https://sputnik.tj/20210627/nahustin-hatmkunandagoni-donishgoh-osiyo-markazi-umedi-oqohon-1040479750.html
Оқохони IV ба хатмкунандаҳои Донишгоҳи Осиёи Марказӣ аз ҳоли гузаштаю умедаш ба оянда гуфт
Оқохони IV ба хатмкунандаҳои Донишгоҳи Осиёи Марказӣ аз ҳоли гузаштаю умедаш ба оянда гуфт
Sputnik Тоҷикистон
Нахустин хатмкунандагони Донишгоҳи Осиёи Марказӣ дар миёни кӯҳҳои Хоруғи Тоҷикистон ва Нарини Қирғизистон хатмашонро таҷлил намуданд 27.06.2021, Sputnik Тоҷикистон
2021-06-27T22:00+0500
2021-06-27T22:00+0500
2021-06-27T22:53+0500
дар тоҷикистон
хоруғ
осиёи марказӣ
мактаб
дом
оқохон
https://cdnn1.img.sputnik.tj/img/07e5/06/1b/1040479700_0:167:3049:1882_1920x0_80_0_0_97c5b09fdb9bcea0f7e28e3ee4298f8b.jpg
ДУШАНБЕ, 27 июн - Sputnik. Дар маросими хатми нахустин гуруҳи муҳассилини Донишгоҳи Осиёи Марказӣ, ки тариқи онлайн пахш мешуд, Оқохони IV аз пайвандҳои мустаҳками фаротар аз марзҳо ва зарфиятҳои донишгоҳ гуфт. Оқохони IV тавзеҳ дод, ки сабаби ба вуҷуд омадани инҳо истиқболи ҷомеаҳо аз идеяҳо, тағйир ва пазируфтани донишмандон ва мардумон аз қишрҳои гуногун буд. “Ин навъи боз будан метавонад дарҳоро барои оянда бикушояд ва ба мо имкон медиҳад, ки ба саволҳои муҳими замон ва макони худ ҷавоб пайдо кунем”, - таъкид намуд Канслери Донишгоҳ. Ба иттилои котибот, Донишгоҳи Осиёи Марказӣ бар бунёди фалсафаи дастрасии озод фаъолият мекунад, ки дар он донишҷӯён танҳо аз тариқи лаёқат ва шоистагӣ пазируфта ва аксарияти онҳо аз ҷиҳати молиявӣ дастгирӣ мешаванд. Маъмулан 70%-и донишҷӯён зодагони минтақаҳои рустоӣ ва шаҳрҳои кучак буда, 50%-ашон духтарон мебошанд, - омадааст дар иттилоия. Дафтари матбуоти донишгоҳ иттилоъ дод, ки Содир Ҷабборов, президенти Қирғизистон дар суханронии табрикотии худ ба хатмкунандагони Донишгоҳи Осиёи Марказӣ гуфт, ояндаи ҳар кишвар аз равшанфикрон ва ҷавонони таҳсилкарда вобаста аст. Танҳо ҷомеаҳои таҳсилкарда метавонанд рақобатпазир бошанд ва дар баробари мушкилот истодагарӣ кунанд, изҳор дошт президенти Қирғизистон. Карлигаш Кусаинова, хатмкунандаи беҳтарини соли 2021 аз Канслер ва роҳбарияти Донишгоҳ барои дурнамо ва “хиради эҷоди Донишгоҳи баробар бо меъёрҳои ҷаҳонӣ дар минтақаи дурдасти Осиёи Марказӣ” изҳори ташаккур кард. Ӯ инчунин аз устодон, масъулони кор бо донишҷӯён, аъзои хонавода ва дӯстон изҳори сипос кард, ки дар ин сафар ба онҳо кумак карданд, то аз як навҷавон ба як шахси болиғ ва шуҷоъ табдил шаванд. Минтақаҳои кӯҳистони Осиёи Марказӣ дар оянда бо мушкилоти печидае ба монанди тағйирёбии иқлим, коҳиш додани фақр, рушди иқтисодӣ ва техникӣ рӯ ба рӯ мемонанд. Оқохони IV бо изҳори умед қайд кард, ки хатмкунандагон ба ҳайси сафирон ва донишомӯхтагони Донишгоҳ дар ҳалли ин мушкилот нақши махсусе хоҳанд дошт. “Ин як масъулияти хосе аст, ки ман мутмаинам шумо онро муваффақона анҷом хоҳед дод”, - изҳор дошт ӯ. Донишгоҳи Осиёи Марказӣ муассисаи омӯзишии хусусӣ, ғайритиҷоратӣ ва дунявӣ буда, аз тариқи шартномаи байналмилалӣ байни президентҳои кишварҳои Тоҷикистон, Қирғизистон, Қазоқистон Оқохони IV таъсис ёфта, имсол нахустин гуруҳи донишҷӯён онро хатм намуданд.
https://sputnik.tj/20200427/Dastrasii-roygon-ba-kitobhoi-merosi-farhangii-Donishgohi-Osiyoi-Markazi-1031139104.html
хоруғ
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, хоруғ, осиёи марказӣ, мактаб, дом, оқохон
дар тоҷикистон, хоруғ, осиёи марказӣ, мактаб, дом, оқохон
Оқохони IV ба хатмкунандаҳои Донишгоҳи Осиёи Марказӣ аз ҳоли гузаштаю умедаш ба оянда гуфт
22:00 27.06.2021 (Навсозишуда: 22:53 27.06.2021) Нахустин хатмкунандагони Донишгоҳи Осиёи Марказӣ дар миёни кӯҳҳои Хоруғи Тоҷикистон ва Нарини Қирғизистон хатмашонро таҷлил намуданд
ДУШАНБЕ, 27 июн - Sputnik. Дар маросими хатми нахустин гуруҳи муҳассилини Донишгоҳи Осиёи Марказӣ, ки тариқи онлайн пахш мешуд, Оқохони IV аз пайвандҳои мустаҳками фаротар аз марзҳо ва зарфиятҳои донишгоҳ гуфт.
“Донишҷӯёни таърихи ҷаҳон ба мо ёдоварӣ мекунанд, ки Осиёи Марказӣ чи гуна ҳазор сол қабл дар заминаи дастовардҳои фарҳангӣ ва фикрӣ пештоз буд. Ин минтақа ҷойи ба вуҷуд омадани илми тиб буда, хостгоҳи номи алҷабр аст. Ҷойест, ки қутри замин андозагирӣ ва шеърҳои баландмазмуне навишта шуданд”, - изҳор дошт ӯ
Оқохони IV тавзеҳ дод, ки сабаби ба вуҷуд омадани инҳо истиқболи ҷомеаҳо аз идеяҳо, тағйир ва пазируфтани донишмандон ва мардумон аз қишрҳои гуногун буд.
“Ин навъи боз будан метавонад дарҳоро барои оянда бикушояд ва ба мо имкон медиҳад, ки ба саволҳои муҳими замон ва макони худ ҷавоб пайдо кунем”, - таъкид намуд Канслери Донишгоҳ.
Ба иттилои котибот, Донишгоҳи Осиёи Марказӣ бар бунёди фалсафаи дастрасии озод фаъолият мекунад, ки дар он донишҷӯён танҳо аз тариқи лаёқат ва шоистагӣ пазируфта ва аксарияти онҳо аз ҷиҳати молиявӣ дастгирӣ мешаванд. Маъмулан 70%-и донишҷӯён зодагони минтақаҳои рустоӣ ва шаҳрҳои кучак буда, 50%-ашон духтарон мебошанд, - омадааст дар иттилоия.
Дафтари матбуоти донишгоҳ иттилоъ дод, ки Содир Ҷабборов, президенти Қирғизистон дар суханронии табрикотии худ ба хатмкунандагони Донишгоҳи Осиёи Марказӣ гуфт, ояндаи ҳар кишвар аз равшанфикрон ва ҷавонони таҳсилкарда вобаста аст. Танҳо ҷомеаҳои таҳсилкарда метавонанд рақобатпазир бошанд ва дар баробари мушкилот истодагарӣ кунанд, изҳор дошт президенти Қирғизистон.
Карлигаш Кусаинова, хатмкунандаи беҳтарини соли 2021 аз Канслер ва роҳбарияти Донишгоҳ барои дурнамо ва “хиради эҷоди Донишгоҳи баробар бо меъёрҳои ҷаҳонӣ дар минтақаи дурдасти Осиёи Марказӣ” изҳори ташаккур кард. Ӯ инчунин аз устодон, масъулони кор бо донишҷӯён, аъзои хонавода ва дӯстон изҳори сипос кард, ки дар ин сафар ба онҳо кумак карданд, то аз як навҷавон ба як шахси болиғ ва шуҷоъ табдил шаванд.
Минтақаҳои кӯҳистони Осиёи Марказӣ дар оянда бо мушкилоти печидае ба монанди тағйирёбии иқлим, коҳиш додани фақр, рушди иқтисодӣ ва техникӣ рӯ ба рӯ мемонанд. Оқохони IV бо изҳори умед қайд кард, ки хатмкунандагон ба ҳайси сафирон ва донишомӯхтагони Донишгоҳ дар ҳалли ин мушкилот нақши махсусе хоҳанд дошт. “Ин як масъулияти хосе аст, ки ман мутмаинам шумо онро муваффақона анҷом хоҳед дод”, - изҳор дошт ӯ.
Донишгоҳи Осиёи Марказӣ муассисаи омӯзишии хусусӣ, ғайритиҷоратӣ ва дунявӣ буда, аз тариқи шартномаи байналмилалӣ байни президентҳои кишварҳои Тоҷикистон, Қирғизистон, Қазоқистон Оқохони IV таъсис ёфта, имсол нахустин гуруҳи донишҷӯён онро хатм намуданд.
