https://sputnik.tj/20220204/prezident-firor-ghani-1045504585.html
Бародари президенти фирорӣ: Ғанӣ барои беҳтар кардани зиндагии мардум роҳ меҷӯяд
Бародари президенти фирорӣ: Ғанӣ барои беҳтар кардани зиндагии мардум роҳ меҷӯяд
Sputnik Тоҷикистон
Бародари раисҷумҳури фирории Афғонистон гуфтааст, Ғанӣ бо касе иртибот надорад, танҳо барои беҳбуди зиндагии мардум роҳ меҷӯяд 04.02.2022, Sputnik Тоҷикистон
2022-02-04T18:36+0500
2022-02-04T18:36+0500
2022-02-04T19:35+0500
афғонистон
ашраф ғанӣ
сиёсат
осиё
https://cdnn1.img.sputnik.tj/img/07e5/08/13/1041746680_0:160:3072:1888_1920x0_80_0_0_50a752ef468eb71d91edab13bca9c142.jpg
ДУШАНБЕ, 4 фев — Sputnik. Ҳашмат Ғанӣ Аҳмадзай, бародари раҳбари фирории Афғонистон дар сафҳаи худ дар "Твиттер" навиштааст, ки бо бародараш вақтеро сипарӣ карда ва гуфтааст, Ашраф Ғанӣ бо касе, аз ҷумла Муҳиб ва Фазлӣ иртибот надорад. Аҳмадзай афзуд, бародараш танҳо дар ҷустуҷӯи роҳи ҳалли беҳбуди зиндагии афроди дохили кишвар аст ва дар фикри ҳеҷ як ҳадафи сиёсӣ нест. Ин навиштаҳои Ҳашмат Ғанӣ дар бораи бародараш дар ҳолест, ки дар робита ба бозгашти Ғанӣ ба сиёсат миёни таҳлилгарони афғонистонӣ сарусадоҳое вуҷуд дорад.Қаблан рӯзноманигори шинохтаи афғонистонӣ Раззоқи Маъмун дар як барномаи таҳлилияш низ гуфта буд, ки бархе аз чеҳраҳои гузаштаи ҳукумат ва ҳотто аз муборизони кунунӣ бо Ғанӣ дидор доштаанд. Ӯ исми ин нафаронро нагуфту эълони асомии онҳоро барои таърих гузошт, ки рӯзе ифшо хоҳад шуд ва таъкид кард, агар инро шаҳрвандон бифаҳманд, дар ҳайрат хоҳанд шуд. Ғанӣ 15 август дар ҳоле ки толибон дар канораҳои Кобул қарор доштанд, аз Афғонистон фирор кард. Ӯ далели тарки кишвар карданашро ҷилавгирӣ аз хунрезӣ дар Кобул хонд, аммо бисёре аз сиёсатмадорону шаҳрвандони Афғонистон ин амалашро хиёнат ба халқу Ватан унвон карданд. Ашраф Ғанӣ дар мавриди охирин соатҳои ҳукуматдорӣ ва тарки Кобул карданаш дар гуфтугӯ бо генерал Ник Картер, раиси Ситоди муштараки артиши Бритониё аз тариқи радиои ВВС гуфт, сабаби асосии рафтанаш пешгирии харобии Кобул буд, зеро аз ду самт толибон ин шаҳрро иҳота карда буданд ва эҳтимоли бархӯрди шадиди харобиовар вуҷуд дошт. Раҳбари фирории Афғонистон гуфт, маҷбур буд, ки худро қурбон кунад, то Кобулро наҷот диҳад ва бо вазъиятҳои воқеӣ рӯ ба рӯ шавад. Ғанӣ дар мавриди қазияи рабудани пулҳои буҷа, ки ба он муттаҳам мешавад, гуфтааст: "Ман таъкид мекунам, ки аз кишвар ҳеҷ пуле хориҷ накардаам. Болгардҳо ва макони аввалини мо дар пеши назари умум намоён буданд". Ӯ гуфтааст, барои таҳқиқи ин иттиҳомот омодааст, аз ҳар гуна таҷҳизоти дурӯғсанҷ гузарад. Ин роҳбари фирории Афғонистон мегӯяд, ӯро қурбонӣ карданд, ки ба бесарусомонӣ ва буҳрон дар Афғонистон айбдораш намоянд. Вай гуфт, шарикони байналмилалияш пайваста бар ӯ фишор оварда, салоҳияти ӯро маҳдуд мекарданд. Раисҷумҳури собиқ яке аз сабабҳои ҳаводиси моҳи августро созишномаи нобарори Доҳа ва озодсозии 5000 толиби зиндонӣ гуфт. Аммо мунтақидони Ғанӣ мегӯяд, муомила ва қавмгароии раисҷумҳур яке аз омилҳои суқути ҳукумати Кобул буд.
https://sputnik.tj/20211230/ghani-hukmroni-firor-pul-1044527500.html
https://sputnik.tj/20211228/ghani-fosidtarin-fard-sol-1044453931.html
афғонистон
осиё
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
бародар президент ғанӣ афғонистон
бародар президент ғанӣ афғонистон
Бародари президенти фирорӣ: Ғанӣ барои беҳтар кардани зиндагии мардум роҳ меҷӯяд
18:36 04.02.2022 (Навсозишуда: 19:35 04.02.2022) Бародари раисҷумҳури фирории Афғонистон гуфтааст, Ғанӣ бо касе иртибот надорад, танҳо барои беҳбуди зиндагии мардум роҳ меҷӯяд
ДУШАНБЕ, 4 фев — Sputnik. Ҳашмат Ғанӣ Аҳмадзай, бародари раҳбари фирории Афғонистон дар сафҳаи худ дар "Твиттер" навиштааст, ки бо бародараш вақтеро сипарӣ карда ва гуфтааст, Ашраф Ғанӣ бо касе, аз ҷумла Муҳиб ва Фазлӣ иртибот надорад.
Аҳмадзай афзуд, бародараш танҳо дар ҷустуҷӯи роҳи ҳалли беҳбуди зиндагии афроди дохили кишвар аст ва дар фикри ҳеҷ як ҳадафи сиёсӣ нест.
Ин навиштаҳои Ҳашмат Ғанӣ дар бораи бародараш дар ҳолест, ки дар робита ба бозгашти Ғанӣ ба сиёсат миёни таҳлилгарони афғонистонӣ сарусадоҳое вуҷуд дорад.
Қаблан рӯзноманигори шинохтаи афғонистонӣ Раззоқи Маъмун дар як барномаи таҳлилияш низ гуфта буд, ки бархе аз чеҳраҳои гузаштаи ҳукумат ва ҳотто аз муборизони кунунӣ бо Ғанӣ дидор доштаанд.
Ӯ исми ин нафаронро нагуфту эълони асомии онҳоро барои таърих гузошт, ки рӯзе ифшо хоҳад шуд ва таъкид кард, агар инро шаҳрвандон бифаҳманд, дар ҳайрат хоҳанд шуд.
Ғанӣ 15 август дар ҳоле ки толибон дар канораҳои Кобул қарор доштанд, аз Афғонистон фирор кард.
Ӯ далели тарки кишвар карданашро ҷилавгирӣ аз хунрезӣ дар Кобул хонд, аммо бисёре аз сиёсатмадорону шаҳрвандони Афғонистон ин амалашро хиёнат ба халқу Ватан унвон карданд.
Ашраф Ғанӣ дар мавриди охирин соатҳои ҳукуматдорӣ ва тарки Кобул карданаш дар гуфтугӯ бо генерал Ник Картер, раиси Ситоди муштараки артиши Бритониё аз тариқи радиои ВВС гуфт, сабаби асосии рафтанаш пешгирии харобии Кобул буд, зеро аз ду самт толибон ин шаҳрро иҳота карда буданд ва эҳтимоли бархӯрди шадиди харобиовар вуҷуд дошт.
Раҳбари фирории Афғонистон гуфт, маҷбур буд, ки худро қурбон кунад, то Кобулро наҷот диҳад ва бо вазъиятҳои воқеӣ рӯ ба рӯ шавад.
Ғанӣ дар мавриди қазияи рабудани пулҳои буҷа, ки ба он муттаҳам мешавад, гуфтааст: "Ман таъкид мекунам, ки аз кишвар ҳеҷ пуле хориҷ накардаам. Болгардҳо ва макони аввалини мо дар пеши назари умум намоён буданд".
Ӯ гуфтааст, барои таҳқиқи ин иттиҳомот омодааст, аз ҳар гуна таҷҳизоти дурӯғсанҷ гузарад. Ин роҳбари фирории Афғонистон мегӯяд, ӯро қурбонӣ карданд, ки ба бесарусомонӣ ва буҳрон дар Афғонистон айбдораш намоянд.
Вай гуфт, шарикони байналмилалияш пайваста бар ӯ фишор оварда, салоҳияти ӯро маҳдуд мекарданд. Раисҷумҳури собиқ яке аз сабабҳои ҳаводиси моҳи августро созишномаи нобарори Доҳа ва озодсозии 5000 толиби зиндонӣ гуфт.
Аммо мунтақидони Ғанӣ мегӯяд, муомила ва қавмгароии раисҷумҳур яке аз омилҳои суқути ҳукумати Кобул буд.
