https://sputnik.tj/20220112/omikron-om-tojikiston-nazorat-1044754395.html
Тақвияти назорати беҳдоштӣ дар Тоҷикистон ба далели таҳдиди штамми омикрон
Тақвияти назорати беҳдоштӣ дар Тоҷикистон ба далели таҳдиди штамми омикрон
Sputnik Тоҷикистон
Сар аз аввали соли ҷорӣ дар Тоҷикистон ягон ҳолати гирифторӣ аб коронавирус сабт нагардидааст
2022-01-12T17:20+0500
2022-01-12T17:20+0500
2022-01-12T20:59+0500
дар тоҷикистон
тандурустӣ
вазорати тандурустӣ
ваксина
коронавирус
https://cdnn1.img.sputnik.tj/img/103140/78/1031407865_0:137:3073:1865_1920x0_80_0_0_fb692b26d0785de015f1c6d797328862.jpg
ДУШАНБЕ, 12 янв — Sputnik. Тоҷикистон дар пасманзари пайдоиши штами омикрон дар кишварҳои ҳамсоя назоратро тақвият додааст.Дар ин бора дар суҳбат бо Sputnik Тоҷикистон сардори Раёсати амнияти тандурустии Вазорати беҳдошти Тоҷикистон Наврӯз Ҷаъфаров иттилоъ дод.Ба иттилои манбаъ, ҳоло барои пешгирӣ аз паҳншавии коронавирус аз афроди ба кишвар воридшаванда санҷишҳои иловагӣ мегиранд.Ҷаъфаров гуфт, ваксиназании аҳолӣ низ тасреъ шудааст ва омори дақиқи гирифтани ваксинаи сеюм аз тарафи қишрҳои махсуси аҳолӣ дар ҳоли омодашавӣ аст.Ба иттилои манбаъ, сар аз аввали соли ҷорӣ то кунун дар кишвар ягон ҳолати гирифторӣ аб коронавирус сабт нагардидааст.Ӯ гуфт, ҳоло дар кишвар 68,8%-и аҳолӣ барои бори аввал ва 57% ваксинаи дувумро гирифтаанд.Штамми омикрон аллакай ба кишварҳои Осиёи Марказӣ, аз ҷумла Қирғизистон ва Ӯзбекистон роҳ ёфтааст.Алимқодир Бейшеналиев, вазири тандурустии Қирғизистон аз оғози мавҷи чоруми пандемия дар ин кишвар хабар дод.Ин кишварҳо дар пайи дарёфти навъи нави коронавирус дар қаламрави хеш чораҳои назоратиро тақвият кардаанд.Мавриди зикр аст, ки тайи як ҳафта шумораи гирифторони коронавирус дар ҷаҳон ба 15 миллиону 154 ҳазору 666 нафар расид, ки ин адад аз замони авҷи беморӣ дар ҷаҳон рекордӣ аст.СҶБ мегӯяд, аз 3 то 9 январи соли ҷорӣ гирифорӣ ба ин дард дар ҷаҳон рекордӣ шудааст.Ёдовар мешавем, ки бори аввал дар моҳи декабри соли 2019 дар Вуҳан хуруҷи бемории пурасрор ба қайд гирифта шуд. Маълум шуд, ки онро коронавируси қаблан номаълум ба вуҷуд овардааст. Олимон онро SARS-CoV-2 номиданд.Зимнан, рӯзи 11-уми марти соли 2020 СҶБ вуҷуди пандемияро эълон кард. Ин вирус нахуст ба кишварҳое чун ИМА, Ҳиндустон, Бразилия, Британияи Кабир ва Фаронса доман зад. Русия аз лиҳози сироятёбии шаҳрванддон дар ҷойи шашум қарор гирифт.То ҳол дар аксари кишварҳо штамми делта паҳн шудааст, аммо ба гуфтаи олимон, омикрон метавонад дар ояндаи наздик ҷои онро гирад.
https://sputnik.tj/20220112/shtammi-omikron-ba-qirghiziston-niz-roh-yoft-1044738182.html
https://sputnik.tj/20220112/covid-jahon-rekord-1044740259.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
омикрон ом тоҷикистон тандурустӣ ваксина коронавирус
омикрон ом тоҷикистон тандурустӣ ваксина коронавирус
Тақвияти назорати беҳдоштӣ дар Тоҷикистон ба далели таҳдиди штамми омикрон
17:20 12.01.2022 (Навсозишуда: 20:59 12.01.2022) Аз аввали соли ҷорӣ дар Тоҷикистон ягон ҳолати гирифторӣ ба коронавирус сабт нагардидааст
ДУШАНБЕ, 12 янв — Sputnik. Тоҷикистон дар пасманзари пайдоиши штами омикрон дар кишварҳои ҳамсоя назоратро тақвият додааст.
Дар ин бора дар суҳбат бо Sputnik Тоҷикистон сардори Раёсати амнияти тандурустии Вазорати беҳдошти Тоҷикистон Наврӯз Ҷаъфаров иттилоъ дод.
Ба иттилои манбаъ, ҳоло барои пешгирӣ аз паҳншавии коронавирус аз афроди ба кишвар воридшаванда санҷишҳои иловагӣ мегиранд.
"Вазъ дар кишвар ташвишовар нест. Дар гузаргоҳҳои марзӣ чораҳои иловагӣ андешида шудааст", - таъкид кард сардори Раёсати амнияти тандурустии Вазорати беҳдошт.
Ҷаъфаров гуфт, ваксиназании аҳолӣ низ тасреъ шудааст ва омори дақиқи гирифтани ваксинаи сеюм аз тарафи қишрҳои махсуси аҳолӣ дар ҳоли омодашавӣ аст.
Ба иттилои манбаъ, сар аз аввали соли ҷорӣ то кунун дар кишвар ягон ҳолати гирифторӣ аб коронавирус сабт нагардидааст.
Ӯ гуфт, ҳоло дар кишвар 68,8%-и аҳолӣ барои бори аввал ва 57% ваксинаи дувумро гирифтаанд.
Штамми омикрон аллакай ба кишварҳои Осиёи Марказӣ, аз ҷумла Қирғизистон ва Ӯзбекистон роҳ ёфтааст.
Алимқодир Бейшеналиев, вазири тандурустии Қирғизистон аз оғози мавҷи чоруми пандемия дар ин кишвар хабар дод.
Ин кишварҳо дар пайи дарёфти навъи нави коронавирус дар қаламрави хеш чораҳои назоратиро тақвият кардаанд.
Мавриди зикр аст, ки тайи як ҳафта шумораи гирифторони коронавирус дар ҷаҳон ба 15 миллиону 154 ҳазору 666 нафар расид, ки ин адад аз замони авҷи беморӣ дар ҷаҳон рекордӣ аст.
СҶБ мегӯяд, аз 3 то 9 январи соли ҷорӣ гирифорӣ ба ин дард дар ҷаҳон рекордӣ шудааст.
Ёдовар мешавем, ки бори аввал дар моҳи декабри соли 2019 дар Вуҳан хуруҷи бемории пурасрор ба қайд гирифта шуд. Маълум шуд, ки онро коронавируси қаблан номаълум ба вуҷуд овардааст. Олимон онро SARS-CoV-2 номиданд.
Зимнан, рӯзи 11-уми марти соли 2020 СҶБ вуҷуди пандемияро эълон кард. Ин вирус нахуст ба кишварҳое чун ИМА, Ҳиндустон, Бразилия, Британияи Кабир ва Фаронса доман зад. Русия аз лиҳози сироятёбии шаҳрванддон дар ҷойи шашум қарор гирифт.
То ҳол дар аксари кишварҳо штамми делта паҳн шудааст, аммо ба гуфтаи олимон, омикрон метавонад дар ояндаи наздик ҷои онро гирад.
