https://sputnik.tj/20220307/vukh-rusiya-didori-lavrov-kuleba-1046610378.html
ВУХ-и Русия дар бораи дидори Лавров ва Кулеба хабар дод
ВУХ-и Русия дар бораи дидори Лавров ва Кулеба хабар дод
Sputnik Тоҷикистон
Вазорати умури хориҷа аз музокироти вазири хориҷаи Русия ва ҳамтои украиниаш дар ҳошияи Форуми Анталия дар Туркия хабар дод
2022-03-07T19:00+0500
2022-03-07T19:00+0500
2023-10-02T17:10+0500
дар русия
музокирот
сергей лавров
вазири хориҷа
украина
https://cdnn1.img.sputnik.tj/img/07e6/02/0f/1045857993_0:177:3011:1871_1920x0_80_0_0_de3835b65ccbc2f9d38d95af7697b363.jpg
ДУШАНБЕ, 7 мар — Sputnik. Вузарои хориҷаи Русия ва Украина Сергей Лавров ва Дмитрий Кулеба метавонанд дар ҳошияи як форуми дипломатӣ дар Анталия гуфтугӯ кунанд, гуфт Мария Захарова, намояндаи расмии Вазорати умури хориҷии Русия.“Бо ташаббуси раҳбари Туркия, дар ҳошияи Ҳамоиши дипломатии Анталия мулоқоти Сергей Лавров, вазири умури хориҷии Русия ва Дмитрий Кулеба, вазири умури хориҷии Украина бо иштироки Мавлуд Човушуғлу, вазири умури хориҷии Туркия дар назар аст”, - гуфт Захарова.Ҳамчунин намояндаи ВУХ-и Русия зикр кард, ки руасои ҷумҳурии Русия ва Туркия Владимир Путин ва Таййиб Эрдуғон зимни суҳбати телефонии ахир дар ин бора ба мувофиқа расида буданд.Бино ба иттилои сомонаи расмии форум, чорабинии имсола аз 11 то 13 март баргузор мешавад.Русия рӯзи 24 феврал амалиёти низомӣ дар Украинаро оғоз кард. Путин ҳадафи онро "ҳимояи одамоне номид, ки дар тӯли ҳашт сол таҳти таъқиб ва наслкушӣ аз ҷониби режими Киев қарор гирифтаанд."Ба ин манзур, ба гуфтаи ӯ, “ғайринизомисозӣ ва нозизудоии Украина”, таҳвили муҷримони ҷангии масъул дар “ҷиноёти хуношом алайҳи сокинони мулкӣ”-и Донбасс ба додгоҳ барномарезӣ шуд.Бинобар баёнияи Вазорати дифои Русия, нерӯҳои ҳарбии ин кишвар танҳо зерсохтҳои низомию низомиёни Украинаро ҳадаф қарор медиҳанд ва ин амалиёт шаҳрвандони мулкиро таҳдид намекунад.Бо ҳимояти нерӯҳои ҳавоии ФР ҳуҷуми гурӯҳҳои ҶХД ва ҶХЛ доман мегустарад. Ин ҷо ҳарф дар бораи забти Украина нест, гуфт раисҷумҳури Русия. Дар баробари амалиёт инчунин музокироти Русия ва Украина низ баргузор мешавад, ки то ҳол ду даври он анҷом ёфта, интизор меравад, рӯзҳои наздик даври сеюмаш сурат гирад.
https://sputnik.tj/20220307/artish-rusiya-charkhbol-havopaymo-besarnishin-ukrain-sarnagun-1046604959.html
украина
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
русия, вух, мулоқот, сергей лавров, дмитрий кулеба, туркия
русия, вух, мулоқот, сергей лавров, дмитрий кулеба, туркия
ВУХ-и Русия дар бораи дидори Лавров ва Кулеба хабар дод
19:00 07.03.2022 (Навсозишуда: 17:10 02.10.2023) Вазорати умури хориҷии Русия аз музокироти вазири хориҷаи ин кишвар ва ҳамтои украиниаш дар ҳошияи ҳамоиши Анталия дар Туркия хабар дод
ДУШАНБЕ, 7 мар — Sputnik. Вузарои хориҷаи Русия ва Украина Сергей Лавров ва Дмитрий Кулеба метавонанд дар ҳошияи як форуми дипломатӣ дар Анталия гуфтугӯ кунанд, гуфт Мария Захарова, намояндаи расмии Вазорати умури хориҷии Русия.
“Бо ташаббуси раҳбари Туркия, дар ҳошияи Ҳамоиши дипломатии Анталия мулоқоти Сергей Лавров, вазири умури хориҷии Русия ва Дмитрий Кулеба, вазири умури хориҷии Украина бо иштироки Мавлуд Човушуғлу, вазири умури хориҷии Туркия дар назар аст”, - гуфт Захарова.
Ҳамчунин намояндаи ВУХ-и Русия зикр кард, ки руасои ҷумҳурии Русия ва Туркия Владимир Путин ва Таййиб Эрдуғон зимни суҳбати телефонии ахир дар ин бора ба мувофиқа расида буданд.
Бино ба иттилои сомонаи расмии форум, чорабинии имсола аз 11 то 13 март баргузор мешавад.
Русия рӯзи 24 феврал амалиёти низомӣ дар Украинаро оғоз кард. Путин ҳадафи онро "ҳимояи одамоне номид, ки дар тӯли ҳашт сол таҳти таъқиб ва наслкушӣ аз ҷониби режими Киев қарор гирифтаанд."
Ба ин манзур, ба гуфтаи ӯ, “ғайринизомисозӣ ва нозизудоии Украина”, таҳвили муҷримони ҷангии масъул дар “ҷиноёти хуношом алайҳи сокинони мулкӣ”-и Донбасс ба додгоҳ барномарезӣ шуд.
Бинобар баёнияи Вазорати дифои Русия, нерӯҳои ҳарбии ин кишвар танҳо зерсохтҳои низомию низомиёни Украинаро ҳадаф қарор медиҳанд ва ин амалиёт шаҳрвандони мулкиро таҳдид намекунад.
Бо ҳимояти нерӯҳои ҳавоии ФР ҳуҷуми гурӯҳҳои ҶХД ва ҶХЛ доман мегустарад. Ин ҷо ҳарф дар бораи забти Украина нест, гуфт раисҷумҳури Русия. Дар баробари амалиёт инчунин музокироти Русия ва Украина низ баргузор мешавад, ки то ҳол ду даври он анҷом ёфта, интизор меравад, рӯзҳои наздик даври сеюмаш сурат гирад.
