https://sputnik.tj/20220129/safiri-rusiya-vurudi-beshtari-panohjuyon-afghoniston-tojikiston-1045316481.html
Сафири Русия: Вуруди бештари паноҳҷӯён аз Афғонистон ба Тоҷикистон имкон дорад
Сафири Русия: Вуруди бештари паноҳҷӯён аз Афғонистон ба Тоҷикистон имкон дорад
Sputnik Тоҷикистон
Сафири Русия дар Тоҷикистон эълон кардааст, ки дар сурати бадтар шудани вазъияти Афғонистон, мумкин аст аз 11 то 12 ҳазор нафари дигар то поёни соли 2022 ба Тоҷикистон фирор кунанд
2022-01-29T12:42+0500
2022-01-29T12:42+0500
2022-01-31T15:40+0500
дар тоҷикистон
афғонистон
игор лякин-фролов
марз
паноҳҷӯён
сафири русия
https://cdnn1.img.sputnik.tj/img/07e5/01/0b/1032604407_0:0:2048:1153_1920x0_80_0_0_b3fb64c6d0c2c0ead4526b5fdd9c6866.jpg
ДУШАНБЕ, 29 янв — Sputnik. Игор Лякин-Фролов, сафири Русия дар шаҳри Душанбе ахиран гуфт, ки имкон дорад, ба Тоҷикистон аз Афғонистон паноҳҷӯёни бештаре ворид шаванд, иттилоъ додааст хабаргузории “Парс тудэй”.Вай гуфт, сервисҳои амниятии вижаи Тоҷикистону Русия барои шиносоии шибҳинизомиён дар миёни паноҳҷӯён талош мекунанд.“Дар сурати бад шудани вазъият дар Афғонистон, ки дар ҳоли ҳозир бо як буҳрони амиқи иҷтимоиву иқтисодӣ мувоҷеҳ аст, мумкин аст, мавҷи ҷадиде аз паноҳҷӯён ба Тоҷикистон биёяд. Мақомоти Тоҷикистон ба ҳамроҳи шарикони байналмилалӣ ба раҳбарии дафтари Комиссориёии олии Созмони Милали Муттаҳид дар умури паноҳандагон дар ҳоли тавсеаи тарҳҳои вокуниши муносиб ҳастанд”,- таъкид кард оқои Фралов.Дипломати рус гуфт, бар асоси чашмандози онҳо, дар сурати бадтар шудани вазъият дар Афғонистон мумкин аст, 11 то 12 ҳазор нафари дигар аз мардуми ин кишвар то поёни соли 2022 ба Тоҷикистон фирор кунанд.“Мо умедворем, Душанбе битавонад аз ҳуҷуми густурдаи ҷадиди паноҳҷӯён ҷилавгирӣ кунад, ки мусталзими ҳазинаҳои молии ҷиддӣ ва кори созмонии зиёде барои пазириш, баррасӣ ва сукунати онҳо аст. Илова бар ин ҳамеша ин хатар вуҷуд дорад, ки шибҳинизомиён ва радикалҳои билқувва ба паноҳандагони сулҳҷӯ нуфуз кунанд”, - қайд кард сафири Русия.Вай илова кард, ки албатта, раҳбарии Тоҷикистон инро ба хубӣ дарк мекунад. Бинобар ин мақомоти дахлдори Тоҷикистон дар ҳоли анҷоми корҳои иттилоотии муназзам дар ин замина, аз ҷумла бо ҳамкории идороти марбутаи Русия ҳастанд.Пас аз он ки Ҷо Байден, раисҷумҳури Амрико поёни амалиёти низомии Вашингтон дар Афғонистонро эълом кард, Толибон бидуни мувоҷеҳа бо ҳеҷ муқовимате Кобулро тасарруф карданд.Ба гуфтаи Вазорати дохилаи Тоҷикистон, ин кишвар дар 15 соли гузашта беш аз 3000 хонаводаи паноҳҷӯи афғонро сабт кардааст, ки теъдоди онҳо дар маҷмуъ 15 ҳазор нафар аст. Тоҷикистон бо 1344 километр тӯлонитарин марз бо Афғонистонро дорад.
https://sputnik.tj/20211208/rusiya-gharb-bozsozi-afghoniston-jilavgiri-kumak-1044009195.html
афғонистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
тоҷикистон, афғонистон, паноҳҷӯён, афзоиш, афғон, ворид
тоҷикистон, афғонистон, паноҳҷӯён, афзоиш, афғон, ворид
Сафири Русия: Вуруди бештари паноҳҷӯён аз Афғонистон ба Тоҷикистон имкон дорад
12:42 29.01.2022 (Навсозишуда: 15:40 31.01.2022) Сафири Русия дар Тоҷикистон эълон кардааст, ки дар сурати бадтар шудани вазъияти Афғонистон мумкин аст, аз 11 то 12 ҳазор нафари дигар то поёни соли 2022 ба Тоҷикистон фирор кунанд
ДУШАНБЕ, 29 янв — Sputnik. Игор Лякин-Фролов, сафири Русия дар шаҳри Душанбе ахиран гуфт, ки имкон дорад, ба Тоҷикистон аз Афғонистон паноҳҷӯёни бештаре ворид шаванд, иттилоъ додааст хабаргузории “Парс тудэй”.
Вай гуфт, сервисҳои амниятии вижаи Тоҷикистону Русия барои шиносоии шибҳинизомиён дар миёни паноҳҷӯён талош мекунанд.
“Дар сурати бад шудани вазъият дар Афғонистон, ки дар ҳоли ҳозир бо як буҳрони амиқи иҷтимоиву иқтисодӣ мувоҷеҳ аст, мумкин аст, мавҷи ҷадиде аз паноҳҷӯён ба Тоҷикистон биёяд. Мақомоти Тоҷикистон ба ҳамроҳи шарикони байналмилалӣ ба раҳбарии дафтари Комиссориёии олии Созмони Милали Муттаҳид дар умури паноҳандагон дар ҳоли тавсеаи тарҳҳои вокуниши муносиб ҳастанд”,- таъкид кард оқои Фралов.
Дипломати рус гуфт, бар асоси чашмандози онҳо, дар сурати бадтар шудани вазъият дар Афғонистон мумкин аст, 11 то 12 ҳазор нафари дигар аз мардуми ин кишвар то поёни соли 2022 ба Тоҷикистон фирор кунанд.
“Мо умедворем, Душанбе битавонад аз ҳуҷуми густурдаи ҷадиди паноҳҷӯён ҷилавгирӣ кунад, ки мусталзими ҳазинаҳои молии ҷиддӣ ва кори созмонии зиёде барои пазириш, баррасӣ ва сукунати онҳо аст. Илова бар ин ҳамеша ин хатар вуҷуд дорад, ки шибҳинизомиён ва радикалҳои билқувва ба паноҳандагони сулҳҷӯ нуфуз кунанд”, - қайд кард сафири Русия.
Вай илова кард, ки албатта, раҳбарии Тоҷикистон инро ба хубӣ дарк мекунад. Бинобар ин мақомоти дахлдори Тоҷикистон дар ҳоли анҷоми корҳои иттилоотии муназзам дар ин замина, аз ҷумла бо ҳамкории идороти марбутаи Русия ҳастанд.
Пас аз он ки Ҷо Байден, раисҷумҳури Амрико поёни амалиёти низомии Вашингтон дар Афғонистонро эълом кард, Толибон бидуни мувоҷеҳа бо ҳеҷ муқовимате Кобулро тасарруф карданд.
Ба гуфтаи Вазорати дохилаи Тоҷикистон, ин кишвар дар 15 соли гузашта беш аз 3000 хонаводаи паноҳҷӯи афғонро сабт кардааст, ки теъдоди онҳо дар маҷмуъ 15 ҳазор нафар аст. Тоҷикистон бо 1344 километр тӯлонитарин марз бо Афғонистонро дорад.
