https://sputnik.tj/20211201/gardish-mol-rusiya-tojikiston-1043861482.html
“Шарики суннатӣ ва боэътимод”: гардиши мол миёни Русияву Тоҷикистон афзуд
“Шарики суннатӣ ва боэътимод”: гардиши мол миёни Русияву Тоҷикистон афзуд
Sputnik Тоҷикистон
Як мақоми тоҷик аз ширкату корхонаҳои Русия даъват кард, ки дар минтақаҳои озоди иқтисодии Тоҷикистон сармоягузорӣ кунанд
2021-12-01T12:40+0500
2021-12-01T12:40+0500
2021-12-01T14:27+0500
дар тоҷикистон
иқтисод
тиҷорат
гардиши молу коло
дар русия
https://cdnn1.img.sputnik.tj/img/101769/29/1017692920_0:160:3073:1888_1920x0_80_0_0_6b1f3fbaf5f06290b2df3da2e3abbd7b.jpg
ДУШАНБЕ, 1 дек - Sputnik. Ин манотиқи озоди иқтисодӣ дар саросари Тоҷикистон эҷод шудаанд ва дар онҳо барои сармоягузории хориҷӣ шароити мусоид фароҳам шудааст. Рухшона Насриддинзода, муовини вазири рушди иқтисод ва савдои Тоҷикистон, ки дар Конфронси 8-уми ҳамкориҳои минтақавии Тоҷикистону Русия суҳбат мекард, гуфт, ширкатҳои русӣ метавонанд бо истифода аз имконоти манотиқи озоди иқтисодӣ барои сохтани корхонаҳои худ ва ҳам муштарак бо ҳамтоёни тоҷикашон иқдом кунанд. “Тоҷикистон ва Русия шарикони собитшудаи таърихӣ ҳастанд. Ман мутмаин ҳастам, ки ҳангоми интихоб шарик корхонаҳои мо ба ширкатҳо ва корхонаҳои русӣ тарҷеҳ медиҳанд, зеро русҳо наздиктарин шарикони тиҷорӣ ва суннативу боътимоди мо ҳастанд. Аз шарикони худ дар Русия даъват мекунем, ки бо истифода аз имконоти манотиқи озоди иқтисодӣ сармоягузорӣ кунанд”, - гуфт Рухшона Насриддинзода. Тоҷикистон дар ҳоли ҳозир дар кишвар панҷ минтақаи озоди тиҷоратӣ ба ановини "Суғд", "Данғара", "Ишкошим", "Панҷ" ва "Кӯлоб" тибқи як барномаи миллии рушд ва рушди содироти Тоҷикистон эҷод шудааст, ки ба қавли масъулин, шароити мусоид барои ҷалби сармоягузориҳо дар бахшҳои воқеии иқтисод доранд ва ҳукумат мехоҳад аз ин роҳ зарфияти содиротии худро боло бараду тавлиди маҳсулоти ивазкунандаи воридотро рушд диҳад. Русия шарики калидии тиҷорати хориҷии Тоҷикистон буда, дар кулли гардиши тиҷорати хориҷии ҷумҳурӣ 20% саҳм дорад. Тибқи иттилои расмӣ, тайи нуҳ моҳи соли 2021 ҳаҷми гардиши тиҷорати хориҷии мутақобил бо Русия ба 900.1 миллион доллар расид ва нисбат ба давраи таҳлилии соли 2020 ба мизони 178.8 миллион доллар ё 24.8 дарсад афзоиш ёфт. Содироти маҳсулот ба Русия аз Тоҷикистон дар ин муддат 45.5 ва воридот 854.6 миллион доллар будааст. Аз соли 2007 то 2021 ҳаҷми сармоягузориҳои Русия дар иқтисоди Тоҷикистон ҳудуди 1.65 миллиард доллар будааст, ки бузургтарин тарҳи онҳо сохтмони нерӯгоҳи "Сангтӯда-1" аст.
https://sputnik.tj/20211201/rostselmash-tekhnika-kishovarzi-tojikiston-1043856702.html
https://sputnik.tj/20211117/savdoi-khorijii-tojikiston-afzoish-1043587047.html
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
гардиш мол русияву тоҷикистон
гардиш мол русияву тоҷикистон
“Шарики суннатӣ ва боэътимод”: гардиши мол миёни Русияву Тоҷикистон афзуд
12:40 01.12.2021 (Навсозишуда: 14:27 01.12.2021) Як мақоми тоҷик аз ширкату корхонаҳои Русия даъват кард, ки дар минтақаҳои озоди иқтисодии Тоҷикистон сармоягузорӣ кунанд
ДУШАНБЕ, 1 дек - Sputnik. Ин манотиқи озоди иқтисодӣ дар саросари Тоҷикистон эҷод шудаанд ва дар онҳо барои сармоягузории хориҷӣ шароити мусоид фароҳам шудааст.
Рухшона Насриддинзода, муовини вазири рушди иқтисод ва савдои Тоҷикистон, ки дар Конфронси 8-уми ҳамкориҳои минтақавии Тоҷикистону Русия суҳбат мекард, гуфт, ширкатҳои русӣ метавонанд бо истифода аз имконоти манотиқи озоди иқтисодӣ барои сохтани корхонаҳои худ ва ҳам муштарак бо ҳамтоёни тоҷикашон иқдом кунанд.
“Тоҷикистон ва Русия шарикони собитшудаи таърихӣ ҳастанд. Ман мутмаин ҳастам, ки ҳангоми интихоб шарик корхонаҳои мо ба ширкатҳо ва корхонаҳои русӣ тарҷеҳ медиҳанд, зеро русҳо наздиктарин шарикони тиҷорӣ ва суннативу боътимоди мо ҳастанд. Аз шарикони худ дар Русия даъват мекунем, ки бо истифода аз имконоти манотиқи озоди иқтисодӣ сармоягузорӣ кунанд”, - гуфт Рухшона Насриддинзода.
Тоҷикистон дар ҳоли ҳозир дар кишвар панҷ минтақаи озоди тиҷоратӣ ба ановини "Суғд", "Данғара", "Ишкошим", "Панҷ" ва "Кӯлоб" тибқи як барномаи миллии рушд ва рушди содироти Тоҷикистон эҷод шудааст, ки ба қавли масъулин, шароити мусоид барои ҷалби сармоягузориҳо дар бахшҳои воқеии иқтисод доранд ва ҳукумат мехоҳад аз ин роҳ зарфияти содиротии худро боло бараду тавлиди маҳсулоти ивазкунандаи воридотро рушд диҳад.
Русия шарики калидии тиҷорати хориҷии Тоҷикистон буда, дар кулли гардиши тиҷорати хориҷии ҷумҳурӣ 20% саҳм дорад.
Тибқи иттилои расмӣ, тайи нуҳ моҳи соли 2021 ҳаҷми гардиши тиҷорати хориҷии мутақобил бо Русия ба 900.1 миллион доллар расид ва нисбат ба давраи таҳлилии соли 2020 ба мизони 178.8 миллион доллар ё 24.8 дарсад афзоиш ёфт.
Содироти маҳсулот ба Русия аз Тоҷикистон дар ин муддат 45.5 ва воридот 854.6 миллион доллар будааст.
Аз соли 2007 то 2021 ҳаҷми сармоягузориҳои Русия дар иқтисоди Тоҷикистон ҳудуди 1.65 миллиард доллар будааст, ки бузургтарин тарҳи онҳо сохтмони нерӯгоҳи "Сангтӯда-1" аст.
