https://sputnik.tj/20211101/dodsiton-parvanda-rustam-guzorish-1043215563.html
Додситони Душанбе аз "парвандаи Мадина" ба Рустами Эмомалӣ гузориш дод: тафсилот
Додситони Душанбе аз "парвандаи Мадина" ба Рустами Эмомалӣ гузориш дод: тафсилот
Sputnik Тоҷикистон
Рустами Эмомалӣ ҷаласаи вижае баргузор кард, ки дар он гузориши кормандони интизомӣ дар бораи қазияи пурсарусадои латукӯби як ҷавонзани душанбегиро шунид
2021-11-01T16:14+0500
2021-11-01T16:14+0500
2021-11-01T20:28+0500
дар тоҷикистон
душанбе
рустами эмомалӣ
гузориш
мадина
прокурор
https://cdnn1.img.sputnik.tj/img/07e5/0b/01/1043211565_0:145:3125:1903_1920x0_80_0_0_2701401a08ac4bc61250440a23fefe06.jpg
ДУШАНБЕ, 1 ноябрь — Sputnik. Ба Рустами Эмомалӣ, раиси шаҳри Душанбе иттилоъ доданд, ки гумонбарони ҳамлаи ваҳшиёна ва латукӯби сокини шаҳр Мадина Мамадҷонова дар пойтахт боздошт шудаанд, хабар медиҳад дафтари матбуотии ҳукумати шаҳр.Гузориши намояндагони ниҳодҳои интизомии шаҳри Душанбе дар як ҷаласаи вижаи кории Рустами Эмомалӣ шунида шуд.Илова бар ин додситонии шаҳри Душанбе дар бораи ҷараёни баррасии парванда ба Рустами Эмомалӣ гузориш дод. Ба гуфтаи ӯ, тибқи дастури раиси шаҳр, алайҳи ҳамсарон А.Д. ва Л.Д. парвандаи ҷиноӣ боз шудааст.Гуфта мешавад, ҳоло марду зане, ки дар ин парванда ҳамчун гумонбари асосӣ қарор доранд, боздошт шудаанд.Мақомоти ҳифзи ҳуқуқ вазифадор шудаанд, ҷиҳати баррасии саривақтии муроҷиатҳои сокинони шаҳр, ки дар сомонаҳои иҷтимоӣ нашр мешаванд, тадбирҳои зарурӣ андешанд. Дар фарҷоми ҷаласа ба сохторҳои дахлдор супориш дода шуд, ки парвандаро такмил намоянд, то ба гунаҳкорон тибқи қонун ҷавоб диҳанд. Ёдовар мешавем, ки Мадина Мамадҷонова аз Душанбе 25 августи соли 2021 нопадид шуд. Пас аз 14 соати нопадид шудан ӯро дар ҳолати вазнин ба бемористони шаҳр бурданд. Тибқи фарзияи пешакӣ, духтар шадидан латукӯб шудааст. Гумонбаршуда дар ин парванда шаҳрванд А.Д. мебошад, ки эҳтимолан бо ҳамин тариқ хостааст, аз ҷабрдида, ки гуфта мешавад, бо шавҳари ӯ робитаи маҳрамона доштааст, қасос бигирад. Ин ҳодиса вокунишҳои густурдаи ҷомеаро ба бор овард ва дар шабакаҳои иҷтимоӣ баррасӣ мешавад. Қаблан маълум шуд, ки фаъолони ҷомеаи шаҳрвандӣ ба унвони раиси шаҳри Душанбе муроҷиатнома навишта, дар он аз Рустами Эмомалӣ, Додситонии кулл ва Вазорати корҳои дохилӣ хостаанд, қазияи Мадинаро зери назорат гиранд. Ҷабрдида то ҳол дар ҳолати вазнин - кома қарор дорад ва табибон пешгӯиҳои ноумедкунанда ироа мекунанд.
https://sputnik.tj/20211030/rustami-emomali-qaziyai-madina-dakholat-1043188308.html
душанбе
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
додситон душанбе парванда мадина рустами эмомалӣ гузориш
додситон душанбе парванда мадина рустами эмомалӣ гузориш
Додситони Душанбе аз "парвандаи Мадина" ба Рустами Эмомалӣ гузориш дод: тафсилот
16:14 01.11.2021 (Навсозишуда: 20:28 01.11.2021) Рустами Эмомалӣ ҷаласаи вижае баргузор кард, ки дар он гузориши кормандони интизомӣ дар бораи қазияи пурсарусадои латукӯби як ҷавонзани душанбегиро шунид
ДУШАНБЕ, 1 ноябрь — Sputnik. Ба Рустами Эмомалӣ, раиси шаҳри Душанбе иттилоъ доданд, ки гумонбарони ҳамлаи ваҳшиёна ва латукӯби сокини шаҳр Мадина Мамадҷонова дар пойтахт боздошт шудаанд, хабар медиҳад дафтари матбуотии ҳукумати шаҳр.
Гузориши намояндагони ниҳодҳои интизомии шаҳри Душанбе дар як ҷаласаи вижаи кории Рустами Эмомалӣ шунида шуд.
Илова бар ин додситонии шаҳри Душанбе дар бораи ҷараёни баррасии парванда ба Рустами Эмомалӣ гузориш дод. Ба гуфтаи ӯ, тибқи дастури раиси шаҳр, алайҳи ҳамсарон А.Д. ва Л.Д. парвандаи ҷиноӣ боз шудааст.
Гуфта мешавад, ҳоло марду зане, ки дар ин парванда ҳамчун гумонбари асосӣ қарор доранд, боздошт шудаанд.
Мақомоти ҳифзи ҳуқуқ вазифадор шудаанд, ҷиҳати баррасии саривақтии муроҷиатҳои сокинони шаҳр, ки дар сомонаҳои иҷтимоӣ нашр мешаванд, тадбирҳои зарурӣ андешанд.
Дар фарҷоми ҷаласа ба сохторҳои дахлдор супориш дода шуд, ки парвандаро такмил намоянд, то ба гунаҳкорон тибқи қонун ҷавоб диҳанд.
Ёдовар мешавем, ки Мадина Мамадҷонова аз Душанбе 25 августи соли 2021 нопадид шуд. Пас аз 14 соати нопадид шудан ӯро дар ҳолати вазнин ба бемористони шаҳр бурданд. Тибқи фарзияи пешакӣ, духтар шадидан латукӯб шудааст.
Гумонбаршуда дар ин парванда шаҳрванд А.Д. мебошад, ки эҳтимолан бо ҳамин тариқ хостааст, аз ҷабрдида, ки гуфта мешавад, бо шавҳари ӯ робитаи маҳрамона доштааст, қасос бигирад.
Ин ҳодиса вокунишҳои густурдаи ҷомеаро ба бор овард ва дар шабакаҳои иҷтимоӣ баррасӣ мешавад.
Қаблан маълум шуд, ки фаъолони ҷомеаи шаҳрвандӣ ба унвони раиси шаҳри Душанбе муроҷиатнома навишта, дар он аз Рустами Эмомалӣ, Додситонии кулл ва Вазорати корҳои дохилӣ хостаанд, қазияи Мадинаро зери назорат гиранд.
Ҷабрдида то ҳол дар ҳолати вазнин - кома қарор дорад ва табибон пешгӯиҳои ноумедкунанда ироа мекунанд.
