон" дар хориҷ таҳсил мекунанд, изҳори нигаронӣ кард.
Дар ин росто раисҷумҳур рӯзи 26 апрел зимни баргузории маҷлиси ҳукумат ба вазири маорифи кишвар ва шахсони дахлдор супоиш дод.
Дар маҷлис муовини сарвазири кишвар Матлубахон Сатториён оид ба интихоб ва тайёр намудани кадрҳо дар муассисаҳои хориҷӣ дар бораи вазъи таҳсили онҳо, самаранок истифода бурдани стипендияи байналмилалии президент “Дурахшандагон” ва бо ҷойи кор таъмин гаштани онҳо дар давраи солҳои 2018-2022 гузориш дод.
Ӯ таъкид кардааст, ки сафарбар намудан ва таҳсили шаҳрвандони ҷумҳурӣ дар муассисаҳои олии касбӣ ва илмии кишварҳои хориҷӣ яке аз ибтикороти муҳими ҳукумат аст.
Возобновление очного обучения в вузах - Sputnik Тоҷикистон, 1920, 28.12.2021
Шумори донишҷӯёни тоҷике, ки дар Русия ройгон таҳсил мекунанд, дақиқ шуд
Дар ин зимн як қатор санадҳои меъёрии ҳуқуқӣ қабул гардида, дар асоси созишномаҳои ҳамкорӣ дар ҷумҳуриҳои аъзои ИДМ ва кишварҳои хориҷи дур ҳамасола зиёда аз 5 ҳазор нафар аз шаҳрвандони ҷумҳурӣ дар муассисаҳои таҳсилоти олӣ ва илмӣ ба таҳсил фаро гирифта мешаванд.
Масъалаи бо ҷои кор таъмин гардидан мутобиқи низомномаи стипендияи “Дурахшандагон” амалӣ шуда, хатмкардагон дар самтҳои гуногуни ҳаёти иқтисодию иҷтимоӣ ва низоми идоракунии ҷумҳурӣ кору фаъолияти босамар доранд.

"Ҳарчанд шумораи зиёди хатмкардагон ба ҷойҳои корӣ ҳозир шудаанд, вале аз рӯйи таҳлилҳо маълум мегардад, ки 31,8 фоиз тибқи тартиби муқарраргардида амал накардаанд", - гуфтааст Сатториён.

Кишвардор дар ин росто ҷиҳати ислоҳи камбудиҳо дар ин самт супориш додааст, ки Вазорати маориф оид ба интихоб ва тайёр намудани кадрҳо дар муассисаҳои таҳсилоти олӣ ва илмии давлатҳои хориҷ тадбирҳои амалӣ андешад.
Ҳамкории Тоҷикистону Русия дар соҳаи маориф
Вазорату идораҳои дахлдор вазифадор шудаанд, ки барои бо ҷои кор таъмин намудани шаҳрвандоне, ки аз тариқи стипендияи байналмилалии “Дурахшандагон” муассисаҳои олӣ ва илмии давлатҳои хориҷиро хатм кардаанд, мусоидат намоянд.
Лентаи хабарҳо
0