Қатъи пеш аз муҳлати ваколатҳои Файзов тасдиқ шуд

© Мақомоти ВМКБЁдгор Файзов - раиси ВМКБ
Ёдгор Файзов - раиси ВМКБ - Sputnik Тоҷикистон, 1920, 17.12.2021
Обуна шудан
Ваколатҳои Ёдгор Файзов, раиси собиқи Вилояти Мухтори Кӯҳистони Бадахшон дар палатаи болоии парлумони Тоҷикистон пеш аз муҳлат қатъ гардиданд
ДУШАНБЕ, 17 дек — Sputnik. Маҷлиси миллии Тоҷикистон дар ҷаласа таҳти раёсати Рустами Эмомалӣ ду қарор дар бораи Ёдгор Файзовро қабул кард.
Ба иттилои дафтари матбуотии палатаи болоӣ, нахуст қарор дар бораи пеш аз муҳлат қатъ намудани ваколати узви Маҷлиси миллии Тоҷикистон Ёдгор Файзов қабул шуд.
Бо қарори дигар Файзов аз мақоми муовини раиси Маҷлиси миллӣ бозхонд гардид.
Далели бозхонди Файзов барканорияш аз вазифаи раиси ВМКБ арзёбӣ мешавад. Интизор меравад, ки иҷрокунандаи феълии раиси ВМКБ, Алишер Мирзонабот Файзовро дар Маҷлиси миллӣ низ иваз кунад.
Тақдими медали Хизмати шоиста ба Эраҷ Ширинзода дар соли 2019 аз ҷониби раисҷумҳур, Эмомалӣ Раҳмон - Sputnik Тоҷикистон, 1920, 17.12.2021
Иҷозати парлумон барои ҳабсу ҷавобгарии ҷиноии Эраҷ Ширинзода
Ёдгор Файзови 59-сола якуми октябри соли 2018 ба курсии раҳбари ВМКБ нишаста буд ва ахиран бо фармони президент панҷуми ноябр аз ин мақом рафт.
Алишер Мирзонабот, ки дар гузашта раиси шаҳри Хоруғ буд, интизор меравад, ки дар пайи пазируфтан ба палатаи болоии парлумон ба мақоми муовини раиси ин палата интихоб шавад.
Маврид ба зикр аст, 25 узви Маҷлиси миллии Тоҷикистонро вакилони маҷлисҳои маҳаллӣ интихоб мекунанд, ҳашт вакили дигар бо фармони раисҷумҳури Тоҷикистон таъйин мешавад.
Лентаи хабарҳо
0