Аз CASA-1000 то сохтмони роҳи оҳан: баррасии рушди ҳамкориҳои Тоҷикистону Афғонистон

© Министерство Экономического Развития и Торговли Республики Таджикистан Встреча министров экономики и торговли РТ и Министра экономики Афганистана
Встреча министров экономики и торговли РТ и Министра экономики Афганистана - Sputnik Тоҷикистон, 1920, 24.06.2021
Обуна шудан
Вазирони иқтисоди ду кишвари ҳамсоя дар бораи CASA-1000 ва роҳи оҳани Тоҷикистон-Афғонистон-Туркманистон, такмили ташкили савдои наздисарҳадӣ дар Тоҷикистон мубодилаи афкор намуданд
ДУШАНБЕ, 24 июн — Sputnik. Дар Душанбе мулоқоти вазири рушди иқтисод ва савдои Тоҷикистон бо Вазири иқтисоди Афғонистон Карима Ҳамид Форёбӣ анҷом ёфт, иттилоъ додааст дафтари матбуоти вазорати рушди иқтисод ва савдои кишвар.
Бино ба иттилои манбаъ, мулоқоти мазкур дар шаҳри Душанбе дар ҳошияи Форуми иқтисодии Созмони Ҳамкории Шанхай сурат гирифт.
Манбаъ таъкид доштааст, ки Завқизода Завқӣ бо Вазири иқтисоди Афғонистон Карима Ҳамид Форёбӣ тавсеа ва рушди минбаъдаи ҳамкориҳои тиҷоративу иқтисодӣ миёни Тоҷикистону Афғонистон мавриди баррасӣ қарор дод.
Международная универсальная выставка-ярмарка Таджикистан 2019  - Sputnik Тоҷикистон, 1920, 30.03.2021
Додугирифти мол миёни Тоҷикистону Афғонистон беш аз 1,5 миллиард доллар шудааст
Оқои Завқизода қайд намудааст, ки муносибатҳои Тоҷикистону Афғонистон дар асоси принсипҳои дӯстӣ ва ҳамсоягии нек, ки аз таърихи қадимаи мо сарчашма мегиранд, асос меёбанд.
“Ин ҳамкории судманд босуръат рушд карда истодааст”, - таъкид дошт вазири рушди иқтисод ва савдои Тоҷикистон.
Ҳамзамон зимни мулоқот тарафҳо бо мақсади афзоиши гардиши савдои мутақобилаи байни кишварҳо вобаста ба таъсиси корхонаҳои муштараки саноатӣ дар минтақаҳои озоди иқтисодӣ бо ҷалби сармоягузорон аз Афғонистон ва дигар ҷонибҳои манфиатдор, мусоидат ба татбиқи сареъи хатти бузурги интиқоли барқи CASA-1000 ва роҳи оҳани Тоҷикистон-Афғонистон-Туркманистон, такмили ташкили савдои наздисарҳадӣ дар Тоҷикистон мубодилаи афкор намуданд.
Зикр шудааст, ки дар анҷоми вохӯрӣ тарафҳо омодагии худро дар робита ба роҳ мондани ҳамкориҳои мутақобилаи судманд ва татбиқи масъалаҳои қайдгардида иброз намуданд.
Лентаи хабарҳо
0