Графическое изображение коронавируса - Sputnik Тоҷикистон, 1920
Мавҷи сеюми коронавирус дар Тоҷикистон: охирин хабару гузоришҳо
Мақомоти Тоҷикистон 21 январи соли 2022 аз бозгашти сеюмбораи коронавирус ба кишвар хабар доданд

Ноиби раиси Душанбе ба бозор рафту аз оқибати бениқобӣ ҳушдор дод

© Дафтари матбуоти ҳукумати ДушанбеВохӯрӣ муовини раиси Душанбе Муинӣ Мавсума Муинзода бо кормандони бозори "Меҳргон"
Вохӯрӣ муовини раиси Душанбе Муинӣ Мавсума Муинзода бо кормандони бозори Меҳргон - Sputnik Тоҷикистон, 1920, 09.07.2021
Обуна шудан
Мавсума Муинӣ, муовини раиси шаҳри Душанбе дар бозори “Меҳргон” – и пойтахт аз хуруҷи коронавирус дар пайи беэътиноии шаҳрвандон ҳушдор дод
ДУШАНБЕ, 9 июл - Sputnik. Ситоди шаҳрии пешгирӣ аз интиқол ва паҳншавии бемории сироятии COVID-19 дар Душанбе, дар бозори “Меҳргон” бо кормандону фурӯшандаҳо мулоқот баргузор кард.
Тибқи иттилои шаҳрдорӣ, дар вохӯрӣ муовини раиси Душанбе Муинӣ Мавсума Муинзода изҳор дошт, ки вақтҳои охир баъзе аз сокинону меҳмонони пойтахт нисбат ба саломатии худ ва атрофиён беэътиноӣ зоҳир мекунанд.
“Дар ҷойҳои ҷамъиятӣ, маконҳои серодам, бозору марказҳои савдо, боғу гулгашт ва нақлиёти ҷамъиятӣ аз ниқобҳои муҳофизатӣ тамоман истифода намебаранд, ки чунин муносибат дар ниҳоят ба хуруҷи мавҷи навбатии бемории сироятии коронавируси COVID-19 оварда мерасонад”, - ҳушдор дод Мӯинӣ.
Манбаъ афзуд, гурӯҳҳои корӣ дар тамоми бозору марказҳои савдо, боғу гулгаштҳо маълум кард, ки шумораи зиёди сокинон ва масълину фурӯшандагон аз ниқоб истифода намекунанд.
Ҳунарманди мардумии Тоҷикистон Қурбоналӣ Раҳмон - Sputnik Тоҷикистон, 1920, 09.07.2021
Хушхабар: ҳунарманд Қурбоналӣ Раҳмон ба ҳуш омад
Таъкид гардид, ки дар шаҳри Душанбе тадбирҳо ҷиҳати риояи қоидаҳои беҳдоштӣ ва истифодаи ҳатмии ниқоб бояд пурзӯр карда шаванд.
Ситоди шаҳрӣ оид ба пешгирӣ аз интиқол ва паҳншавии бемории сироятии COVID-19 дар шаҳри Душанбе аз тамоми сокинон ва меҳмонони пойтахт хоҳиш ва талаб менамояд, ки нисбат ба саломатии худ ва наздиконашон бепарвоӣ зоҳир накарда, барои эмин мондан аз сирояти COVID-19 тибқи дастур ва тавсияи табибон пайваста амал намоянд.
Лентаи хабарҳо
0