https://sputnik.tj/20210619/parlumon-paziruft-salohiyati-navi-hukumat-zaminho-dodaash-1040316727.html
Парлумон пазируфт: салоҳияти нави Ҳукумат барои бозпас гирифтани заминҳои додааш
Парлумон пазируфт: салоҳияти нави Ҳукумат барои бозпас гирифтани заминҳои додааш
Sputnik Тоҷикистон
Маҷлиси намояндагони Тоҷикистон тағйироти пешниҳодкардаи Ҳукумат ба Кодекси замини ҷумҳуриро пазируфт, ки бар асоси он Ҳукумат салоҳияти ҷадид гирифт 19.06.2021, Sputnik Тоҷикистон
2021-06-19T21:00+0500
2021-06-19T21:00+0500
2021-06-19T21:05+0500
дар тоҷикистон
иқтисод
бекор кардан
қарор
замин
ҳукумат
https://cdnn1.img.sputnik.tj/img/103067/68/1030676873_0:99:3082:1833_1920x0_80_0_0_7865989f7815927aebb20754a2b4605f.jpg
ДУШАНБЕ, 19 июн - Sputnik. Азизмамад Каримзода, муовини якуми раиси Кумитаи давлатии идораи замин ва геодезӣ, зимни шарҳи тағйирот ба Кодекс гуфт, додани замин барои эҳтиёҷоти ғайрикишоварзӣ танҳо аз ҷониби Ҳукумат амалӣ мешавад.Дар ҳолати ҷудо намудани қитъаи замин барои эҳтиёҷоти ғайрикишоварзӣ Қарори Ҳукумати Тоҷикистон “Дар бораи гирифтан ва додани қитъаи замин” қабул мешавад, гуфт ноиби раиси Кумитаи идораи замин. Чунин қарорҳо зери имзои Эмомалӣ Раҳмон, раиси Ҳукумат нашр мегарданд. Гарчанде қонунгузор додани қитъаи заминро ба салоҳияти Ҳукумати Ҷумҳурии Тоҷикистон вогузор карда бошад, ҳам қатъи ҳуқуқ ва бекор намудани карорҳои ин мақомро муқаррар накардааст, навиштааст нашрияи “Садои мардум” аз қавли Каримзода. Манбаъ афзуд, ки бо назардошти ин ҳолатҳо ба моддаи 5 Кодекси замини Тоҷикстон бандҳои “б”, “в” ва “г” илова карда мешаванд, ки ба Ҳукумат салоҳиятҳои зерин медиҳанд:Маҷлиси намояндагони Тоҷикистон дар пайи баррасии лоиҳа, тағйиру иловаҳо ба Кодекси заминро ҷонибдорӣ ва тасвиб кард.
https://sputnik.tj/20210516/hukumat-zamin-kul-javonon-shirkati-sebiston-1039476520.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, иқтисод, бекор кардан, қарор, замин, ҳукумат
дар тоҷикистон, иқтисод, бекор кардан, қарор, замин, ҳукумат
Парлумон пазируфт: салоҳияти нави Ҳукумат барои бозпас гирифтани заминҳои додааш
21:00 19.06.2021 (Навсозишуда: 21:05 19.06.2021) Маҷлиси намояндагони Тоҷикистон тағйироти пешниҳодкардаи Ҳукумат ба Кодекси замини ҷумҳуриро пазируфт, ки бар асоси он Ҳукумат салоҳияти ҷадид гирифт
ДУШАНБЕ, 19 июн - Sputnik. Азизмамад Каримзода, муовини якуми раиси Кумитаи давлатии идораи замин ва геодезӣ, зимни шарҳи тағйирот ба Кодекс гуфт, додани замин барои эҳтиёҷоти ғайрикишоварзӣ танҳо аз ҷониби Ҳукумат амалӣ мешавад.
Дар ҳолати ҷудо намудани қитъаи замин барои эҳтиёҷоти ғайрикишоварзӣ Қарори Ҳукумати Тоҷикистон “Дар бораи гирифтан ва додани қитъаи замин” қабул мешавад, гуфт ноиби раиси Кумитаи идораи замин. Чунин қарорҳо зери имзои Эмомалӣ Раҳмон, раиси Ҳукумат нашр мегарданд.
“Ҳолатҳое ба вуҷуд меоянд, ки қитъаи замини додашуда аз ҷониби шахсони воқеӣ ва ҳуқуқӣ мувофиқи таъинот ва ё мақсади ҷудо кардашудаи қарори Ҳукумати Тоҷикистон истифода намегардад. Дар ин ҳолат зарурати беэътибор донистани қарор пайдо мешавад”, - изҳор дошт Каримзода.
Гарчанде қонунгузор додани қитъаи заминро ба салоҳияти Ҳукумати Ҷумҳурии Тоҷикистон вогузор карда бошад, ҳам қатъи ҳуқуқ ва бекор намудани карорҳои ин мақомро муқаррар накардааст, навиштааст нашрияи “Садои мардум” аз қавли Каримзода.
Манбаъ афзуд, ки бо назардошти ин ҳолатҳо ба моддаи 5 Кодекси замини Тоҷикстон бандҳои “б”, “в” ва “г” илова карда мешаванд, ки ба Ҳукумат салоҳиятҳои зерин медиҳанд:
б) беэътибор донистани қарори Ҳукумати Ҷумҳурии Тоҷикистон дар бораи гирифтан ва додани қитъаи замин дар сурати тибқи таъиноти дар он пешбинишуда истифода нашудани қитъаи замин;
в) ҳар сол тасдиқ намудани ҳисобот оид ба заминҳои мавҷуда, тақсимоти онҳо аз рӯи гурӯҳҳо, намудҳо ва заминистифодабарандагони ҷумҳурӣ;
г) тасдиқ намудани натиҷаи баҳисобгирии давлатии масоҳати замин дар ҳудуди маъмурии шаҳру ноҳияҳо.
Маҷлиси намояндагони Тоҷикистон дар пайи баррасии лоиҳа, тағйиру иловаҳо ба Кодекси заминро ҷонибдорӣ ва тасвиб кард.
