https://sputnik.tj/20211022/voli-tolibon-panjsheriho-sabr-1043035023.html
Волии “Толибон” ба панҷшериҳо: “Сабр кунед, дунё биҳишти кофир, дӯзахи мусулмон аст”
Волии “Толибон” ба панҷшериҳо: “Сабр кунед, дунё биҳишти кофир, дӯзахи мусулмон аст”
Sputnik Тоҷикистон
Мавлавӣ Қудратуллоҳ, волии Панҷшер, ба мардуме, ки аз фақру нодорӣ ва аз беамалии “Толибон”* шикоят кардаанд, гуфтааст, сахтиҳоро таҳаммул кунанд, то дар охират подош гиранд
2021-10-22T12:31+0500
2021-10-22T12:31+0500
2021-10-22T15:34+0500
афғонистон
толибон
панҷшер
норизоӣ
аҳолӣ
https://cdnn1.img.sputnik.tj/img/07e5/0a/16/1043034823_0:39:1281:759_1920x0_80_0_0_c55ac34bf009bf84f6eb4330cddf0c42.jpg
ДУШАНБЕ, 22 окт — Sputnik. Ин суханонро волии “Толибон”* дар Панҷшер ба мардуми ин вилоят, ки барои додхоҳӣ ба ҳузури ӯ рафтаанд, гуфтааст. Манбаъи Sputnik Тоҷикистон ин гузориши катбиро аз як ҳозири маҷлис дар дафтари ин вилоят, ки бо ҳузури Қорӣ Қудратуллоҳ, волии “Толибон”* дар Панҷшер рӯзи душанбе, 18-уми октябр, баргузор шуд, ба даст овардааст. Дар гузориш омадааст, як теъдод аз бузургони вулусволиҳои Панҷшер ба назди волӣ рафта, ба ӯ шикоят кардаанд, ки бо суқути ҳукумати қаблӣ тамоми тарҳҳо нимкола монда, ширкатҳои қарордодӣ васоили худро ҷамъ карда, дараро тарк кардаанд. “Роҳҳои вулусволии Обшор ва дараи Абдуллохел бениҳоят вайрон шуда, кори қиррезӣ (асфалтпӯшӣ)-и онҳо мутаваққиф, сохтмони масҷиди ҷомеи вулусволии дара, роҳҳои фаръӣ, пулҳо, мактабҳо ва дигар тарҳҳо дар вулусволиҳои Шутул, Париён, Хинҷ, Дара, Руха, Оноба ва Обшор ниматамом мондаанд. Донишгоҳи Панҷшер комилан тахриб шудааст. Оё шумо барои ин тарҳҳо нақшае доред?”, - пурсидаанд мардум.Қорӣ Қудратуллоҳ гуфтааст, “Иморати исломӣ” (низоми сиёсии худхондаи "Толибон"*, - шарҳи идора) ба шиддат бо камбуди манобеи молӣ рӯ ба рӯ аст, ба ҳадде ки то имрӯз дар Панҷшер аз маводи хӯрокӣ ва бензине, ки Аҳмад Масъуд барои Ҷабҳаи муқовамат захира намуда буд, истифода мекунад ва ҳатто ба вилоёти ҳамсоя аз ҳамин ҷо бензину маводи хӯрокӣ мебаранд. “Шумо аҷаб мавзуотеро матраҳ мекунед. Мо масорифи бензин ва заруриёти дафтари худро ба хубӣ надорем, пас мо чӣ тавр метавонем чунин тарҳҳоро амалӣ кунем?”, - гуфтааст волии Панҷшер. Аз ин посухи Қорӣ Қудратуллоҳ мардум асабонӣ мешаванд ва хитоб ба ӯ мегӯянд, вақте тавони арзаи хадамотро надоштед ва ҳатто наметавонед тарҳҳои ниматамоми ҳукумати қаблиро такмил намоед, чаро ҳукумати қаблиро суқут додед?! “Дунё дурӯза аст. Коре кунед, ки охирататон обод бошад. Бидуни шак, дунё барои мусалмонон дӯзах ва барои куффор биҳишт аст. Дунё ҳамеша барои мусалмонон сахт будааст. Шумо ҳам ин сахтиҳоро таҳаммул кунед ва Худованд подоши онро дар охират бароятон ҳатман медиҳад”, - гуфтааст вай. Қорӣ Қудратуллоҳ зодаи вулусволии Париёни вилояти Панҷшер аст, ки 7 сентябр дар пайи ишғоли маркази вилоят аз сӯйи “Толибон”* волӣ таъйин шуд. Мавлавӣ Оқомир, раиси истихбороти “Толибон”* ва Ҳамиди Хуросонӣ, фармондеҳи амнияи вилояти Панҷшер низ аз толибони панҷшериянд.*-созмони террористии мамнуъ дар Тоҷикистон ва Русия
https://sputnik.tj/20211021/murojiat-khurosoni-mardum-panjsher-1043011761.html
https://sputnik.tj/20211021/hamla-nav-terrorist-kobul-tolibon-afghoniston-kontrol-nadorad-1043012353.html
афғонистон
панҷшер
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
волӣ “толибон”* панҷшер сабр биҳишт кофир дӯзах мусулмон
волӣ “толибон”* панҷшер сабр биҳишт кофир дӯзах мусулмон
Волии “Толибон” ба панҷшериҳо: “Сабр кунед, дунё биҳишти кофир, дӯзахи мусулмон аст”
12:31 22.10.2021 (Навсозишуда: 15:34 22.10.2021) Мавлавӣ Қудратуллоҳ, волии Панҷшер ба мардуме, ки аз фақру нодорӣ ва аз беамалии “Толибон”* шикоят кардаанд, гуфтааст, сахтиҳоро таҳаммул кунанд, то дар охират подош гиранд
ДУШАНБЕ, 22 окт — Sputnik. Ин суханонро волии “Толибон”* дар Панҷшер ба мардуми ин вилоят, ки барои додхоҳӣ ба ҳузури ӯ рафтаанд, гуфтааст.
Манбаъи Sputnik Тоҷикистон ин гузориши катбиро аз як ҳозири маҷлис дар дафтари ин вилоят, ки бо ҳузури Қорӣ Қудратуллоҳ, волии “Толибон”* дар Панҷшер рӯзи душанбе, 18-уми октябр, баргузор шуд, ба даст овардааст.
Дар гузориш омадааст, як теъдод аз бузургони вулусволиҳои Панҷшер ба назди волӣ рафта, ба ӯ шикоят кардаанд, ки бо суқути ҳукумати қаблӣ тамоми тарҳҳо нимкола монда, ширкатҳои қарордодӣ васоили худро ҷамъ карда, дараро тарк кардаанд.
“Роҳҳои вулусволии Обшор ва дараи Абдуллохел бениҳоят вайрон шуда, кори қиррезӣ (асфалтпӯшӣ)-и онҳо мутаваққиф, сохтмони масҷиди ҷомеи вулусволии дара, роҳҳои фаръӣ, пулҳо, мактабҳо ва дигар тарҳҳо дар вулусволиҳои Шутул, Париён, Хинҷ, Дара, Руха, Оноба ва Обшор ниматамом мондаанд. Донишгоҳи Панҷшер комилан тахриб шудааст. Оё шумо барои ин тарҳҳо нақшае доред?”, - пурсидаанд мардум.
Қорӣ Қудратуллоҳ гуфтааст, “Иморати исломӣ” (низоми сиёсии худхондаи "Толибон"*, - шарҳи идора) ба шиддат бо камбуди манобеи молӣ рӯ ба рӯ аст, ба ҳадде ки то имрӯз дар Панҷшер аз маводи хӯрокӣ ва бензине, ки Аҳмад Масъуд барои Ҷабҳаи муқовамат захира намуда буд, истифода мекунад ва ҳатто ба вилоёти ҳамсоя аз ҳамин ҷо бензину маводи хӯрокӣ мебаранд.
“Шумо аҷаб мавзуотеро матраҳ мекунед. Мо масорифи бензин ва заруриёти дафтари худро ба хубӣ надорем, пас мо чӣ тавр метавонем чунин тарҳҳоро амалӣ кунем?”, - гуфтааст волии Панҷшер.
Аз ин посухи Қорӣ Қудратуллоҳ мардум асабонӣ мешаванд ва хитоб ба ӯ мегӯянд, вақте тавони арзаи хадамотро надоштед ва ҳатто наметавонед тарҳҳои ниматамоми ҳукумати қаблиро такмил намоед, чаро ҳукумати қаблиро суқут додед?!
“Мардум нон надоранд, фақр бедод мекунад, кор нест, донишгоҳ тахриб шудааст, касе ба таҳсил рафта наметавонад, кормандони давлат моҳҳо аст, ки маош нагирифтаанд”, - мегӯянд мардум. Волии “Толибон”* бидуни таваҷҷуҳ ба хости мардум гуфтааст, ҳадафи мо эҷоди як ҳукумати исломӣ буд, ки эҷод шудааст.
“Дунё дурӯза аст. Коре кунед, ки охирататон обод бошад. Бидуни шак, дунё барои мусалмонон дӯзах ва барои куффор биҳишт аст. Дунё ҳамеша барои мусалмонон сахт будааст. Шумо ҳам ин сахтиҳоро таҳаммул кунед ва Худованд подоши онро дар охират бароятон ҳатман медиҳад”, - гуфтааст вай.
Қорӣ Қудратуллоҳ зодаи вулусволии Париёни вилояти Панҷшер аст, ки 7 сентябр дар пайи ишғоли маркази вилоят аз сӯйи “Толибон”* волӣ таъйин шуд. Мавлавӣ Оқомир, раиси истихбороти “Толибон”* ва Ҳамиди Хуросонӣ, фармондеҳи амнияи вилояти Панҷшер низ аз толибони панҷшериянд.
*-созмони террористии мамнуъ дар Тоҷикистон ва Русия
