https://sputnik.tj/20220329/korkhona-namak-tojikiston-kor-mond-1047164245.html
Бузургтарин корхонаи истеҳсоли намак дар Тоҷикистон аз кор монд: сабаб
Бузургтарин корхонаи истеҳсоли намак дар Тоҷикистон аз кор монд: сабаб
Sputnik Тоҷикистон
Бузургтарин корхонаи истеҳсоли намак, воқеъ дар вилояти Суғди Тоҷикистон аз кор бозмондааст. Ҳафт моҳ ба ин тараф беш аз 100 коргари “Намаки Ашт” ба рухсатии бемузд фиристода шудаанд
2022-03-29T16:05+0500
2022-03-29T16:05+0500
2022-03-29T20:33+0500
дар тоҷикистон
саноат
иҷтимоъ
нону намак
истеҳсолот
https://cdnn1.img.sputnik.tj/img/07e6/02/08/1045649424_0:134:1872:1187_1920x0_80_0_0_2915b45d7836513e3cad0396a53158ec.jpg
ДУШАНБЕ, 29 мар — Sputnik. Бузургтарин корхонаи истеҳсоли намак, воқеъ дар вилояти Суғди Тоҷикистон аз кор мондааст. Ҳафт моҳ ба ин тараф беш аз 100 коргари “Намаки Ашт” ба рухсатии бемузд фиристода шудаанд.Ҷамшед Ёрматов, директори иҷроияи ҶСК “Намаки Ашт”-и ноҳияи Ашт дар суҳбат ба Sputnik Тоҷикистон аз фаъолият мондани корхонаро таъйид кард ва сабаби онро шарҳ дод.Соли 2003 ин коргоҳ иҷозатномаи 15-сола дарёфт карда буд, вале баъди ба поён расидани муҳлати ин санад ба мушкилиҳо дучор шудааст. Ҷамшед Ёрматов гуфт, барои нигоҳ доштани нишондодҳои истеҳсолӣ ва фароҳам намудани ҷойи корӣ ду сол бидуни эътибори санад (иҷозатнома) коргоҳ фаъол буд, вале ин ҳолат боиси муҷозот шудани коргоҳ гардидааст. Бино ба гуфтаи ӯ, соли 2021 аз сӯи маъмурони Ожонси мубориза бо фасод “Намаки Ашт” мавриди тафтиш қарор гирифта, барои бидуни иҷозатнома фаъолият намудан мақомот ин коргоҳро беш аз 600 ҳазор сомонӣ ҷарима намудаанд. ҶСК “Намаки Ашт” яке аз бузургтарин коргоҳҳои тавлидӣ дар Тоҷикистон ба шумор меравад, ки аз замони шӯравӣ ба ин тараф мунтазам кор мекард. Соли 2008 аз сӯи коршиносони байналмилалӣ ин коргоҳ сазовори Ҷоизаи маҳсулоти дорои сифати беҳтарин дониста шуд. Иқтидори солонаи “Намаки Ашт” то 10 ҳазор тонна намаки ошии йодшуда аст ва маҳсули кори он ба кишварҳои Афғонистону Қирғизистон ва Ӯзбекистон низ содир мешуд. Ин коргоҳ ҳамасола то 1, 5 миллион сомонӣ ба буҷаи ноҳияи Ашт молиёт пардохт мекард. Бо сабаби аз фаъолият бозмондани он беш аз 100 коргар ба рухсатии бемузд фиристода шудаанд.
https://sputnik.tj/20220310/tojikiston-narkhi-mahsulot-ghizoi-garon-1046664677.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
бузургтарин корхона, истеҳсоли намак, тоҷикистон
бузургтарин корхона, истеҳсоли намак, тоҷикистон
Бузургтарин корхонаи истеҳсоли намак дар Тоҷикистон аз кор монд: сабаб
16:05 29.03.2022 (Навсозишуда: 20:33 29.03.2022) Эксклюзив
Маҳсулоти ин коргоҳ то ин замон ба ҷуз аз бозорҳои дохилӣ, ба Афғонистону Қирғизистон ва Ӯзбекистон содир мешуд
ДУШАНБЕ, 29 мар — Sputnik. Бузургтарин корхонаи истеҳсоли намак, воқеъ дар вилояти Суғди Тоҷикистон аз кор мондааст.
Ҳафт моҳ ба ин тараф беш аз 100 коргари “Намаки Ашт” ба рухсатии бемузд фиристода шудаанд.
Ҷамшед Ёрматов, директори иҷроияи ҶСК “Намаки Ашт”-и ноҳияи Ашт дар суҳбат ба
Sputnik Тоҷикистон аз фаъолият мондани корхонаро таъйид кард ва сабаби онро шарҳ дод.
"Муҳлати иҷозатнома соли 2018 ба охир расид, то гирифтани санади нав ба ин қарор расидем, ки фаъолияти корхонаро боздорем, ҳарчанд ин вазъ барои ноҳия ва коргарони корхона зиёновар мебошад", – гуфт Ёрматов.
Соли 2003 ин коргоҳ иҷозатномаи 15-сола дарёфт карда буд, вале баъди ба поён расидани муҳлати ин санад ба мушкилиҳо дучор шудааст.
Ҷамшед Ёрматов гуфт, барои нигоҳ доштани нишондодҳои истеҳсолӣ ва фароҳам намудани ҷойи корӣ ду сол бидуни эътибори санад (иҷозатнома) коргоҳ фаъол буд, вале ин ҳолат боиси муҷозот шудани коргоҳ гардидааст.
Бино ба гуфтаи ӯ, соли 2021 аз сӯи маъмурони Ожонси мубориза бо фасод “Намаки Ашт” мавриди тафтиш қарор гирифта, барои бидуни иҷозатнома фаъолият намудан мақомот ин коргоҳро беш аз 600 ҳазор сомонӣ ҷарима намудаанд.
“Баъди ин мо фаъолиятамонро пурра қатъ намудем. Ҳоло ҳуҷҷатҳо барои гирифтани иҷозатномаи нав ба Вазорати саноат ва технологияҳои нав фиристода шудаанд”, – гуфт директори корхона.
ҶСК “Намаки Ашт” яке аз бузургтарин коргоҳҳои тавлидӣ дар Тоҷикистон ба шумор меравад, ки аз замони шӯравӣ ба ин тараф мунтазам кор мекард.
Соли 2008 аз сӯи коршиносони байналмилалӣ ин коргоҳ сазовори Ҷоизаи маҳсулоти дорои сифати беҳтарин дониста шуд.
Иқтидори солонаи “Намаки Ашт” то 10 ҳазор тонна намаки ошии йодшуда аст ва маҳсули кори он ба кишварҳои Афғонистону Қирғизистон ва Ӯзбекистон низ содир мешуд.
Ин коргоҳ ҳамасола то 1, 5 миллион сомонӣ ба буҷаи ноҳияи Ашт молиёт пардохт мекард.
Бо сабаби аз фаъолият бозмондани он беш аз 100 коргар ба рухсатии бемузд фиристода шудаанд.
