https://sputnik.tj/20220420/sharh-kreml-ravand-muzokirot-kiev-1047810100.html
Шарҳи Кремл дар бораи раванди музокирот бо Киев
Шарҳи Кремл дар бораи раванди музокирот бо Киев
Sputnik Тоҷикистон
Маскав мегӯяд, ҷониби Украина майле барои тезондани суръати музокиротро нишон надода истодааст ва тамоми иқдомаш баёнгари таъхир ё барҳам додани музокирот аст
2022-04-20T18:30+0500
2022-04-20T18:30+0500
2023-10-02T17:11+0500
амалиёти вижаи русия барои ҳимояи донбасс: охирин хабарҳо
дар русия
музокирот
сиёсат
гуфтушунид
киев
украина
https://cdnn1.img.sputnik.tj/img/07e4/09/1c/1031976800_0:0:3005:1691_1920x0_80_0_0_4768e13928c759309c16aac836be6670.jpg
ДУШАНБЕ, 20 апр — Sputnik. Русия ба ҷониби Украина лоиҳаи санад дар мавриди эътидоли вазъро пешниҳод кард, изҳор дошт Дмитрий Песков, сухангӯи раисҷумҳури ФР. Ӯ дар суҳбат бо рӯзноманигорон гуфт, Киев дар ироаи посух ва вокуниш шитоб накарда истодааст. Намояндаи Кремл таъкид намуд, ки ҷониби Украина пайваста аз созишҳои қаблан ҳосилшуда ақибнишинӣ мекунад, онҳоро тағйир медиҳад, ки дар навбати худ ба самаранокии музокирот таъсири манфӣ мерасонад. Вай хотиррасон намуд, ки Маскав борҳо ба майл надоштани Киев ба вусъати музокироту пайдо кардани роҳи ҳал ишора карда буд. "Ҳоло ҳам майли бузурге барои суръат бахшидани раванди музокирот ҷониби Украина нишон надода истодааст", - гуфт сухангӯи раисҷумҳури Русия. Маврид ба зикр аст, ки Сергей Лавров, вазири умури хориҷии Русия 7 апрел хабар дод, ки ҷониби Украина лоиҳаи созишномаи худро пешниҳод кардааст, ки дар он канорагирӣ аз бандҳои муҳим аён аст. Аз ҷумла зикр мешавад, ки Киев бархе мафҳумҳои чандманзураро ворид кардааст, дар ҳоле ки қаблан банди мушаххаси рабт надоштани кафолати амниятӣ ба Қрим ва Севастопол зикр шуда буд. Ба гуфтаи Лавров, Киев майлаш ба таъхир ва ё барҳам задани раванди музокиротро нишон дод. Музокироти Русия ва Украина рӯзи 28 феврал оғоз шуда, ҳам ба шакли ҳузурӣ ва ҳам аз тариқи видеоконфронс сурат мегиранд. Даври навбатии музокирот охири март дар шаҳри Истанбул баргузор шуда буд. Гуфтушунидҳо дар ҳоле сурат мегиранд, ки Русия рӯзи 24 феврал амалиёти вижаро дар Украина оғоз кард. Кишвардори Русия Владимир Путин ҳадафи онро "ҳимояи одамоне номид, ки тӯли 8 сол аз сӯйи режими Киев мавриди таҳқиру наслкушӣ қарор гирифтаанд".Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом шуда, тамоми масъулини "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд. Аммо дар бораи ишғоли Украина сухане нест, таъкид кард раисҷумҳури Русия.
https://sputnik.tj/20220420/rusiya-zelenskiy-azovstal-ivaz-1047796542.html
киев
украина
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
кремл, раванд, музокирот, киев
кремл, раванд, музокирот, киев
Шарҳи Кремл дар бораи раванди музокирот бо Киев
18:30 20.04.2022 (Навсозишуда: 17:11 02.10.2023) Маскав мегӯяд, ҷониби Украина майле барои тезондани суръати музокирот нишон надода истодааст ва иқдомаш баёнгари таъхир ё барҳам задани музокирот аст
ДУШАНБЕ, 20 апр — Sputnik. Русия ба ҷониби Украина лоиҳаи санад дар мавриди эътидоли вазъро пешниҳод кард, изҳор дошт Дмитрий Песков, сухангӯи раисҷумҳури ФР.
Ӯ дар суҳбат бо рӯзноманигорон гуфт, Киев дар ироаи посух ва вокуниш шитоб накарда истодааст.
Намояндаи Кремл таъкид намуд, ки ҷониби Украина пайваста аз созишҳои қаблан ҳосилшуда ақибнишинӣ мекунад, онҳоро тағйир медиҳад, ки дар навбати худ ба самаранокии музокирот таъсири манфӣ мерасонад.
"Ба Украина аз ҷониби мо лоиҳаи санад дода шудааст, ки дар он мафҳумҳо мушаххас карда шудаанд. Тӯб дар майдони онҳост. Посухро интизорем", - илова намуд Песков.
Вай хотиррасон намуд, ки Маскав борҳо ба майл надоштани Киев ба вусъати музокироту пайдо кардани роҳи ҳал ишора карда буд.
"Ҳоло ҳам майли бузурге барои суръат бахшидани раванди музокирот ҷониби Украина нишон надода истодааст", - гуфт сухангӯи раисҷумҳури Русия.
Маврид ба зикр аст, ки Сергей Лавров, вазири умури хориҷии Русия 7 апрел хабар дод, ки ҷониби Украина лоиҳаи созишномаи худро пешниҳод кардааст, ки дар он канорагирӣ аз бандҳои муҳим аён аст.
Аз ҷумла зикр мешавад, ки Киев бархе мафҳумҳои чандманзураро ворид кардааст, дар ҳоле ки қаблан банди мушаххаси рабт надоштани кафолати амниятӣ ба Қрим ва Севастопол зикр шуда буд. Ба гуфтаи Лавров, Киев майлаш ба таъхир ва ё барҳам задани раванди музокиротро нишон дод.
Музокироти Русия ва Украина рӯзи 28 феврал оғоз шуда, ҳам ба шакли ҳузурӣ ва ҳам аз тариқи видеоконфронс сурат мегиранд. Даври навбатии музокирот охири март дар шаҳри Истанбул баргузор шуда буд.
Гуфтушунидҳо дар ҳоле сурат мегиранд, ки Русия рӯзи 24 феврал амалиёти вижаро дар Украина оғоз кард. Кишвардори Русия Владимир Путин ҳадафи онро "ҳимояи одамоне номид, ки тӯли 8 сол аз сӯйи режими Киев мавриди таҳқиру наслкушӣ қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом шуда, тамоми масъулини "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд. Аммо дар бораи ишғоли Украина сухане нест, таъкид кард раисҷумҳури Русия.
