Ғизо, либос, газ гарону гаҷу семент арзон: тағйироти солонаи нарх дар Суғд

© Sputnik / Амир Исаев / Гузариш ба медиабонкБазар "Панчшанбе" в городе Худжанде Таджикистан, архивное фото
Базар Панчшанбе в городе Худжанде Таджикистан, архивное фото - Sputnik Тоҷикистон, 1920, 16.02.2022
Обуна шудан
Мақомоти вилояти Суғд гуфтанд, тайи як соли охир кадом намуди маҳсулот гарон шудаанду нархи кадом навъи мол поин рафтааст
ДУШАНБЕ, 16 фев — Sputnik. Мақомоти омори Суғд мегӯянд, тайи як соли охир шохиси нархҳо ба 111,1% баробар шудааст.
Ба иттилои манбаъ, нишондоди нархи озуқаворӣ ба 112,1%, молҳои ғайриозуқа 111,8% ва хидматрасониҳои пулакӣ ба аҳолӣ 107%-ро ташкил медиҳад.
Идораи омори Суғд гуфт, тайи соли гузашта дар вилоят нархи шакар 9,7%, сабзӣ 10,2%, гӯшту маҳсулоти гӯштӣ 15,2%, картошка 11,7%, орди навъи якум 19,7%, мош 22%, рӯғани офтобпараст 22,8%, рӯғани пахта 28,4%, шир ва маҳсулоти ширӣ 41,6%, карам 2,2% гарон шудааст.
Дар баробари ин бархе намуди озуқа арзон ҳам шудааст. Аз ҷумла нархи биринҷ 1,7%, тухм 10,%, бехпиёз 12,4%, себ 16,9% ва ангур 71,2% поин рафтааст.
Поле хлопка - Sputnik Тоҷикистон, 1920, 16.02.2022
Чаро нақшаи ҷамъоварии пахта дар Суғд иҷро нашуд?
Аз ҷумлаи молҳои ғайриозуқа, ки тайи соли гузашта ба таври назаррас қимат шудаанд, гази моеъ ва бензин гуфта мешавад, ки 1,7 баробар нархашон боло рафтааст. Инчунин нархи либос 5,8%, мебел 6,7%, доруворӣ 5,3% афзудааст.
Дар феҳрасти молҳои арзоншуда гаҷ (9%), хишти пухта (3,5%), семент (3,5%) зикр гардидаанд.
Мақомот дар мавриди арзиши хидматрасониҳо дар Суғд низ изҳор доштанд, ки тайи соли гузашта майли болоравӣ дошт. Аз ҷумла ҳаққи хидматрасониҳои маишӣ 10,5%, тандурустӣ 11,4% ва нақлиёти мусофиркаш 1,5% бештар шудааст.
Дар маҷмуъ мақомот суръати моҳонаи беқурбшавӣ дар бахши истеъмолиро тайи соли гузашта 0,7% арзёбӣ намудаанд.
Лентаи хабарҳо
0