Раиси Донишгоҳи Кобул гуфт, занон дар хона бимонанд: Зан модар, хоҳар ва ҳамсар аст
15:20 29.09.2021 (Навсозишуда: 15:43 29.09.2021)
Обуна шудан
Раиси Донишгоҳи Кобул зимни такзиби гузориши “The New York Times” дар бораи маҳрумияти занон аз таҳсил гуфт: "Занон то фароҳам шудани шароит дар хона бимонанд"
ДУШАНБЕ, 29 сен — Sputnik. Муҳаммад Ашраф Ғайрат, раиси Донишгоҳи Кобул гуфт, ки рӯзномаи “The New York Times” суханони ӯро нодуруст тафсир кардааст ва афзуд, занон то замоне ки шароит фароҳам шавад, бояд дар хона бимонанд, иттилоъ додааст Sputnik Афғонистон.
"То замоне ки шароити исломӣ дар донишгоҳ ҳукмфармо нест, беҳтар аст, ки занон дар хона бимонанд",-афзуд раиси Донишгоҳи Кобул.
Вай инчунин дар твитҳои дигар навишт, ки зан модар аст, зан хоҳар аст, зан ҳамсар аст.
زن مادر است، زن خواهر است، زن همسر است.
— Mohammad Ashraf Ghairat محمد اشرف غیرت (@MAshrafGhairat) September 28, 2021
ما به خواهران خود احترام داریم و به تامین تمام حقوق شان در چوکات اسلام متعهد هستیم.
“Мо хоҳарони худро эҳтиром мекунем ва уҳдадорем, ки тамоми ҳуқуқи онҳоро дар доираи ислом таъмин кунем”,-гуфт ӯ.
Ёдрас менамоем, қаблан рӯзномаи “The New York Times” навишта буд, ки раиси нави Донишгоҳи Кобул маҳдудиятҳо дар нисбати занонро боз ҳам шадидтар карда, гуфтааст, ки занон ба уновони устод ё донишҷӯй аз ҳаққи кору таҳсил дар ин донишгоҳ маҳрум хоҳанд буд.
A bad misunderstanding of my words by the New York Times. I haven't said that we will never allow women to attend universities or go to work, I meant that until we create an Islamic environment, women will have to stay at home. We work hard to creat safe Islamic environment soon. https://t.co/7Yrdtd3GKL
— Mohammad Ashraf Ghairat محمد اشرف غیرت (@MAshrafGhairat) September 28, 2021
Расонаҳои амрикоӣ иддао доранд, ки "Толибон" ҳангоми ба қудрат расидан ваъда дода буданд, ки бар ҳуқуқи занон эҳтиром хоҳанд кард. Аммо ахиран раҳбарони “Толибон”* як кобинаеро муаррифӣ кард, ки дар он зане ҳам дида намешавад. Ҳамчунин ҳукумати нав ба далели нигарониҳои амниятӣ бозгашти занонро ба кор манъ кард.
Ду ҳафта пеш “Толибон”* Муҳаммад Ашраф Ғайрати 34-соларо раиси Донишгоҳи Кобул таъйин кард.
“The New York Times” навишта буд, ки ҳафтаи гузашта иттифоқи омӯзгорони Афғонистон ба нишони эътироз ба ин таъйинот ба ҳукумати муваққатии “Толибон”* нома фиристоданд, ки ин қарорашро бекор намояд.
Аммо дар мусоҳиба бо рӯзномаи амрикоӣ оқои Ғайрат нигарониҳо дар бораи таъйин шуданашро рад кард ва гуфт: "Ман ҳанӯз оғоз накардаам. Онҳо аз куҷо медонанд, ки ман мувофиқат мекунам ё на? Иҷоза диҳед, замон қазоват кунад".
