https://sputnik.tj/20210924/pilot-afghoniston-tojikiston-darmondaand-1042470294.html
“Касе намепурсад”: пилотҳои Афғонистон дар Тоҷикистон дармондаанд
“Касе намепурсад”: пилотҳои Афғонистон дар Тоҷикистон дармондаанд
Sputnik Тоҷикистон
Халабонҳое, ки аз Афғонистон ба Тоҷикистон фирор кардаанд, ҳанӯз ҳам дар бесарнавиштӣ ба сар мебаранд. Манобеъ мегӯянд, онҳо мушкили асноду дигар расмиёт доранд
2021-09-24T11:07+0500
2021-09-24T11:07+0500
2021-09-24T14:38+0500
дар тоҷикистон
афғонистон
гурезаҳо
халабон
марзи тоҷикистону афғонистон: ҳоло чӣ рух дода истодааст?
https://cdnn1.img.sputnik.tj/img/102281/97/1022819714_0:320:3072:2048_1920x0_80_0_0_e8fffdc9bb86faa0eab2c4b926578b63.jpg
ДУШАНБЕ, 24 сен — Sputnik. Аксари ин халабонҳо 15 августи соли равон дар пайи суқути шаҳри Кобул ба дасти “Толибон”* бо 16 ҳавопаймои ҷангиву мулкӣ ба Тоҷикистон фирор карда буданд. Як манбаъ дар ҳукумати Тоҷикистон ба Sputnik Тоҷикистон гуфт, пилотҳое, ки дар қаламрави Тоҷикистон паноҳ бурдаанд, бидуни виза ва дигар аснод мебошанд, аз ин хотир ҳузурашон дар кишвар тӯлонӣ шудааст. Қаблан "Reuters", як хабаргузории бритониёӣ бо истинод ба сабтҳое аз ин халабонҳо ва хешовандони онҳо хабар дод, ки будубошашон дар ин кишвар "тӯл кашидааст". Онҳо аз Амрико хостаанд, ки онҳоро ба Иёлоти Муттаҳида интиқол диҳад, аммо беш аз як моҳ аст, ки аз он сӯ посухе нарасидааст. Ин хабаргузорӣ аз ҳузур ва нигаҳдории ҳудуди 150 шаҳрванди Афғонистон дар осоишгоҳе берун аз Душанбе хабар дода гуфтааст, пас аз он ки низомиён аз кишвар фирор карда, ба Душанбе меоянд, телефонҳои мобилии онҳо гирифтаву тамос бо хонаводаҳояшон маҳдуд карда мешавад. Ба гуфтаи низомиёни афғон, мақомоти Тоҷикистон ҳангоми гирифтани телефонҳо гуфтаанд, ки ин кор ба хотири амнияти онҳо сурат гирифтааст ва "Толибон" аз занги онҳо ба Афғонистон метавонанд маҳалли будубошашонро тасбит кунанд. Манбаъи Sputnik Тоҷикистон дар ҳукумати Тоҷикистон мегӯяд, мушкили аслии ин халабонҳо масъалаи аснод ва дигар ҳуҷҷатҳои будубош аст. Қаблан хабаргузории "Avia.pro" хабар дода буд, ки халабонҳои собиқи нерӯҳои ҳавоии Афғонистон дастикам 26 чархбол ва 35 ҳавопайморо аз "Толибон"* рабуда, қисмеро ҳам ба Тоҷикистон интиқол додаанд. Ин хабаргузорӣ гуфтааст, ки дар қаламрави кишварҳои дигар 19 чархболи "Ми-17", 7 чархболи "UH-60", 7 ҳавопаймои ҳамлаи "А-29 Тукано", 17 ҳавопаймои сабукрави "Cessna 209B" ва 11 ҳавопаймои "Pilatus-12NG" аз Афғонистон хориҷ карда шудаанд.
https://sputnik.tj/20210913/intiqol-khalabon-afghon-uzbekiston-ama-1042237869.html
афғонистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
пилот афғонистон тоҷикистон банд паноҳанда
пилот афғонистон тоҷикистон банд паноҳанда
“Касе намепурсад”: пилотҳои Афғонистон дар Тоҷикистон дармондаанд
11:07 24.09.2021 (Навсозишуда: 14:38 24.09.2021) Халабонҳое, ки аз Афғонистон ба Тоҷикистон фирор кардаанд, ҳанӯз ҳам дар бесарнавиштӣ ба сар мебаранд. Манобеъ мегӯянд, онҳо мушкили асноду дигар расмиёт доранд
ДУШАНБЕ, 24 сен — Sputnik. Аксари ин халабонҳо 15 августи соли равон дар пайи суқути шаҳри Кобул ба дасти “Толибон”* бо 16 ҳавопаймои ҷангиву мулкӣ ба Тоҷикистон фирор карда буданд.
Як манбаъ дар ҳукумати Тоҷикистон ба Sputnik Тоҷикистон гуфт, пилотҳое, ки дар қаламрави Тоҷикистон паноҳ бурдаанд, бидуни виза ва дигар аснод мебошанд, аз ин хотир ҳузурашон дар кишвар тӯлонӣ шудааст.
“Онҳо аз хавфи ҷони худ тарки Ватан карданд ва мақомоти Тоҷикистон ба хотири риояи принсипҳои инсондӯстӣ ва ҳусни ҳамсоядорӣ ба онҳо иҷоза доданд, ки вориди хоки кишвар шаванд. Ҳеҷ кишваре ҳам омода нашудааст, ки онҳоро бипазирад. Агар онҳо мехоҳанд Тоҷикистонро тарк кунанд, роҳе ба ҷуз бозгашт ба Афғонистон надоранд”,-гуфт ин манбаъ.
Қаблан "Reuters", як хабаргузории бритониёӣ бо истинод ба сабтҳое аз ин халабонҳо ва хешовандони онҳо хабар дод, ки будубошашон дар ин кишвар "тӯл кашидааст".
Онҳо аз Амрико хостаанд, ки онҳоро ба Иёлоти Муттаҳида интиқол диҳад, аммо беш аз як моҳ аст, ки аз он сӯ посухе нарасидааст.
Ин хабаргузорӣ аз ҳузур ва нигаҳдории ҳудуди 150 шаҳрванди Афғонистон дар осоишгоҳе берун аз Душанбе хабар дода гуфтааст, пас аз он ки низомиён аз кишвар фирор карда, ба Душанбе меоянд, телефонҳои мобилии онҳо гирифтаву тамос бо хонаводаҳояшон маҳдуд карда мешавад.
Ба гуфтаи низомиёни афғон, мақомоти Тоҷикистон ҳангоми гирифтани телефонҳо гуфтаанд, ки ин кор ба хотири амнияти онҳо сурат гирифтааст ва "Толибон" аз занги онҳо ба Афғонистон метавонанд маҳалли будубошашонро тасбит кунанд. Манбаъи Sputnik Тоҷикистон дар ҳукумати Тоҷикистон мегӯяд, мушкили аслии ин халабонҳо масъалаи аснод ва дигар ҳуҷҷатҳои будубош аст.
“Як шаҳрванди хориҷӣ бидуни ҳуҷҷат наметавонад дар Тоҷикистон аз ҷое ба ҷое ҳаракат кунад. Расидагӣ ҳам ба умури онҳо кори мушкилест, аммо қазияи онҳо дар ҳоли баррасӣ аст”,-гуфт манбаъ.
Қаблан хабаргузории "Avia.pro" хабар дода буд, ки халабонҳои собиқи нерӯҳои ҳавоии Афғонистон дастикам 26 чархбол ва 35 ҳавопайморо аз "Толибон"* рабуда, қисмеро ҳам ба Тоҷикистон интиқол додаанд.
Ин хабаргузорӣ гуфтааст, ки дар қаламрави кишварҳои дигар 19 чархболи "Ми-17", 7 чархболи "UH-60", 7 ҳавопаймои ҳамлаи "А-29 Тукано", 17 ҳавопаймои сабукрави "Cessna 209B" ва 11 ҳавопаймои "Pilatus-12NG" аз Афғонистон хориҷ карда шудаанд.
