https://sputnik.tj/20211213/general-rahimzoda-vaz-vmkb-1044116636.html
Генерал Раҳимзода: Вазъ дар ВМКБ ором аст
Генерал Раҳимзода: Вазъ дар ВМКБ ором аст
Sputnik Тоҷикистон
Рамазон Раҳимзода, вазири умури дохилии Тоҷикистон, ҷаласаи ҷамъбастии фаъолияти 11-моҳаи мақомоти дохилӣ дар Вилояти мухтори куҳистони Бадахшонро баргузор намуд
2021-12-13T15:00+0500
2021-12-13T15:00+0500
2021-12-14T13:26+0500
дар тоҷикистон
амният ва мудофиа
вмкб
мақомот
назорати тартибот
ҳифзи ҳуқуқ
рамазон раҳимзода
https://cdnn1.img.sputnik.tj/img/103057/72/1030577273_0:153:2991:1835_1920x0_80_0_0_11804e331d1bc163ff4855d15b241a9a.jpg
ДУШАНБЕ, 13 дек — Sputnik. Генерал Раҳимзода дар ҷаласаи мақомоти умури дохилии ВМКБ дар бораи ҳаводиси ахири Хоруғ ибрози назар кардааст. Ба иттилои ВУД, вазири умури дохилӣ изҳор кард, ки бо талошу кӯшишҳои кормандони мақомоти ҳифзи ҳуқуқ вазъ имрӯз дар вилоят ба эътидол омада, мардум ба кору зиндагӣ машғул ҳастанд.Ӯ ҳамчунин аз рушди ВМКБ гуфта, таъкид намудааст, ки барои корҳои созандагиву бунёдкорӣ, ҳамасола корхона ва бинову иншооти гуногуне мавриди истифода қарор мегиранд."Аммо роҳбарон ва аъзои гурӯҳҳои муташаккили ҷиноятӣ бо содир намудани ҷиноятҳо, аз қабили муомилоти ғайриқонунии воситаҳои нашъадор, қочоқи силоҳ ва сангҳои қиматбаҳо вазъияти ҷомеаро дар шаҳри Хоруғ ноором сохта, ба ин амалҳои ҷинояткоронаи худ ноболиғону ҷавононро ҷалб карда истодаанд", - иттилоъ дод ВУД аз қавли Раҳимзода.Вазири умури дохилӣ ба кормандони милиса дастур додааст, ки барои суботу оромӣ ва осоиштагию амнияти шаҳрвандон вазифаву уҳдадориҳои худро содиқона ва сарбаладона иҷро намоянд.Маврид ба зикр аст, 25 ноябр зимни амалиёти мақомоти ҳифзи ҳуқуқ як сокини 29-солаи ноҳияи Роштқалъа кушта шуд, ки дар пайи ин ҳодиса мардум дар Хоруғ таҷаммуъ карданд. Мақомот гуфтанд, ӯ муқовимати мусаллаҳона нишон додааст ва захмӣ шудааст. Сокинони маҳаллӣ бо овардани ҷасади марҳум ба майдони марказии назди ҳукумати ВМКБ талаби таҳқиқи мунсифонаи қазияро карданд. Дар маҷмуъ дар ҳаводиси ахир дар Роштқалъа ва Хоруғ се нафар аз сокинони маҳаллӣ ба ҳалокат расиданд. Мақомоти Тоҷикистон аз захмӣ шудани 12 корманди мақомоти ҳифзи ҳуқуқ хабар доданд. Барои таҳқиқи мунсифонаи қазия гурӯҳи махсусе бо ҷалби намояндагони ҷомеаи шаҳрвандӣ ташкил гардидааст.
https://sputnik.tj/20211210/prezident-barrasi-havodis-khorugh-1044063213.html
вмкб
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
вкд, вазъ, хоруғ, ором, бадахшон
вкд, вазъ, хоруғ, ором, бадахшон
Генерал Раҳимзода: Вазъ дар ВМКБ ором аст
15:00 13.12.2021 (Навсозишуда: 13:26 14.12.2021) Рамазон Раҳимзода, вазири умури дохилии Тоҷикистон ҷаласаи ҷамъбастии фаъолияти 11-моҳаи мақомоти дохилӣ дар Вилояти Мухтори Кӯҳистони Бадахшонро баргузор намуд
ДУШАНБЕ, 13 дек — Sputnik. Генерал Раҳимзода дар ҷаласаи мақомоти умури дохилии ВМКБ дар бораи ҳаводиси ахири Хоруғ ибрози назар кардааст.
Ба иттилои ВУД, вазири умури дохилӣ изҳор кард, ки бо талошу кӯшишҳои кормандони мақомоти ҳифзи ҳуқуқ вазъ имрӯз дар вилоят ба эътидол омада, мардум ба кору зиндагӣ машғул ҳастанд.
Ӯ ҳамчунин аз рушди ВМКБ гуфта, таъкид намудааст, ки барои корҳои созандагиву бунёдкорӣ, ҳамасола корхона ва бинову иншооти гуногуне мавриди истифода қарор мегиранд.
"Аммо роҳбарон ва аъзои гурӯҳҳои муташаккили ҷиноятӣ бо содир намудани ҷиноятҳо, аз қабили муомилоти ғайриқонунии воситаҳои нашъадор, қочоқи силоҳ ва сангҳои қиматбаҳо вазъияти ҷомеаро дар шаҳри Хоруғ ноором сохта, ба ин амалҳои ҷинояткоронаи худ ноболиғону ҷавононро ҷалб карда истодаанд", - иттилоъ дод ВУД аз қавли Раҳимзода.
Вазири умури дохилӣ ба кормандони милиса дастур додааст, ки барои суботу оромӣ ва осоиштагию амнияти шаҳрвандон вазифаву уҳдадориҳои худро содиқона ва сарбаладона иҷро намоянд.
Маврид ба зикр аст, 25 ноябр зимни амалиёти мақомоти ҳифзи ҳуқуқ як сокини 29-солаи ноҳияи Роштқалъа кушта шуд, ки дар пайи ин ҳодиса мардум дар Хоруғ таҷаммуъ карданд. Мақомот гуфтанд, ӯ муқовимати мусаллаҳона нишон додааст ва захмӣ шудааст. Сокинони маҳаллӣ бо овардани ҷасади марҳум ба майдони марказии назди ҳукумати ВМКБ талаби таҳқиқи мунсифонаи қазияро карданд.
Дар маҷмуъ дар ҳаводиси ахир дар Роштқалъа ва Хоруғ се нафар аз сокинони маҳаллӣ ба ҳалокат расиданд. Мақомоти Тоҷикистон аз захмӣ шудани 12 корманди мақомоти ҳифзи ҳуқуқ хабар доданд.
Барои таҳқиқи мунсифонаи қазия гурӯҳи махсусе бо ҷалби намояндагони ҷомеаи шаҳрвандӣ ташкил гардидааст.
