https://sputnik.tj/20211210/tolibho-qochoqbaron-yodgori-tarikhi-musodira-1044067029.html
Толибҳо аз қочоқбарон ёдгории таърихӣ мусодира кардаанд
Толибҳо аз қочоқбарон ёдгории таърихӣ мусодира кардаанд
Sputnik Тоҷикистон
Шамшери таърихие, ки беш аз сад сол пеш сохта шудааст, аз қочоқбарон дар Афғонистон мусодира гардидааст
2021-12-10T11:53+0500
2021-12-10T11:53+0500
2021-12-10T18:54+0500
дар ҷаҳон
фарҳанг
афғонистон
мубориза
осорхона
таърих
қочоқ
толиб
https://cdnn1.img.sputnik.tj/img/07e4/09/10/1031912722_0:159:3076:1889_1920x0_80_0_0_689479d3ccb243d8ac63ba317eb165cd.jpg
ДУШАНБЕ, 10 дек — Sputnik. Толибҳо шамшереро, ки арзиши таърихию фарҳангӣ дорад, аз дасти қочоқбарон мусодира кардаанд, хабар дод Sputnik Афғонистон. Ба иттилои манбаъ, пулис ин шамшери беш аз садсоларо барои нигоҳдорӣ ба идораи фарҳангу иттилоот дар Афғонистон супоридааст. Мақомдорони нави Афғонистон аз мардуми кишвар даъват доранд, ки барои ҳифзи арзишҳои тахърихию фарҳангӣ ҳамкорӣ кунанду мероси арзишмандро аз ғорату дуздӣ ҳимоя намоянд. Шабакаи телевизионии "TOLOnews" мегӯяд, ин нахустин талош барои ба яғмо бурдани молҳои таърихию фарҳангӣ набуда, қаблан низ чунин ҳолатҳо сабт шуда буданд. Ба иттилои ин шабака, мухлисони фарҳанг зимни боздид аз Осорхонаи миллӣ дар Афғонистон, ки ахиран дарашро барои тамошобинон боз намуд, коҳиши ашё дар ин муассисаро мушоҳида кардаанд. Аммо кормандони осорхонаи миллии Афғонистон мегӯянд, тамоми ёдгориҳои фарҳангию таърихиро дар таҳаввулоти охир ҳифз намудаанд. Маврид ба зикр аст, ки толибҳо нимаи моҳи августи соли равон ҳукумат дар Афғонистонро ғасб намуда, аз поёни ҷанг дар ин кишвар хабар доданд. Онҳо эълон намуданд, ки дар Афғонистон аморати исломӣ ташкил мешаваду идораи давлат бар асоси қонуни шариат роҳандозӣ мегардад. Аммо бархе аз фаъолони ҷомеаи шаҳрвандӣ аз тафсире, ки толибҳо ба қонунҳои шариат медиҳанд, интиқод намуда, таъкид мекунанд, ки дар бисёре аз мавридҳо ҳуқуқҳои башариро зери по мекунанд.
https://sputnik.tj/20211209/hunarnamoi-mir-maftun-tolibon-video-1044043540.html
афғонистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
қочоқ, афғонистон, толибҳо, таърих, сохта
қочоқ, афғонистон, толибҳо, таърих, сохта
Толибҳо аз қочоқбарон ёдгории таърихӣ мусодира кардаанд
11:53 10.12.2021 (Навсозишуда: 18:54 10.12.2021) Шамшери таърихие, ки беш аз сад сол пеш сохта шудааст, аз қочоқбарон дар Афғонистон мусодира гардидааст
ДУШАНБЕ, 10 дек — Sputnik. Толибҳо шамшереро, ки арзиши таърихию фарҳангӣ дорад, аз дасти қочоқбарон мусодира кардаанд, хабар дод Sputnik Афғонистон.
Ба иттилои манбаъ, пулис ин шамшери беш аз садсоларо барои нигоҳдорӣ ба идораи фарҳангу иттилоот дар Афғонистон супоридааст.
Мақомдорони нави Афғонистон аз мардуми кишвар даъват доранд, ки барои ҳифзи арзишҳои тахърихию фарҳангӣ ҳамкорӣ кунанду мероси арзишмандро аз ғорату дуздӣ ҳимоя намоянд.
Шабакаи телевизионии "TOLOnews" мегӯяд, ин нахустин талош барои ба яғмо бурдани молҳои таърихию фарҳангӣ набуда, қаблан низ чунин ҳолатҳо сабт шуда буданд.
Ба иттилои ин шабака, мухлисони фарҳанг зимни боздид аз Осорхонаи миллӣ дар Афғонистон, ки ахиран дарашро барои тамошобинон боз намуд, коҳиши ашё дар ин муассисаро мушоҳида кардаанд.
Аммо кормандони осорхонаи миллии Афғонистон мегӯянд, тамоми ёдгориҳои фарҳангию таърихиро дар таҳаввулоти охир ҳифз намудаанд.
Маврид ба зикр аст, ки толибҳо нимаи моҳи августи соли равон ҳукумат дар Афғонистонро ғасб намуда, аз поёни ҷанг дар ин кишвар хабар доданд. Онҳо эълон намуданд, ки дар Афғонистон аморати исломӣ ташкил мешаваду идораи давлат бар асоси қонуни шариат роҳандозӣ мегардад. Аммо бархе аз фаъолони ҷомеаи шаҳрвандӣ аз тафсире, ки толибҳо ба қонунҳои шариат медиҳанд, интиқод намуда, таъкид мекунанд, ки дар бисёре аз мавридҳо ҳуқуқҳои башариро зери по мекунанд.
