https://sputnik.tj/20220415/fano-dedovshina-raiszoda-parlumon-artishgurezi-1047660605.html
Фанои "дедовшина" ва фиристодани раисзодаҳо. Узви парлумон давои артишгурезиро гуфт
Фанои "дедовшина" ва фиристодани раисзодаҳо. Узви парлумон давои артишгурезиро гуфт
Sputnik Тоҷикистон
Узви парлумони Тоҷикистон хост, зуҳуроти "дедовшина" дар артиши кишвар решакан карда шаваду ҳар ҳолати ин падидаи манфӣ таҳқиқ гардад
2022-04-15T09:35+0500
2022-04-15T09:35+0500
2022-04-15T12:24+0500
дар тоҷикистон
амният ва мудофиа
артиш
хидмат
маҷлиси миллӣ
аскарон
даъват
https://cdnn1.img.sputnik.tj/img/102679/26/1026792624_0:104:2048:1256_1920x0_80_0_0_2f78d7c36a52069d072fd932f242eb1d.jpg
ДУШАНБЕ, 15 апр — Sputnik. Волидон бояд фарзандонашонро барои анҷоми хидмати ҳарбӣ дилгарм намоянд, на онҳоро гурезонанду пинҳон кунанд, изҳор дошт Мурод Шукурзода, узви Маҷлиси миллии Тоҷикистон. Шукурзода бо нашри як матлаб дар бораи сабабҳои хидматгурезии бархе ҷавонони Тоҷикистон дар нашрияи "Садои мардум", волидон, мактаб, роҳбарони маҳал ва комиссариатҳои ҳарбиро муқассир донистаст. Вай дар зимн таъкид кардааст, ки фарзандони мансабдорон низ аз хидмат саркашӣ мекунанд. "Мутаассифона, дар баъзе аз ҳолатҳо писарони баъзе аз мансабдорон бо сабабу баҳонаҳои гуногун аз хидмати ҳарбӣ сар мепечанд. Масалан, қисмати зиёди онҳо чаро баъди хатми мактаби олӣ довталабона ба хидмати ҳарбӣ намераванд? Чунин мисолҳо ҳам ҳастанд, вале камшуморанд", - афзуд ӯ.Ба гуфтаи узви Маҷлиси миллӣ, тарғиботи хидмати ҳарбӣ дар дарсҳои омодагии дифои ҳарбӣ дар муассисаҳои таълимӣ суст ба роҳ монда шудааст. Сабаби дигарро ба фаъолияти сусти комиссариатҳои ҳарбӣ рабт додааст, ки афроди синни даъватиро дуруст ба қайд намегиранду таҳлил намекунанд. "Вақте ки ба хонаи нафари дар аскарибуда ё фавтида ё синнаш аз даъват гузашта ё соҳиби ду- се фарзанд хабарномаи даъват меравад ва ин ҳолатҳоро борҳо ба мушоҳида ҳам гирифтаем, баёнгари кори онҳо бо даъватшавандаҳост", - изҳор дошт Шукурзода. Ӯ таъкид намудааст, ки бо даъватшавандаҳо тамоми сол бояд кор кард, на дар мавсими даъват ба артиш ва хостори фаъолтар шудани роҳбарони ҷамоату деҳот дар ин масъала шудааст. Масъалаи дигаре, ки ба гуфтаи узви парлумони Тоҷикистон, масъулин бояд ба он диққат диҳанд, таъмини тартибот тибқи оинномаҳои ҳарбӣ мебошад. "Дедовшина", ки мерос аз артиши шӯравист, бояд комилан аз байн бурда, ҳар ҳодисаи фавт ё бемории ғайритабиии ҳар сарбоз аз ҷониби прокуратураи ҳарбӣ таҳқиқ шуда, натиҷаи он ошкоро ба мардум расонида шавад, меафзояд Шакурзода. Вай ҳамчунин иҷрои нақшаи даъватро аз ҳисоби омӯзгорону табибон, аспирантон ва магистрҳо бар зарари илм дар Тоҷикистон арзёбӣ намуд. Маврид ба зикр аст, ки феълан даъвати баҳории ҷавонон ба хидмати ҳарбӣ дар Тоҷикистон давом дорад. Мавсими даъват аввали моҳи апрел оғоз гардида, то охири моҳи май идома хоҳад ёфт.
https://sputnik.tj/20211230/dastur-sherali-mirzo-isloh-kambud-davat-navaskaron-1044547061.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
узв, парлумон, дедовшина, артишгурезӣ,
узв, парлумон, дедовшина, артишгурезӣ,
Фанои "дедовшина" ва фиристодани раисзодаҳо. Узви парлумон давои артишгурезиро гуфт
09:35 15.04.2022 (Навсозишуда: 12:24 15.04.2022) Узви парлумони Тоҷикистон хост, зуҳуроти "дедовшина" дар артиши кишвар решакан карда шаваду ҳар ҳолати ин падидаи манфӣ таҳқиқ гардад
ДУШАНБЕ, 15 апр — Sputnik. Волидон бояд фарзандонашонро барои анҷоми хидмати ҳарбӣ дилгарм намоянд, на онҳоро гурезонанду пинҳон кунанд, изҳор дошт Мурод Шукурзода, узви Маҷлиси миллии Тоҷикистон.
Шукурзода бо нашри як матлаб дар бораи сабабҳои хидматгурезии бархе ҷавонони Тоҷикистон дар нашрияи "Садои мардум", волидон, мактаб, роҳбарони маҳал ва комиссариатҳои ҳарбиро муқассир донистаст.
"Ҳолатҳои пинҳон кардани писарони синни даъватӣ, гурезонидани онҳо дар маъракаи даъват аз ҷониби падарону модарон низ ба назар мерасанд", - изҳор дошт ӯ.
Вай дар зимн таъкид кардааст, ки фарзандони мансабдорон низ аз хидмат саркашӣ мекунанд.
"Мутаассифона, дар баъзе аз ҳолатҳо писарони баъзе аз мансабдорон бо сабабу баҳонаҳои гуногун аз хидмати ҳарбӣ сар мепечанд. Масалан, қисмати зиёди онҳо чаро баъди хатми мактаби олӣ довталабона ба хидмати ҳарбӣ намераванд? Чунин мисолҳо ҳам ҳастанд, вале камшуморанд", - афзуд ӯ.
Ба гуфтаи узви Маҷлиси миллӣ, тарғиботи хидмати ҳарбӣ дар дарсҳои омодагии дифои ҳарбӣ дар муассисаҳои таълимӣ суст ба роҳ монда шудааст.
Сабаби дигарро ба фаъолияти сусти комиссариатҳои ҳарбӣ рабт додааст, ки афроди синни даъватиро дуруст ба қайд намегиранду таҳлил намекунанд.
"Вақте ки ба хонаи нафари дар аскарибуда ё фавтида ё синнаш аз даъват гузашта ё соҳиби ду- се фарзанд хабарномаи даъват меравад ва ин ҳолатҳоро борҳо ба мушоҳида ҳам гирифтаем, баёнгари кори онҳо бо даъватшавандаҳост", - изҳор дошт Шукурзода.
Ӯ таъкид намудааст, ки бо даъватшавандаҳо тамоми сол бояд кор кард, на дар мавсими даъват ба артиш ва хостори фаъолтар шудани роҳбарони ҷамоату деҳот дар ин масъала шудааст.
Масъалаи дигаре, ки ба гуфтаи узви парлумони Тоҷикистон, масъулин бояд ба он диққат диҳанд, таъмини тартибот тибқи оинномаҳои ҳарбӣ мебошад.
"Дедовшина", ки мерос аз артиши шӯравист, бояд комилан аз байн бурда, ҳар ҳодисаи фавт ё бемории ғайритабиии ҳар сарбоз аз ҷониби прокуратураи ҳарбӣ таҳқиқ шуда, натиҷаи он ошкоро ба мардум расонида шавад, меафзояд Шакурзода.
Вай ҳамчунин иҷрои нақшаи даъватро аз ҳисоби омӯзгорону табибон, аспирантон ва магистрҳо бар зарари илм дар Тоҷикистон арзёбӣ намуд.
Маврид ба зикр аст, ки феълан даъвати баҳории ҷавонон ба хидмати ҳарбӣ дар Тоҷикистон давом дорад. Мавсими даъват аввали моҳи апрел оғоз гардида, то охири моҳи май идома хоҳад ёфт.
