https://sputnik.tj/20210919/moshin-ducharkha-davat-raisi-kumita-tojikiston-1042362208.html
Аз мошин ба дучарха: даъвати раиси Кумита аз тоҷикистониён
Аз мошин ба дучарха: даъвати раиси Кумита аз тоҷикистониён
Sputnik Тоҷикистон
Баҳодур Шерализода, раиси Кумитаи ҳифзи муҳити зисти Тоҷикистон, аз мардуми кишвар даъват намуд, ки аз истифодаи мошин ба дучарха гузаранд
2021-09-19T18:00+0500
2021-09-19T18:00+0500
2021-09-19T18:00+0500
дар тоҷикистон
иҷтимоъ
кумитаи ҳифзи муҳити зист
таъсир
гармшавии иқлим
https://cdnn1.img.sputnik.tj/img/103141/58/1031415854_0:158:3001:1846_1920x0_80_0_0_64af4a017081d85395c8b306e2217088.jpg
ДУШАНБЕ, 19 сен — Sputnik. Раиси Кумитаи ҳифзи муҳити зисти Тоҷикистон мегӯяд, барои ҷилавгирӣ аз тағйири иқлиму пешгирии ифлосшавии муҳити атроф, ҳар нафар бояд корро аз худ оғоз кунад. Шерализода ниҳоди таҳти идораи худро мисол овард, ки дар саҳни даромадгоҳи Кумита барои велосипедҳо таваққуфгоҳ бунёд намуда, истифодаи дучархаро бар мошин тарҷеҳ медиҳанд. Ӯ инчунин зарур хонд, ки дар нуқтаҳои хизматрасонӣ, аз ҷумла ошхонаҳо, шаҳрвандон аз истифодаи маводи яккарата худдорӣ намоянд. Шерализода афзуд, ки ҳамзамон, дар минтақаҳои селфуро корҳои соҳилмустаҳкамкунӣ, тоза кардани каналҳо, насб намудани иншооти муҳофизатӣ, зиёд кардани майдони дарахтзор ва ғайраҳо зарур аст. Ба иттилои вай, Тоҷикистон аз рӯйи партови гази карбон ба атмосфера дар ҷаҳон ҷойи 135-умро мегирад ва ҳиссаи кишвар дар минтақаи Осиёи Марказӣ камтар аз 3 дарсадро ташкил медиҳад, аммо бо вуҷуд дар феҳрасти осебпазиртаринҳо аз тағйирёбии иқлим қарор дорад. Дар тавзеҳи зарари тағйирёбии иқлим ба Тоҷикистон, Шерализода зикр намуд, ки баландшавии ҳарорати ҳаво ва зиёдшавии боришот ба соҳаҳои энергетика, кишоварзӣ ва нақлиёт таъсири манфӣ хоҳад расонд. Ӯ бо такя ба ҳисоботи Бонки ҷаҳонӣ, иттилоъ додаст, ки давоми солҳои 1992 – 2006 аз ҳисоби ноустувории вазъи ҳаво Тоҷикистон ба маблағи 1,8 миллиард доллари ИМА хисороти иқтисодӣ дида, зиёда аз 7 миллион нафар аҳолӣ зарар диданд.
https://sputnik.tj/20210919/hukumat-tojikiston-istifoda-zarf-borjoma-plastiki-1042359851.html
Sputnik Тоҷикистон
info@sputnik.tj
+74956456601
MIA „Rosiya Segodnya“
2021
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
дучарха, ҳарорат, кумитаи ҳифзи муҳити зист, таъсир
дучарха, ҳарорат, кумитаи ҳифзи муҳити зист, таъсир
Аз мошин ба дучарха: даъвати раиси Кумита аз тоҷикистониён
Баҳодур Шерализода, раиси Кумитаи ҳифзи муҳити зисти Тоҷикистон, аз мардуми кишвар даъват намуд, ки аз истифодаи мошин ба дучарха гузаранд
ДУШАНБЕ, 19 сен — Sputnik. Раиси Кумитаи ҳифзи муҳити зисти Тоҷикистон мегӯяд, барои ҷилавгирӣ аз тағйири иқлиму пешгирии ифлосшавии муҳити атроф, ҳар нафар бояд корро аз худ оғоз кунад.
Шерализода ниҳоди таҳти идораи худро мисол овард, ки дар саҳни даромадгоҳи Кумита барои велосипедҳо таваққуфгоҳ бунёд намуда, истифодаи дучархаро бар мошин тарҷеҳ медиҳанд.
"Ин маънои онро дорад, ки ҳар яки мо бояд рондани автомобилро, ки яке аз манбаъҳои асосии ифлосшавии ҳаво ва муҳити зист мебошад, камтар истифода барем", - изҳор доштаст Шерализода дар суҳбат бо нашрияи "Ҷумҳурият".
Ӯ инчунин зарур хонд, ки дар нуқтаҳои хизматрасонӣ, аз ҷумла ошхонаҳо, шаҳрвандон аз истифодаи маводи яккарата худдорӣ намоянд. Шерализода афзуд, ки ҳамзамон, дар минтақаҳои селфуро корҳои соҳилмустаҳкамкунӣ, тоза кардани каналҳо, насб намудани иншооти муҳофизатӣ, зиёд кардани майдони дарахтзор ва ғайраҳо зарур аст.
Ба иттилои вай, Тоҷикистон аз рӯйи партови гази карбон ба атмосфера дар ҷаҳон ҷойи 135-умро мегирад ва ҳиссаи кишвар дар минтақаи Осиёи Марказӣ камтар аз 3 дарсадро ташкил медиҳад, аммо бо вуҷуд дар феҳрасти осебпазиртаринҳо аз тағйирёбии иқлим қарор дорад.
Дар тавзеҳи зарари тағйирёбии иқлим ба Тоҷикистон, Шерализода зикр намуд, ки баландшавии ҳарорати ҳаво ва зиёдшавии боришот ба соҳаҳои энергетика, кишоварзӣ ва нақлиёт таъсири манфӣ хоҳад расонд.
Ӯ бо такя ба ҳисоботи Бонки ҷаҳонӣ, иттилоъ додаст, ки давоми солҳои 1992 – 2006 аз ҳисоби ноустувории вазъи ҳаво Тоҷикистон ба маблағи 1,8 миллиард доллари ИМА хисороти иқтисодӣ дида, зиёда аз 7 миллион нафар аҳолӣ зарар диданд.
