https://sputnik.tj/20220331/uft-dollar-tojikiston-narkh-ord-ravghan-shakar-poyon-1047242991.html
Уфти қурби доллар дар Тоҷикистон нархи орду рӯған ва шакарро поён бурд
Уфти қурби доллар дар Тоҷикистон нархи орду рӯған ва шакарро поён бурд
Sputnik Тоҷикистон
Дар пайи коҳишёбии арзиши доллар, қимати нархи маҳсулот дар бозорҳои Тоҷикистон низ рӯ ба арзоншавӣ ниҳод
2022-03-31T20:25+0500
2022-03-31T20:25+0500
2022-03-31T20:25+0500
дар тоҷикистон
иқтисод
нарх
доллар
https://cdnn1.img.sputnik.tj/img/07e5/04/1d/1039138203_0:156:3000:1844_1920x0_80_0_0_c23128dff9940b570be4b2dbfff6e72f.jpg
ДУШАНБЕ, 31 мар – Sputnik. Ҳудуди ду ҳафта қабл дар пасманзари боло рафтани қурби доллар болоравии нархи маводи ниёзи аввал, аз ҷумла орд, рӯған ва шакар бахши аъзами аҳолии кишварро ба таҳлука оварда буд. Як ҳафта ба ин тараф қимати доллар пайваста поён меравад ва дар ин ҷараён нархи маҳсулоти воридотии бозорҳои Тоҷикистон ҳам беш аз пеш коҳиш меёбад.Хабарнигори Sputnik Тоҷикистон аз чанд бозори калони Суғд дидан кард ва маълум намуд, ки нархи кадом маҳсулот дар муқоиса ба як ҳафтаи қабл арзон шудааст.Нархи орд, аз умдатарин маводи ниёзи хонаводаҳои тоҷик, ки асосан гандуми он аз хориҷ ба коргоҳҳои ордтавлидкунии кишвар ворид мешавад, вобаста ба навъаш ба 300–295 сомонӣ расидааст. Бино ба гуфти фурӯшандаҳо, ҳоло нархи рӯғани рустанӣ низ то 110-100 сомонӣ поин рафтааст. Як ҳафта қабл нархи 5 литр рӯғани офтобпараст 130 сомонӣ ва рӯғани пунбадона 120 сомонӣ рақам зада мешуд.Карим Саидов, як шакарфурӯши бозори “Фаровон”-и ноҳияи Бобоҷон Ғафуров гуфт, ки бо вуҷуди серхариддор будани бораш нархи он арзон шудааст."Як ҳафта қабл 10 кило шакари истеҳсоли Русия 130 сомонӣ ва шакари истеҳсоли Покистону Ҳиндустон 120 сомонӣ буд. Ҳоло беш аз як сомонӣ сари ҳар кило арзон шудааст”, - афзуд Саидов.Ин фурӯшандаи бозор таъкид намуд, ки ин навъи маҳсулоти бозор аз хориҷ ворид мешавад ва инак, дар пасманзари уфти арзиши доллар нархи он ҳам коҳиш ёфтааст. Дар оғози моҳи март арзиши доллар то ба 14 сомонӣ боло рафта буд, ки боиси якбора болоравии нархи маҳсулоти бозор гардид. Ҳоло бештар аз як ҳафта аст, ки қурби доллар ба таври қобили мулоҳиза поин меравад.
https://sputnik.tj/20220312/maqomoti-sughd-anborho-zakhirai-ghalla-mavjud-1046744425.html
https://sputnik.tj/20220331/hushdori-sanduqi-baynalmilalii-pul-zaifshavii-dollar-1047226106.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон доллар орд шакар равған
тоҷикистон доллар орд шакар равған
Уфти қурби доллар дар Тоҷикистон нархи орду рӯған ва шакарро поён бурд
Дар пайи коҳиши арзиши доллар қимати нархи маҳсулот дар бозорҳои Тоҷикистон низ рӯ ба арзонӣ ниҳод
ДУШАНБЕ, 31 мар – Sputnik. Ҳудуди ду ҳафта қабл дар пасманзари боло рафтани қурби доллар болоравии нархи маводи ниёзи аввал, аз ҷумла орд, рӯған ва шакар бахши аъзами аҳолии кишварро ба таҳлука оварда буд.
Як ҳафта ба ин тараф қимати доллар пайваста поён меравад ва дар ин ҷараён нархи маҳсулоти воридотии бозорҳои Тоҷикистон ҳам беш аз пеш коҳиш меёбад.
Хабарнигори Sputnik Тоҷикистон аз чанд бозори калони Суғд дидан кард ва маълум намуд, ки нархи кадом маҳсулот дар муқоиса ба як ҳафтаи қабл арзон шудааст.
Нархи орд, аз умдатарин маводи ниёзи хонаводаҳои тоҷик, ки асосан гандуми он аз хориҷ ба коргоҳҳои ордтавлидкунии кишвар ворид мешавад, вобаста ба навъаш ба 300–295 сомонӣ расидааст.
"Чанд рӯз қабл аз ҳисоби болоравии қурби доллар 50 кило орди навъи якум то 315 сомонӣ расида буд. Ҳоло нарх то 295 сомонӣ арзон шудааст. Нархи 50 кило орди навъи дуюм аз ин арзонтар, 265 сомонӣ шуд”, - гуфт яке аз ордфурӯшони бозори “Панҷшанбе”-и Хуҷанд.
Бино ба гуфти фурӯшандаҳо, ҳоло нархи рӯғани рустанӣ низ то 110-100 сомонӣ поин рафтааст. Як ҳафта қабл нархи 5 литр рӯғани офтобпараст 130 сомонӣ ва рӯғани пунбадона 120 сомонӣ рақам зада мешуд.
Карим Саидов, як шакарфурӯши бозори “Фаровон”-и ноҳияи Бобоҷон Ғафуров гуфт, ки бо вуҷуди серхариддор будани бораш нархи он арзон шудааст.
"Як ҳафта қабл 10 кило шакари истеҳсоли Русия 130 сомонӣ ва шакари истеҳсоли Покистону Ҳиндустон 120 сомонӣ буд. Ҳоло беш аз як сомонӣ сари ҳар кило арзон шудааст”, - афзуд Саидов.
Ин фурӯшандаи бозор таъкид намуд, ки ин навъи маҳсулоти бозор аз хориҷ ворид мешавад ва инак, дар пасманзари уфти арзиши доллар нархи он ҳам коҳиш ёфтааст.
Дар оғози моҳи март арзиши доллар то ба 14 сомонӣ боло рафта буд, ки боиси якбора болоравии нархи маҳсулоти бозор гардид. Ҳоло бештар аз як ҳафта аст, ки қурби доллар ба таври қобили мулоҳиза поин меравад.
