“Дзюдо”, “дизюдо” ё “ҷудо”? раиси Кумитаи забон гуфт, кадоме дуруст аст

© Sputnik Председатель Комитета по языку и терминологии Олимджон Мухаммаджонзода
Председатель Комитета по языку и терминологии Олимджон Мухаммаджонзода - Sputnik Тоҷикистон, 1920, 29.07.2021
Обуна шудан
Раиси Кумитаи забон ва истилоҳоти назди ҳукумати Тоҷикистон гузинаи дурусти номи намуди варзиши “дзюдо” – ро ном бурд
ДУШАНБЕ, 29 июл – Sputnik. Олимҷон Муҳаммадзода, ки дар нишасти матбуотии ниҳодаш суҳбат мекард, гуфт, “ҷудо” дуруст аст ва “дзюдо”-ву дигар гузинаҳо дуруст нестанд.
“Ман ба ин назарам, ки агар мо шакли дурусти як калимаро иқтибос карданӣ бошем, бояд ба асли он бингарем. “Ҷудо” калимаи ҷопонӣ аст ва худи ҷопониҳо онро “ҷудо” талаффуз мекунанд. “Дзюдо” – ро мо аз забони русӣ гирифтаем. Азбаски дар забони русӣ ҳарфи “ҷ” нест, калима тағйир кардааст, аммо дар забони русӣ нишастааст. Мо имкон дорем, ки аз забони асл гирем ”, - гуфт Олимҷон
Председатель Комитета по языку и терминологии Олимджон Мухаммаджонзода - Sputnik Тоҷикистон, 1920, 29.07.2021
Чаро “ка” “ке” нашуд? – посухи раиси Кумитаи забон ва истилоҳот
Раиси Кумитаи забон ва истилоҳот гуфт, вақте дар ин ниҳод 12 ҳазор номи ҷуғрофии ҷаҳонро ба баррасӣ гирифтанд, ба ҳамон аслашон муроҷиат карданд.
“Вақте як калима тариқи забонҳои дигар меояд, маъниву талаффуз дигар мешавад. Ё ба таърихи худ бояд муроҷиат кунем, ки ин ё он ном чӣ гуна пазируфта шуда буд, он гуна, ки Маҷористону Лаҳистону дигарҳо ҳастанд. Забони инглисӣ дар худ 80% калимоти иқтибосиро ҳазм кардааст ва ҳеҷ ҷояш кам нашудааст”, - гуфт Олимҷон Муҳаммадзода.
Номбурда гуфт, мо аз калимоти иқтибосӣ, дар сурати адами онҳо дар забонамон, фирор карда наметавонем
Қаблан дар шабакаҳои иҷтимоӣ як қатор истифодабарандагон аз истифодаи калимаи “ҷудо” дар ахбори марбут ба мусобиқоти олимпии Токио интиқод карда, бархе онро ҳатто бо вожаи “ҷудо” – тақсим кардан – рабт доданд ва истифодаи онро нодуруст шумурданд.
Цветы в городе Душанбе - Sputnik Тоҷикистон, 1920, 23.07.2021
Мушкили "ц" ҳал шуд: тавзеҳи тарзи навишти калимаҳои иқтибосӣ дар қоидаҳои нави имло
Аммо иддае миёни “ҷудо” – и тоҷикӣ ва “ҷудо” – и ҷопонӣ фарқро дар задаҳое арзёбӣ мекунанд, ки дар ҳиҷои аввалу охир хоҳад омад.
Иддае ҳам дар истифодаи “дзюдо” мушкиле намебинанд ва бархе ҳам онро ба лаҳни тоҷикӣ “дизюдо” дидан мехоҳанд.
Лентаи хабарҳо
0