https://sputnik.tj/20220209/bozdosht-ronanda-taks-khudrav-hamkoron-otash-1045666107.html
Боздошти ронанда барои оташ задани мошинҳои таксӣ дар Бохтар
Боздошти ронанда барои оташ задани мошинҳои таксӣ дар Бохтар
Sputnik Тоҷикистон
Мақомоти умури дохилии Тоҷикистон муттаҳам дар оташ задани мошинҳои таксӣ дар шаҳри Бохтарро дар гузаргоҳи марзӣ боздошт кардаанд
2022-02-09T13:10+0500
2022-02-09T13:10+0500
2022-02-09T13:21+0500
дар тоҷикистон
оташ
рӯйдод, ҷиноят ва ҳолатҳои фавқулода
такси
мусофирбар
фирор
боздошт
вкд
https://cdnn1.img.sputnik.tj/img/07e5/0a/16/1043033260_0:173:3025:1875_1920x0_80_0_0_f82b0722bf27911464c2100a1444b0ab.jpg
ДУШАНБЕ, 9 фев — Sputnik. Вазорати умури дохилии Тоҷикистон аз боздошти марди 25-сола бо иттиҳоми оташ задани мошинҳои таксӣ дар Бохтар хабар додааст. Ба иттилои манбаъ, ҷавон дар ҳоле боздошт гардидааст, ки қасди фирор аз кишварро доштааст. ВУД тавзеҳ дод, ки ҳодисаи оташзанӣ нимишаби 5 феврали соли равон дар ҳудуди истгоҳи нақлиётии ширкати "Сафар Ориён", машҳур бо номи "Такси 1111" дар шаҳри Бохтар рух додааст. Аз ҷумла ду мошини "Опел" оташ зада шудаанд, ки ба сокинони Кӯшониён ва Вахш тааллуқ доштанд. Манбаъ афзуд, гурӯҳи оперативӣ-тафтишотӣ, ки барои таҳқиқи ин ҳодиса созмон дода шуд, муайян кардааст, ки дар ин кор сокини 25-солаи шаҳри Бохтар, ронандаи пешини "Сафар Ориён" даст дорад. Вазорати умури дохилии Тоҷикистон мегӯяд, муттаҳам дар қаламрави вилояти Суғд, дар гузаргоҳи марзии Фотеҳобод зимни талоши фирор аз кишвар боздошт шудааст. Сабаби даст задан ба ҷиноят ҳиссиёти бадбинӣ ва ғарази шахсӣ нисбати ронандагони ширкати "Сафар Ориён", машҳур бо номи "Такси 1111", арзёбӣ гардидааст. Мақомот мегӯянд, феълан алайҳи боздоштшуда бо моддаи 255-и Кодекси ҷиноятии Тоҷикистон барои қасдан нобуд кардани молу мулк парванда оғоз гардида, тафтишот идома дорад.
https://sputnik.tj/20220127/bozdoshti-gumonbar-qatli-taksironi-tojik-sankt-peterburg-1045263559.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
боздошт, ронанда, оташ, таксӣ
боздошт, ронанда, оташ, таксӣ
Боздошти ронанда барои оташ задани мошинҳои таксӣ дар Бохтар
13:10 09.02.2022 (Навсозишуда: 13:21 09.02.2022) Мақомоти умури дохилии Тоҷикистон муттаҳам дар оташ задани мошинҳои таксӣ дар шаҳри Бохтарро дар як гузаргоҳи марзӣ боздошт кардаанд
ДУШАНБЕ, 9 фев — Sputnik. Вазорати умури дохилии Тоҷикистон аз боздошти марди 25-сола бо иттиҳоми оташ задани мошинҳои таксӣ дар Бохтар хабар додааст. Ба иттилои манбаъ, ҷавон дар ҳоле боздошт гардидааст, ки қасди фирор аз кишварро доштааст.
ВУД тавзеҳ дод, ки ҳодисаи оташзанӣ нимишаби 5 феврали соли равон дар ҳудуди истгоҳи нақлиётии ширкати "Сафар Ориён", машҳур бо номи "Такси 1111" дар шаҳри Бохтар рух додааст.
Аз ҷумла ду мошини "Опел" оташ зада шудаанд, ки ба сокинони Кӯшониён ва Вахш тааллуқ доштанд.
Манбаъ афзуд, гурӯҳи оперативӣ-тафтишотӣ, ки барои таҳқиқи ин ҳодиса созмон дода шуд, муайян кардааст, ки дар ин кор сокини 25-солаи шаҳри Бохтар, ронандаи пешини "Сафар Ориён" даст дорад.
Вазорати умури дохилии Тоҷикистон мегӯяд, муттаҳам дар қаламрави вилояти Суғд, дар гузаргоҳи марзии Фотеҳобод зимни талоши фирор аз кишвар боздошт шудааст.
Сабаби даст задан ба ҷиноят ҳиссиёти бадбинӣ ва ғарази шахсӣ нисбати ронандагони ширкати "Сафар Ориён", машҳур бо номи "Такси 1111", арзёбӣ гардидааст.
Мақомот мегӯянд, феълан алайҳи боздоштшуда бо моддаи 255-и Кодекси ҷиноятии Тоҷикистон барои қасдан нобуд кардани молу мулк парванда оғоз гардида, тафтишот идома дорад.
