Хайрзода аз ректорӣ барканору ба мақоми муовини вазир таъйин шуд

© Sputnik / Владимир ФедоренкоПиджак на кресле
Пиджак на кресле - Sputnik Тоҷикистон, 1920, 21.02.2022
Обуна шудан
Ректори Донишгоҳи давлатии молия ва иқтисоди Тоҷикистон ба мақоми муовини вазири маориф ва илми ҷумҳурӣ таъйин гардид
ДУШАНБЕ, 21 фев — Sputnik. Эмомалӣ Раҳмон, раисҷумҳури Тоҷикистон бо имзои қарори ҳукумат Хайрзода Шукрулло Қурбоналиро муовини вазири маориф ва илми ҷумҳурӣ таъйин намуд.
Хайрзода номзади илмҳои иқтисодӣ буда, тайи 4 соли охир роҳбарии Донишгоҳи давлатии молия ва иқтисоди Тоҷикистонро ба уҳда дошт.
Бар асоси ҳолномаи расмӣ, Хайрзода 39 сол дошта, хатмкардаи Донишкадаи андоз ва ҳуқуқ мебошад.
Унвони илмияш номзади илмҳои иқтисодӣ буда, донандаи забонҳои русию англисӣ муаррифӣ шудааст.
Саидзода Рахимджон Хамро, новый министр образования Таджикистана - Sputnik Тоҷикистон, 1920, 21.02.2022
Доктори илмҳои техникӣ, 53-сола: вазири нави маорифи Тоҷикистон кист?
Ӯ фаъолияташро аз ассистентии кафедраи фаъолияти бонкии Донишкадаи иқтисодии Тоҷикистон, шаҳри Душанбе оғоз карда, солҳои 2010-2012 муаллими калони кафедраи мазкур будааст.
Солҳои 2012-2014 мудири кафедраи фаъолияти бонкӣ ва сипас ба ҳайси декану ноиби ректор дар ин донишкада кор кардааст. Аз соли 2018 то ҳол ректори Донишгоҳи давлатии молия ва иқтисоди Тоҷикистон буд.
Маврид ба зикр аст, ки дар тағйироти кадрии бахши маориф вазир Муҳаммадюсуф Имомзода аз мақом барканор шуда, ба ҷояш Саидзода Раҳимҷон вазири нави маориф ва илми ҷумҳурӣ таъйин гардид.
Лентаи хабарҳо
0