Боздошт ва афви мақомдори Донишгоҳи миллӣ: 2500 доллар барои дохилкунӣ гирифтаст

© Sputnik / Алексей Бойцов / Гузариш ба медиабонкКупюра, доллар
Купюра, доллар - Sputnik Тоҷикистон, 1920, 17.01.2022
Обуна шудан
Ожонси назорати давлатии молӣ ва мубориза бо фасод дар Тоҷикистон аз дастгир шудан ва афви як масъули Донишгоҳи миллии ҷумҳурӣ хабар дод
ДУШАНБЕ, 17 янв — Sputnik. Ожонс боздоштшударо сармутахассиси шуъбаи бақайдгирӣ ва низоми таҳсилоти кредитӣ дар раёсати таълими Донишгоҳи миллии Тоҷикистон муаррифӣ кардааст.
Ба иттилои манбаъ, муттаҳам бо мақсади ба даст овардани даромади муфту безаҳмат бо роҳи фиреб ва истифодаи мақоми хидматиаш аз шаҳрванд "А" барои дохил намуданаш ба ДМТ пул талаб кардааст. Тавзеҳ дода шуд, ки масъули ДМТ барои дохил кардан ба шуъбаи ғоибонаи факултаи ҳуқуқшиносии Донишгоҳи миллӣ 2 ҳазору 500 доллари амрикоӣ талаб кардааст.
Хушвахтзода Қобилҷон, ректори Донишгоҳи миллии Тоҷикистон - Sputnik Тоҷикистон, 1920, 12.01.2022
Нигаронии ректори ДМТ аз дарсшиканӣ, сатҳи забондонӣ ва камбуди омӯзгорони унвондор
Ожонс афзуд, ки дар натиҷаи гузаронидани амалиёти оперативӣ-тафтишотӣ масъули муттаҳам баъди аз шаҳрванд “А” гирифтани 2500 доллари ИМА дар ҷойи ҳодиса боздошт гардид. Маблағҳои гирифтааш ҳамчун далели шайӣ аз ӯ дарёфту мусодира гардидаанд.
Мақомот мегӯянд, алайҳи боздоштшуда бо иттиҳоми қаллобӣ, бар асоси моддаи 247, қисми 3 банди “а”-и Кодекси ҷиноӣ парванда оғоз гардида, бо татбиқи Қонуни афв қатъ карда шуд.
Маврид ба зикр аст, ки дар Тоҷикистон бахшида ба 30-юмин солгарди Истиқлоли давлатӣ Қонуни афв қабул карда шуд, ки 17-умин афв дар солҳои соҳибистиқлолӣ мебошад. Ба иттилои расмӣ, дар доираи афви охирин 11 ҳазору 500 нафар аз ҷавобгарии ҷиноятӣ ва адои ҷазо озод гардиданд.
Лентаи хабарҳо
0