https://sputnik.tj/20210616/dovar-tojik-olimpiada-tokio-2020-davat-1040237986.html
Довари тоҷик ба Олимпиадаи Токио - 2020 даъват шуд
Довари тоҷик ба Олимпиадаи Токио - 2020 даъват шуд
Sputnik Тоҷикистон
Даъвати мутахассиси тоҷик барои доварии сабқати олимпии бокс бори аввал аст
2021-06-16T13:02+0500
2021-06-16T13:02+0500
2021-06-16T13:14+0500
дар тоҷикистон
навигариҳои варзиши тоҷикистон
довар
бокс
муштзанӣ
https://cdnn1.img.sputnik.tj/img/07e5/06/10/1040237729_0:0:750:423_1920x0_80_0_0_560c17d2c4ea4bf70b014ebc573722cb.png
ДУШАНБЕ, 16 июн — Sputnik. Довари дараҷаи байналмилалӣ дар риштаи бокс аз Тоҷикистон, Мансур Муҳиддинов мусобиқоти боксро дар Бозиҳои олимпии Токио-2020 ҳакамӣ мекунад, иттилоъ дод Кумитаи миллии олимпӣ. Ба иттилои Кумита, ин рӯйдод бори аввал дар таърихи бокси кишвар аст. Манбаъ афзуд, ки Муҳиддинов аз ҷониби гурӯҳи махсуси Кумитаи байналмилалии олимпӣ оид ба бокс ба мусобиқаҳои интихобии олимпии Африқо ва Аврупо даъват шуда, маҳорати баланди ҳакамӣ нишон дод ва дар баробари 36 нафар ба Бозиҳои олимпии Токио-2020 даъват гардид. Ба гуфтаи Мансур Муҳиддинов аз кишварҳои ИДМ 5 нафар ба Олимпиада даъват шуданд, ки инҳо доварон аз Русия, Украина, Озарбойҷон, Қазоқистон ва Тоҷикистон мебошанд. Кумита дар мавриди Мансур Муҳиддинов иттилоъ додааст, ки ӯ соли 1977 таваллуд шуда, аз соли 1991 ба бокс машғул мебошад. Зикр шудааст, ки 10 сол ҳамчун варзишгар, аз ҷумла 5 сол узви дастаи мунтахаби кишвар оид ба бокс дар мусобиқаҳо иштирок карда, соҳиби ҷоизаҳо шудааст. Манбаъ афзуд, ки Муҳиддинов аз соли 2001 ба кори мураббигӣ ва доварӣ гузашт. Соли 2010 ситораи дараҷаи 1-и Ассотсиатсияи байналмилалии бокси ҳаваскориро (AIBA) гирифт. Пас аз ҳафт сол имтиҳон супорида, ситораи дараҷаи 2 ва соли 2018 ситораи дараҷаи 3 (довари дараҷаи олимпӣ)-ро ба даст овард, илова намуд Кумитаи миллии олимпӣ.
https://sputnik.tj/20191231/To-1500-dollar-har-moh-taini-kumakpuli-baroi-lizharonu-mushtzanhoi-tojik-1030483199.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
довар, тоҷик, олимпиада, кумитаи миллии олимпии тоҷикистон
довар, тоҷик, олимпиада, кумитаи миллии олимпии тоҷикистон
Довари тоҷик ба Олимпиадаи Токио - 2020 даъват шуд
13:02 16.06.2021 (Навсозишуда: 13:14 16.06.2021) Даъвати мутахассиси тоҷик барои доварии сабқати олимпии бокс бори аввал аст
ДУШАНБЕ, 16 июн — Sputnik. Довари дараҷаи байналмилалӣ дар риштаи бокс аз Тоҷикистон, Мансур Муҳиддинов мусобиқоти боксро дар Бозиҳои олимпии Токио-2020 ҳакамӣ мекунад, иттилоъ дод Кумитаи миллии олимпӣ.
Ба иттилои Кумита, ин рӯйдод бори аввал дар таърихи бокси кишвар аст. Манбаъ афзуд, ки Муҳиддинов аз ҷониби гурӯҳи махсуси Кумитаи байналмилалии олимпӣ оид ба бокс ба мусобиқаҳои интихобии олимпии Африқо ва Аврупо даъват шуда, маҳорати баланди ҳакамӣ нишон дод ва дар баробари 36 нафар ба Бозиҳои олимпии Токио-2020 даъват гардид.
Ба гуфтаи Мансур Муҳиддинов аз кишварҳои ИДМ 5 нафар ба Олимпиада даъват шуданд, ки инҳо доварон аз Русия, Украина, Озарбойҷон, Қазоқистон ва Тоҷикистон мебошанд.
Кумита дар мавриди Мансур Муҳиддинов иттилоъ додааст, ки ӯ соли 1977 таваллуд шуда, аз соли 1991 ба бокс машғул мебошад. Зикр шудааст, ки 10 сол ҳамчун варзишгар, аз ҷумла 5 сол узви дастаи мунтахаби кишвар оид ба бокс дар мусобиқаҳо иштирок карда, соҳиби ҷоизаҳо шудааст.
Манбаъ афзуд, ки Муҳиддинов аз соли 2001 ба кори мураббигӣ ва доварӣ гузашт. Соли 2010 ситораи дараҷаи 1-и Ассотсиатсияи байналмилалии бокси ҳаваскориро (AIBA) гирифт.
Пас аз ҳафт сол имтиҳон супорида, ситораи дараҷаи 2 ва соли 2018 ситораи дараҷаи 3 (довари дараҷаи олимпӣ)-ро ба даст овард, илова намуд Кумитаи миллии олимпӣ.
