https://sputnik.tj/20211208/peshraft-tojikiston-uzviyat-sjt--omor-rasmi-1044016139.html
Пешрафтҳои Тоҷикистон пас аз узвият дар СҶТ – омори расмӣ
Пешрафтҳои Тоҷикистон пас аз узвият дар СҶТ – омори расмӣ
Sputnik Тоҷикистон
Тоҷикистон барои аввалин бор дар Созмони ҷаҳонии тиҷорат (СҶТ) тафсири сиёсати савдои худро муаррифӣ кард
2021-12-08T13:10+0500
2021-12-08T13:10+0500
2021-12-08T14:05+0500
дар тоҷикистон
иқтисод
сҷт
вазорат
рушд
савдо
сабукӣ
https://cdnn1.img.sputnik.tj/img/07e5/0c/08/1044015906_0:182:1024:758_1920x0_80_0_0_a85df5830edb6374ecd9d362c06f3f50.jpg
ДУШАНБЕ, 8 дек - Sputnik. Тоҷикистон дар пайи узвият дар СҶТ, ки соли 2013 ба ин созмон пайваст, ба рушди миёнсолонаи иқтисодӣ ва тиҷоратӣ муваффақ шудааст. Маркази матбуотии Вазорати рушди иқтисод ва савдои кишвар ба Sputnik Тоҷикистон иттилоъ дод, ки баъди узвият дар СҶТ сарфи назар аз таъсири пайомадҳои буҳронҳои иктисодию молӣ, низоъҳои тиҷоратӣ, таҳримҳои иқтисодии баъзе давлатҳо ва паҳншавии пандемияи COVID-19 дар ҷаҳон Тоҷикистон ба рушди қобили мулоҳизае даст ёфтааст. “Ҳаҷми содирот ду, номгӯи молҳои содиротӣ 1,8, истеҳсоли молҳои саноатӣ 2,1 ва кишоварзӣ 1,3 баробар афзоиш ёфта, нахустин бор дар таҷрибаи кишвар Равзанаи ягонаи содагардонии амалиёти содиротӣ, воридотӣ ва транзитӣ, инчунин Портали савдои Тоҷикистон ҷорӣ карда шуд”, - гуфт манбаъ.Ин омор дар як ҷаласаи хоси Созмони Ҷаҳонии Тиҷорат, ки рӯзи ҳафтуми декабри соли равон дар шаҳри Женеваи Швейтсария ба "Тафсири сиёсати тиҷории Тоҷикистон" ихтисос ёфта буд, аз сӯи Завқӣ Завқизода, вазири рушди иқтисод ва савдои Тоҷикистон дар ҳузури намояндагони 164 кишвари аъзо ироа шудааст. Ин аввалин тафсири сиёсати савдои Тоҷикистон дар ҷаласаҳои Созмони Ҷаҳонии Тиҷорат аст. Тибқи иттилои ин созмон, Тоҷикистон дар давраи узвият дар СҶТ бо ширкат дар ташаббусҳои глобалии тиҷоратӣ рушди миёнасолонаи иқтисодиро 7% ва рушди миёнасолонаи тиҷоратро 10% таъмин кардааст. Созмони Ҷаҳонии Тиҷорат яке аз созмонҳои муътабари ҷаҳонӣ буда, Тоҷикистон ҷиҳати ба даст овардани узвияти он аз соли 2001 талош намуда, дуюми марти соли 2013 ба ин ҳадаф расидааст. Узвият дар ин созмон барои рушди тиҷорати хориҷӣ як қатор сабукиҳо, бахусус дар соҳаи ҳамлу нақл ва гумрукот эҷод мекунад. Дар ҳоли ҳозир Русия, Иттиҳоди Аврупо, Чин, Туркия, Қазоқистон, Эрон, Ӯзбекистон ва дигар кишварҳо шарикони асосии Тоҷикистон ба ҳисоб мераванд.
https://sputnik.tj/20211208/afzoishi-qarzi-berunai-tojikiston-1044012758.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, аввалин, иқтисод, рушд, сҷт
тоҷикистон, аввалин, иқтисод, рушд, сҷт
Пешрафтҳои Тоҷикистон пас аз узвият дар СҶТ – омори расмӣ
13:10 08.12.2021 (Навсозишуда: 14:05 08.12.2021) Тоҷикистон барои аввалин бор дар Созмони Ҷаҳонии Тиҷорат (СҶТ) тафсири сиёсати савдои худро муаррифӣ кард
ДУШАНБЕ, 8 дек - Sputnik. Тоҷикистон дар пайи узвият дар СҶТ, ки соли 2013 ба ин созмон пайваст, ба рушди миёнсолонаи иқтисодӣ ва тиҷоратӣ муваффақ шудааст.
Маркази матбуотии Вазорати рушди иқтисод ва савдои кишвар ба Sputnik Тоҷикистон иттилоъ дод, ки баъди узвият дар СҶТ сарфи назар аз таъсири пайомадҳои буҳронҳои иктисодию молӣ, низоъҳои тиҷоратӣ, таҳримҳои иқтисодии баъзе давлатҳо ва паҳншавии пандемияи COVID-19 дар ҷаҳон Тоҷикистон ба рушди қобили мулоҳизае даст ёфтааст.
“Ҳаҷми содирот ду, номгӯи молҳои содиротӣ 1,8, истеҳсоли молҳои саноатӣ 2,1 ва кишоварзӣ 1,3 баробар афзоиш ёфта, нахустин бор дар таҷрибаи кишвар Равзанаи ягонаи содагардонии амалиёти содиротӣ, воридотӣ ва транзитӣ, инчунин Портали савдои Тоҷикистон ҷорӣ карда шуд”, - гуфт манбаъ.
Ин омор дар як ҷаласаи хоси Созмони Ҷаҳонии Тиҷорат, ки рӯзи ҳафтуми декабри соли равон дар шаҳри Женеваи Швейтсария ба "Тафсири сиёсати тиҷории Тоҷикистон" ихтисос ёфта буд, аз сӯи Завқӣ Завқизода, вазири рушди иқтисод ва савдои Тоҷикистон дар ҳузури намояндагони 164 кишвари аъзо ироа шудааст.
Ин аввалин тафсири сиёсати савдои Тоҷикистон дар ҷаласаҳои Созмони Ҷаҳонии Тиҷорат аст. Тибқи иттилои ин созмон, Тоҷикистон дар давраи узвият дар СҶТ бо ширкат дар ташаббусҳои глобалии тиҷоратӣ рушди миёнасолонаи иқтисодиро 7% ва рушди миёнасолонаи тиҷоратро 10% таъмин кардааст.
Созмони Ҷаҳонии Тиҷорат яке аз созмонҳои муътабари ҷаҳонӣ буда, Тоҷикистон ҷиҳати ба даст овардани узвияти он аз соли 2001 талош намуда, дуюми марти соли 2013 ба ин ҳадаф расидааст. Узвият дар ин созмон барои рушди тиҷорати хориҷӣ як қатор сабукиҳо, бахусус дар соҳаи ҳамлу нақл ва гумрукот эҷод мекунад.
Дар ҳоли ҳозир Русия, Иттиҳоди Аврупо, Чин, Туркия, Қазоқистон, Эрон, Ӯзбекистон ва дигар кишварҳо шарикони асосии Тоҷикистон ба ҳисоб мераванд.
