https://sputnik.tj/20211217/soleh-sarbozi-vizhai-pokiston-panjsher-huzur-1044231286.html
Солеҳ: 200 сарбози вижаи Покистон дар Панҷшер ҳузур дорад
Солеҳ: 200 сарбози вижаи Покистон дар Панҷшер ҳузур дорад
Sputnik Тоҷикистон
Мансабдори воломақоми ҳукумати собиқи Афғонистон дар бораи ҳузури нерӯҳои вижаи Покистон дар Панҷшер хабар додааст
2021-12-17T21:00+0500
2021-12-17T21:00+0500
2021-12-22T19:33+0500
афғонистон
покистон
панҷшер
низомиён
амруллоҳ солеҳ
https://cdnn1.img.sputnik.tj/img/07e5/07/09/1040773670_192:211:1905:1175_1920x0_80_0_0_5070e40074aaa55a65ee8230ae26aea0.jpg
ДУШАНБЕ, 17 дек — Sputnik. Амруллоҳ Солеҳ, муовини пешини раиёсатҷумҳурии ин кишвар дар "твиттер"-и худ навиштааст, ки ҳудуди дусад тан аз нерӯҳои вижаи Покистон ба номи “Гурӯҳи хадамоти вижа” дар Панҷшер мавҷуданд.Ба гуфтаи вай, онҳо толибҳоро омӯзиш дода ва дар шикори муқовиматгарон саҳм мегиранд.Ёдовар мешавем, ахиран Ҷабҳаи муқовимати миллии Афғонистон эълон кард, ки дар давоми ҳашт рӯзи ахир 61 ҷангҷӯи толибонро кушта, 42 тани дигар аз аъзои ин гурӯҳро захмӣ кардаанд.Сухангӯи ҷабҳа Сибғатуллоҳ Аҳмадӣ дар саҳифааш дар "Facebook" навиштааст, ки толибон дар пайи амалиёти вижа алайҳи ин гурӯҳ дар 16 вилоят - Бағлон, Панҷшер, Кобул, Каписо, Самангон, Тахор, Парвон, Бодғис, Лағмон, Балх, Форёб, Ғазнӣ, Ғур, Ҳирот, Нангархор ва Кунар талафот додаанд."Душман аз ҳама бештар дар вилоятҳои Кобул, Каписо, Бағлон ва Панҷшер ба талафот дучор шуд. Ҷабҳаи муқовимати миллӣ ин амалиётро ба тавре моҳирона роҳандозӣ намуд, ки ҳеҷ касе аз аҳолии осоишта осеб надид. Дар ин амалиёт ду сарбози ҷасури мо ҳалок ва боз се нафар захмӣ шуданд”, - омадааст дар хабарнома.Ӯ афзуда, ки ҷабҳа амалиёти худро то комилан аз ҳукмронии толибон озод кардани Афғонистон идома медиҳад.Қаблан намояндагони ҷабҳа изҳор дошта буданд, ки он ҳузури худро дар Афғонистон густариш карда, ҳарчи бештар вилоятҳо дар кишвар ба нерӯҳои муқовимат ҳамроҳ мешаванд.Ҷабҳаи муқовимати миллии Афғонистон амалан 16 август, як рӯз баъд аз суқути Кобул дар дараи Панҷшер аз сӯйи фармондеҳони ҷиҳодӣ ва бақоёи пулису урдӯи собиқ, дар умум нерӯҳои зиддитолиби Афғонистон эъломи мавҷудият карда буд.Раҳбарии онро Аҳмади Масъуд, писари Аҳмадшоҳи Масъуд, раҳбари Ҷабҳаи муқовимати аввали Афғонистон (1996-2001) ба дӯш дорад. Ҷабҳаи муқовимат дар ҳоли ҳозир дар ягон маркази маъмурӣ дар Афғонистон ҳузур надорад.Нерӯҳои он дар баландкӯҳҳои вилояти Панҷшер ва минтақаи Андаробҳои вилояти Бағлон бо толибон муқовимат мекунанд.
https://sputnik.tj/20211217/jabha-tolib-16-viloyat-afghoniston-nobud-1044225630.html
афғонистон
покистон
панҷшер
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
афғонистон, солеҳ, покистон, нерӯҳои вижа, покистон, ҳузур
афғонистон, солеҳ, покистон, нерӯҳои вижа, покистон, ҳузур
Солеҳ: 200 сарбози вижаи Покистон дар Панҷшер ҳузур дорад
21:00 17.12.2021 (Навсозишуда: 19:33 22.12.2021) Мансабдори воломақоми ҳукумати собиқи Афғонистон дар бораи ҳузури нерӯҳои вижаи Покистон дар Панҷшер хабар додааст
ДУШАНБЕ, 17 дек — Sputnik. Амруллоҳ Солеҳ, муовини пешини раиёсатҷумҳурии ин кишвар дар "твиттер"-и худ навиштааст, ки ҳудуди дусад тан аз нерӯҳои вижаи Покистон ба номи “Гурӯҳи хадамоти вижа” дар Панҷшер мавҷуданд.
Ба гуфтаи вай, онҳо толибҳоро омӯзиш дода ва дар шикори муқовиматгарон саҳм мегиранд.
Ёдовар мешавем, ахиран Ҷабҳаи муқовимати миллии Афғонистон эълон кард, ки дар давоми ҳашт рӯзи ахир 61 ҷангҷӯи толибонро кушта, 42 тани дигар аз аъзои ин гурӯҳро захмӣ кардаанд.
Сухангӯи ҷабҳа Сибғатуллоҳ Аҳмадӣ дар саҳифааш дар "Facebook" навиштааст, ки толибон дар пайи амалиёти вижа алайҳи ин гурӯҳ дар 16 вилоят - Бағлон, Панҷшер, Кобул, Каписо, Самангон, Тахор, Парвон, Бодғис, Лағмон, Балх, Форёб, Ғазнӣ, Ғур, Ҳирот, Нангархор ва Кунар талафот додаанд.
"Душман аз ҳама бештар дар вилоятҳои Кобул, Каписо, Бағлон ва Панҷшер ба талафот дучор шуд. Ҷабҳаи муқовимати миллӣ ин амалиётро ба тавре моҳирона роҳандозӣ намуд, ки ҳеҷ касе аз аҳолии осоишта осеб надид. Дар ин амалиёт ду сарбози ҷасури мо ҳалок ва боз се нафар захмӣ шуданд”, - омадааст дар хабарнома.
Ӯ афзуда, ки ҷабҳа амалиёти худро то комилан аз ҳукмронии толибон озод кардани Афғонистон идома медиҳад.
Қаблан намояндагони ҷабҳа изҳор дошта буданд, ки он ҳузури худро дар Афғонистон густариш карда, ҳарчи бештар вилоятҳо дар кишвар ба нерӯҳои муқовимат ҳамроҳ мешаванд.
Ҷабҳаи муқовимати миллии Афғонистон амалан 16 август, як рӯз баъд аз суқути Кобул дар дараи Панҷшер аз сӯйи фармондеҳони ҷиҳодӣ ва бақоёи пулису урдӯи собиқ, дар умум нерӯҳои зиддитолиби Афғонистон эъломи мавҷудият карда буд.
Раҳбарии онро Аҳмади Масъуд, писари Аҳмадшоҳи Масъуд, раҳбари Ҷабҳаи муқовимати аввали Афғонистон (1996-2001) ба дӯш дорад. Ҷабҳаи муқовимат дар ҳоли ҳозир дар ягон маркази маъмурӣ дар Афғонистон ҳузур надорад.
Нерӯҳои он дар баландкӯҳҳои вилояти Панҷшер ва минтақаи Андаробҳои вилояти Бағлон бо толибон муқовимат мекунанд.
