https://sputnik.tj/20211001/arjguzori-rahmon-filarmoniyai-hamadoni-odina-hoshim-1042594189.html
Арҷгузорӣ: Раҳмон филармонияи Ҳамадониро ба номи Одина Ҳошим гузошт
Арҷгузорӣ: Раҳмон филармонияи Ҳамадониро ба номи Одина Ҳошим гузошт
Sputnik Тоҷикистон
Дар шаҳраки Москваи ноҳияи Мир Сайид Алии Ҳамадонӣ Филармонияи мардумии ба номи Одина Ҳошим, пурра таъмиру навсозӣ шуд
2021-10-01T11:50+0500
2021-10-01T11:50+0500
2021-10-01T12:20+0500
дар тоҷикистон
фарҳанг
эмомалӣ раҳмон
мир саид алии ҳамадонӣ
номгузорӣ
одина ҳошим
раисҷумҳур
https://cdnn1.img.sputnik.tj/img/07e5/09/14/1042375026_0:106:2048:1258_1920x0_80_0_0_1c164c2e59407c92f404b4437668e951.jpg
ДУШАНБЕ, 1 окт — Sputnik. Эмомалӣ Раҳмон, раисҷумҳури Тоҷикистон зимни сафари кориаш ба ноҳияи Мир Сайид Алии Ҳамадонӣ аз филармонияи мардумии ба номи Одина Ҳошим, ки тоза таъмиру навсозӣ шудааст, дидан кард.Дафтари матбуотии раисҷумҳур иттилоъ додааст, ки ин муассисаи фарҳангӣ дар ноҳияи Мир Сайид Алии Ҳамадонӣ бо саҳми соҳибкорони ватанӣ ва шахсони саховатпеша таъмиру навсозӣ шудааст.Ҳамзамон иттилоъ дода шудааст, ки дар як гӯшаи бинои филармонияи мардумӣ осорхона таъсис ёфта, дар он маҳсули офаридаҳои ҳунарманди зиндаёд Одина Ҳошим, созҳои мусиқӣ, аксҳо аз сафарҳои ҳунарӣ ва либосҳои ӯ ҷамъоварӣ ва ба намоиш гузошта шудаанд.“Ҳар нафаре, ки ба ин бино ворид мегардад, нахуст аз осорхона дидан карда, баъдан аз тамошои барномаҳои ҷолибу хотирмони фарҳангӣ ғизои маънавӣ мегирад”,-хабар додааст дафтари матбуотии раёсатҷумҳурӣ.Зикр шудааст, ки толори бузурги бино 210 ҷойи нишаст дошта, дар он барои баргузор кардани барномаҳои гуногуни консертӣ ва маҳфилҳои бошукӯҳи фарҳангӣ шароит фароҳам оварда шудааст.Гуфта шудааст, ки минбаъд аҳли санъату фарҳанги ноҳия чорабиниҳои фарҳангиро дар ҳамин бино барпо менамоянд.Айни замон дар филармонияи мардумии ба номи Одина Ҳошими ноҳияи Мир Сайид Алии Ҳамадонӣ 26 нафар фаъолият мекунанд, ки бештари онҳо ҳунармандони касбӣ ва ҷавонони боистеъдод мебошанд.
https://sputnik.tj/20211001/emomali-rahmon-ba-khatlon-raft-1042591186.html
мир саид алии ҳамадонӣ
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
тоҷикистон, эмомалӣ раҳмон, ҳамадонӣ, филармония, одина ҳошим, номгузорӣ
тоҷикистон, эмомалӣ раҳмон, ҳамадонӣ, филармония, одина ҳошим, номгузорӣ
Арҷгузорӣ: Раҳмон филармонияи Ҳамадониро ба номи Одина Ҳошим гузошт
11:50 01.10.2021 (Навсозишуда: 12:20 01.10.2021) Дар шаҳраки Москваи ноҳияи Мир Сайид Алии Ҳамадонӣ филармонияи мардумии ба номи Одина Ҳошим пурра таъмиру навсозӣ шуд
ДУШАНБЕ, 1 окт — Sputnik. Эмомалӣ Раҳмон, раисҷумҳури Тоҷикистон зимни сафари кориаш ба ноҳияи Мир Сайид Алии Ҳамадонӣ аз филармонияи мардумии ба номи Одина Ҳошим, ки тоза таъмиру навсозӣ шудааст, дидан кард.
Дафтари матбуотии раисҷумҳур иттилоъ додааст, ки ин муассисаи фарҳангӣ дар ноҳияи Мир Сайид Алии Ҳамадонӣ бо саҳми соҳибкорони ватанӣ ва шахсони саховатпеша таъмиру навсозӣ шудааст.
“Бо мақсади арҷгузорӣ ба хидматҳои арзишманди Ҳофизи халқии Тоҷикистон, шодравон Одина Ҳошим дар рушду нумуи санъату фарҳанги миллӣ ва эҳтирому қадршиносӣ аз ин шахсияти шинохта бо дастури Эмомалӣ Раҳмон филармонияи мардумӣ ба номи ӯ гузошта шуд”,-қайд кардааст манбаъ.
Ҳамзамон иттилоъ дода шудааст, ки дар як гӯшаи бинои филармонияи мардумӣ осорхона таъсис ёфта, дар он маҳсули офаридаҳои ҳунарманди зиндаёд Одина Ҳошим, созҳои мусиқӣ, аксҳо аз сафарҳои ҳунарӣ ва либосҳои ӯ ҷамъоварӣ ва ба намоиш гузошта шудаанд.
“Ҳар нафаре, ки ба ин бино ворид мегардад, нахуст аз осорхона дидан карда, баъдан аз тамошои барномаҳои ҷолибу хотирмони фарҳангӣ ғизои маънавӣ мегирад”,-хабар додааст дафтари матбуотии раёсатҷумҳурӣ.
Зикр шудааст, ки толори бузурги бино 210 ҷойи нишаст дошта, дар он барои баргузор кардани барномаҳои гуногуни консертӣ ва маҳфилҳои бошукӯҳи фарҳангӣ шароит фароҳам оварда шудааст.
Гуфта шудааст, ки минбаъд аҳли санъату фарҳанги ноҳия чорабиниҳои фарҳангиро дар ҳамин бино барпо менамоянд.
Айни замон дар филармонияи мардумии ба номи Одина Ҳошими ноҳияи Мир Сайид Алии Ҳамадонӣ 26 нафар фаъолият мекунанд, ки бештари онҳо ҳунармандони касбӣ ва ҷавонони боистеъдод мебошанд.
