Халилзод: Амрико Афғонистонро танҳо намегузорад

© REUTERS \ Ibraheem al OmariАмеркианский дипломат Залмай Халилзад во время переговоров между правительством Афганистана и движением "Талибан" (запрещено в РФ) в Катаре
Амеркианский дипломат Залмай Халилзад во время переговоров между правительством Афганистана и движением Талибан (запрещено в РФ) в Катаре - Sputnik Тоҷикистон, 1920, 14.06.2021
Обуна шудан
Фиристодаи хоси Амрико дар умури Афғонистон Залмай Халилзод ахиран эълон кардааст, ки нерӯҳои мусаллаҳи Иолоти Муттаҳида имсол аз хоки Афғонистон берун мешаванд, вале Амрико ин кишварро тарк намекунад
ДУШАНБЕ, 14 июн – Sputnik. Ахиран дар шаҳри Нурсултони Қазоқистон Залмай Халилзод ба рӯзноманигорон роҷеъ ба раванди музокироти сулҳ дар Афғонистонро шарҳ дод, иттилоъ додааст “Интерфакс”.
Залмай Халилзод таъкид доштааст, ки Иёлоти Муттаҳида бо кишварҳои Осиёи Марказӣ, аз ҷумла Қазоқистон, дар бораи имкони ҳифзи иқтидори худ дар минтақа пас аз хуруҷи нерӯҳо аз Афғонистон гуфтушунид доранд.
Гумпомощь из Узбекистана - Sputnik Тоҷикистон, 1920, 14.06.2021
Ӯзбекистон ба Афғонистон барои пешгирӣ аз коронавирус кумаки башардӯстона ирсол кард
Ба гуфтаи Халилзод, дар ҳоли ҳозир ҳамкорӣ бо кишварҳои минтақа, аз ҷумла Қазоқистон, дар робита ба мубориза бо терроризм ва рушди иқтисодӣ дар Афғонистон баррасӣ мешавад.
“Дар ҳоли ҳозир, ҳеҷ чизи гуфта намешавад, аммо ман мехоҳам бигӯям, ки музокироту гуфтушунидҳо идома доранд ва Иёлоти Муттаҳида тасмим гирифтааст, ки дар минтақа имконияте дошта бошад, ки амнияти миллии худро ҳифз кунад ва инчунин бо дигар кишварҳо роҷеъ ба манфиатҳои тарафайн ҳамкорӣ намояд ", - гуфт ӯ.
Бояд қайд кард, ки то 11-уми сентябр нерӯҳои эътилофи байналмилалӣ бояд қаламрави Афғонистонро тарк намоянд.
Рамазон Рахим встретился с Залмайем Халилзод, представитель США по Афганистану  - Sputnik Тоҷикистон, 1920, 05.10.2020
Залмай Халилзод бо милитсионери №1 Тоҷикистон чӣ масъаларо баррасӣ кард?
Афзоиши хушунат ва бунбаст дар музокироти сулҳи ҳукумат ва гурӯҳи шӯришии Толибони суолҳои зиёдеро дар мавриди сарнавишти ояндаи Афғонистон ба миён гузоштааст.
Ин дар ҳолест, ки Ҷо Байден, раисҷумҳури Амрико ахиран эълон кард, ки, барномаи кумаки башарӣ ба Афғонистон идома меёбад.
Департаменти давлатии Амрико ёдрас шудааст, ки аз соли 2002-ум то кунун Амрико ба Афғонистон ба маблағи тахминан 3 миллиарду 900 миллион доллар ёрӣ расонааст.
Лентаи хабарҳо
0