Вазирони тоҷику итолиёвӣ вазъи Афғонистонро баррасӣ карданд

© Cомонаи Вазорати корҳои хориҷии ТоҷикистонСироҷиддин Муҳриддин, вазири умури хориҷии Тоҷикистон, бо ҳамтои итолиёвияш Луиҷи Ди Майо
Сироҷиддин Муҳриддин, вазири умури хориҷии Тоҷикистон, бо ҳамтои итолиёвияш Луиҷи Ди Майо  - Sputnik Тоҷикистон, 1920, 08.12.2021
Обуна шудан
Сироҷиддин Муҳриддин, вазири умури хориҷии Тоҷикистон бо ҳамтои итолиёвияш Луиҷи Ди Майо густариши ҳамкориҳоро баррасӣ кард
ДУШАНБЕ, 8 дек – Sputnik. Мулоқоти дуҷонибаи Сироҷиддин Муҳриддин ва Луиҷи Ди Майо рӯзи ҳаштуми декабр дар ҳошияи конфронси дуюми вазирони хориҷии "Итолиё - Осиёи Марказӣ" дар қолаби С5+1 дар Тошканд баргузор шуд.
Тибқи иттилои Вазорати умури хориҷии Тоҷикистон, ҳар ду ҷониб ҳолати кунунӣ ва дурнамои муносибатҳоро дар бахши сиёсӣ, иқтисодӣ ва гуманитарӣ баррасӣ намуданд.
Манбаъ афзуд, ки масъалаҳои мубрами минтақа, аз ҷумла вазъ дар Афғонистон низ аз масоили меҳварии мулоқот буд.
Ҷласаи Тафсири сиёсати савдои Тоҷикистон дар назди СУС дар шаҳри Женеваи Швейтсария бо иштироки вазири рушди иқтисод ва савдои ҶТ, Завқизода Завқӣ Амин - Sputnik Тоҷикистон, 1920, 08.12.2021
Пешрафтҳои Тоҷикистон пас аз узвият дар СҶТ – омори расмӣ
Дар мавриди мулоқоти бисёрҷонибаи С5+1 Вазорати умури хориҷии Ӯзбекистон иттилоъ додааст, ки дар ин ҳамоиш намояндагони мақомоти умури хориҷӣ, иқтисодӣ, молӣ ва тандурустӣ иштирок намуданд.
Дар мавриди вазъ дар минтақа таъкид шудааст, ки бояд муносиботи дӯстию бародарии миёни халқҳо таҳким шаванду алайҳи чолишҳои муосир иқдомоти муштарак роҳандозӣ гарданд.
Таҳкими ҳамкорӣ дар бахши иқтисод, савдою сармоягузорӣ, энергетика ва саноат аз дигар мавзуъҳои меҳварии мулоқот будаанд.
Инчунин намояндагони Осиёи Марказӣ ва Аврупо дар мавриди тандурустӣ ва мубориза бо пандемияи коронавирус ва паёмадҳои он табодули афкор намудаанд.
Лентаи хабарҳо
0