Маршал Дӯстум ба сарбозон: аз ҳар имконият барои муқобила бо гурӯҳи Толибон кор бигиред

© AP / Aijaz RahiВице-президент Афганистана генерал Абдул-Рашид Дустум, архивное фото
Вице-президент Афганистана генерал Абдул-Рашид Дустум, архивное фото - Sputnik Тоҷикистон, 1920, 27.06.2021
Обуна шудан
Маршал Абдурашид Дӯстум, муовини пешини раисҷумҳури Афғонистон дар хитоб ба тамоми сарбозон ва пайравони худ гуфт, ки аз ҳар имконият барои муқобила бо гурӯҳи Толибон (мамнӯъ дар Русия) истифода намоянд
ДУШАНБЕ, 27 июн - Sputnik. Иноятуллоҳ Бобур Фараҳманд, муовини раиси Шӯрои олии мусолиҳаи миллӣ имрӯз дар сафҳаи худ дар Твиттер навишт, ки оқои Дӯстум дар як тамоси телефонӣ ин мавзӯъро матраҳ кардааст, иттилоъ додааст Sputnik Ағонистон.
Вай навиштааст: "Маршал Абдурашид Дӯстум, раҳбари Ҳизби Ҷунбиши Миллии Афғонистон, пас аз табобат ва беҳбуди вазъи саломатияш дар Анкара, ба тамоми сарбозон ва пайравони худ ҳидоят дод, бо ҳар имкони даст дошта бар зидди Толибон биҷанганд. Вай ба ҳама муҳофизони кишвар итминон дод, ки кушиш мекунад ҳарчи зудтар бо онҳо ҳамроҳ шавад".
Бояд гуфт, ки маршал Дӯстум, ки ду ҳафта қабл дар хати нахусти набард дар Ҷӯзҷон ҳузур ёта буд, ахиран ба Туркия сафар кардааст.
Маршали узбектабори Афғонистон Абдурашид Дӯстум - Sputnik Тоҷикистон, 1920, 26.06.2021
Сӯиқасд ба Дӯстум ва писараш: харбузаи заҳрдорро ба онҳо кӣ дод?
Хабар дода мешавад, ки маршалл Дӯстум ва писари калонии ӯ Ёрмуҳаммад Дӯстум дар араёни ҳузур дар хати нахусти набард масмум (заҳролуд) шудаанд.
Манбаъҳои наздик ба маршал Дӯстум аммо то кунун дар ин бора чизе нагутаанд.
Ёдовар мешавем, ки тайи 10 рӯзи гузашта дар Афғонистон дар чор минтақаи наздимарзӣ миёни нерӯҳои ҳукуматӣ ва ҷангиёни Ҳаракати радикалии Толибон (дар Русия мамнӯъ) бархӯрд ба амал омадааст. Ҳашт ноҳия ва ду посгоҳи марзӣ таҳти назорати ҷангиён гузаштанд.
Ато Муҳаммади Нур, раҳбари Ҷамъияти исломии Афғонистон бо писараш ва низомиён - Sputnik Тоҷикистон, 1920, 27.06.2021
“Устод Ато миёнашро баст”: аввалин натиҷаҳо ва мушкилоти амалиёташ алайҳи Толибон дар Балх
Ҳамин тавр, рӯзи 21 июн як гурӯҳи Толибон ба гузаргоҳи Шерхон-Бандар дар вилояти Қундуз ҳамла кард. Шумораи умумии низомиёни афғон (маҷрӯҳ, кушта ё асир афтода) ба 100 нафар расид. 134 нафари дигар пас аз задухӯрдҳои шадид 22 июн ба қаламрави Ҷумҳурии Тоҷикистон тавассути гузаргоҳи Панҷ фирор карданд, ки миёнашон чаҳор захмӣ ва як ҳалокшуда буд.
Бо пуршиддат шудани вазъ дар Афғонистон, артиши Тоҷикистон, ки дар марз бо Афғонистон хидмат мекунад, ба режими махсуси фаъолият гузаронида шуд.
Лентаи хабарҳо
0