https://sputnik.tj/20210508/putin-munoqisha-marzi-tojikon-qirghizho-mirziyoev-barrasi-1039316075.html
Путин муноқишаи марзии тоҷикону қирғизҳоро бо Мирзиёев баррасӣ кард
Путин муноқишаи марзии тоҷикону қирғизҳоро бо Мирзиёев баррасӣ кард
Sputnik Тоҷикистон
Владимир Путин, раисиҷумҳури Русия, бо ҳамтои ӯзбекистонияш Шавкат Мирзиёев муноқишаи ахир дар марзи Тоҷикистону Қирғизистонро баррасӣ кардаанд
2021-05-08T01:00+0500
2021-05-08T01:00+0500
2021-05-08T01:18+0500
амният ва мудофиа
дар русия
дар тоҷикистон
қирғизистон
ӯзбекистон
осиёи марказӣ
марз
путин
https://cdnn1.img.sputnik.tj/img/103120/54/1031205410_0:0:2273:1279_1920x0_80_0_0_93ac7dd91be8a7108856fe0edf2c73e2.jpg
ДУШАНБЕ, 8 май - Sputnik. Раисони ҷумҳуриҳои Русия ва Ӯзбекистон 7 май зимни суҳбати телефонӣ вазъ дар Осиёи Миёнаро баррасӣ карда, аз муноқишаи ахири марзии тоҷикону қирғизҳо гуфтаанд. Тибқи иттилои Кремл, Путин ва Мирзиёев дар пасманзари муноқишаҳои марзӣ, аз тавофуқоти Душанбе ва Бишкек барои ҳалли баҳсҳо тариқи сиёсӣ – дипломатӣ истиқбол кардаанд. Президентҳо омодагияшонро барои мусоидат дар муътадилсозии минбаъдаи вазъият баён доштанд, хабар дод Кремл. Соли гузашта дар пайи як даргирии марзии Тоҷикистону Қирғизистон, Сергей Лавров, вазири умури хориҷии Русия дар посух ба хабарнигорон изҳор дошта буд, ки "мо аз шариконамон даъват меорем, ки роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд".“Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳамон қадар хубтар аст”, - изҳор дошта буд Лавров.Аммо Тоҷикистону Қирғизистон ин пешниҳодро рад карда, таъкид намуда буданд, ки масоили аломатгузорию муайянсозии марз кори дохилии кишварҳост ва танҳо тариқи дуҷониба амалӣ мешавад.Аз ҷумла Тоҷикистон дар нота унвонии Русия баён дошта буд, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистон мувофиқи мақсад намедонад.Танишу созиш дар марзи Тоҷикистону ҚирғизистонВазъ дар марзи Тоҷикистону Қирғизистон 28 апрел дар пайи як баҳс сари дарғоти “Головной” шиддат гирифта, 29 апрел ба даргирии мусаллаҳона миёни низомиёни ду кишвар печид. Бар асоси иттилои расида, теъдоди қурбониён аз ҳар ду тараф 55 нафарро ташкил медиҳад. Тоҷикистон аз 19 кушта ва Қирғизистон аз ҳалокати 36 шаҳрвандаш дар ин даргирӣ хабар дод. Тибқи иттилои Кумитаи давлатии амнияти миллии Тоҷикистон, гунаҳкорони қазия шаҳрвандони Қирғизистон будаанд, ки ба сӯи тоҷиконе, ки мехостанд дар он ҷой камераҳои назоратӣ насб кунанд, санг андохтанд ва ҳатто дар ин муноқиша низомиён дар либоси мулкӣ истифода шуданд.Бишкек, дар навбати худ гуфт, ки шаҳрвандони Тоҷикистон муноқишаро ба роҳ монданд, ба сӯи ҳамсояҳояшон аз силоҳ оташ кушоданд.Феълан вазъ дар марз муътадил арзёбӣ гардида, 2 май ҳайатҳои Тоҷикистон ва Қирғизистон протоколи муштарак дар бораи делимитатсия ва демаркатсияи сарҳадро ба имзо расонданд.Тоҷикистону Қирғизистон ҳудуди 970 километр марзи муштарак доранд, ки аз ин то ҳол ҳудуди 520 километраш аломатгузорӣ шуда, боқимонда ҳанӯз ҳам номуайян мебошад.
https://sputnik.tj/20200529/Notai-Tojikiston-Lavrov-marz-kori-dokhilii-taraf-ast-1031325098.html
https://sputnik.tj/20210506/toshiev-dolon-nadodaem-voruh-guftushunid-alohida-1039302516.html
қирғизистон
ӯзбекистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
муноқиша, марз, тоҷикистон, қирғизистон
муноқиша, марз, тоҷикистон, қирғизистон
Путин муноқишаи марзии тоҷикону қирғизҳоро бо Мирзиёев баррасӣ кард
01:00 08.05.2021 (Навсозишуда: 01:18 08.05.2021) Владимир Путин, раисиҷумҳури Русия, бо ҳамтои ӯзбекистонияш Шавкат Мирзиёев муноқишаи ахир дар марзи Тоҷикистону Қирғизистонро баррасӣ кардаааст
ДУШАНБЕ, 8 май - Sputnik. Раисони ҷумҳуриҳои Русия ва Ӯзбекистон 7 май зимни суҳбати телефонӣ вазъ дар Осиёи Миёнаро баррасӣ карда, аз муноқишаи ахири марзии тоҷикону қирғизҳо гуфтаанд.
Тибқи иттилои Кремл, Путин ва Мирзиёев дар пасманзари муноқишаҳои марзӣ, аз тавофуқоти Душанбе ва Бишкек барои ҳалли баҳсҳо тариқи сиёсӣ – дипломатӣ истиқбол кардаанд. Президентҳо омодагияшонро барои мусоидат дар муътадилсозии минбаъдаи вазъият баён доштанд, хабар дод Кремл.
Соли гузашта дар пайи як даргирии марзии Тоҷикистону Қирғизистон, Сергей Лавров, вазири умури хориҷии Русия дар посух ба хабарнигорон изҳор дошта буд, ки "мо аз шариконамон даъват меорем, ки роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд".
“Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳамон қадар хубтар аст”, - изҳор дошта буд Лавров.
Аммо Тоҷикистону Қирғизистон ин пешниҳодро рад карда, таъкид намуда буданд, ки масоили аломатгузорию муайянсозии марз кори дохилии кишварҳост ва танҳо тариқи дуҷониба амалӣ мешавад.
Аз ҷумла Тоҷикистон дар нота унвонии Русия баён дошта буд, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистон мувофиқи мақсад намедонад.
Танишу созиш дар марзи Тоҷикистону Қирғизистон
Вазъ дар марзи Тоҷикистону Қирғизистон 28 апрел дар пайи як баҳс сари дарғоти “Головной” шиддат гирифта, 29 апрел ба даргирии мусаллаҳона миёни низомиёни ду кишвар печид. Бар асоси иттилои расида, теъдоди қурбониён аз ҳар ду тараф 55 нафарро ташкил медиҳад. Тоҷикистон аз 19 кушта ва Қирғизистон аз ҳалокати 36 шаҳрвандаш дар ин даргирӣ хабар дод.
Тибқи иттилои Кумитаи давлатии амнияти миллии Тоҷикистон, гунаҳкорони қазия шаҳрвандони Қирғизистон будаанд, ки ба сӯи тоҷиконе, ки мехостанд дар он ҷой камераҳои назоратӣ насб кунанд, санг андохтанд ва ҳатто дар ин муноқиша низомиён дар либоси мулкӣ истифода шуданд.
Бишкек, дар навбати худ гуфт, ки шаҳрвандони Тоҷикистон муноқишаро ба роҳ монданд, ба сӯи ҳамсояҳояшон аз силоҳ оташ кушоданд.
Феълан вазъ дар марз муътадил арзёбӣ гардида, 2 май ҳайатҳои Тоҷикистон ва Қирғизистон протоколи муштарак дар бораи делимитатсия ва демаркатсияи сарҳадро ба имзо расонданд.
Тоҷикистону Қирғизистон ҳудуди 970 километр марзи муштарак доранд, ки аз ин то ҳол ҳудуди 520 километраш аломатгузорӣ шуда, боқимонда ҳанӯз ҳам номуайян мебошад.
