https://sputnik.tj/20210506/duo-qurboniyon-mln-som-oilahoyashon-bozdid-jabborov-marz-1039290011.html
Дуо дар ҳаққи қурбониёну 1 млн сом ба оилаҳояшон: ваъдаҳои Ҷабборов дар марз бо Тоҷикистон
Дуо дар ҳаққи қурбониёну 1 млн сом ба оилаҳояшон: ваъдаҳои Ҷабборов дар марз бо Тоҷикистон
Sputnik Тоҷикистон
Содир Ҷабборов, раисиҷумҳури Қирғизистон, аз минтақаҳои осебдидаи кишвараш дар наздикии марз бо Тоҷикистон дидан карда, бо сокинон суҳбат кардааст
2021-05-06T15:23+0500
2021-05-06T15:23+0500
2021-05-06T15:24+0500
президент
қирғизистон
осиёи марказӣ
марз
муноқиша
деҳот
содир ҷабборов
https://cdnn1.img.sputnik.tj/img/07e5/05/06/1039289816_0:0:2835:1595_1920x0_80_0_0_f0f2c918ecbdc71972e080419475d993.jpg
ДУШАНБЕ, 6 май - Sputnik. Содир Ҷабборов дар деҳаи Мақсади ноҳияи Лайлаки вилояти Бодканд дар бинои харобшудаи мактаб бо сокинон мулоқот карда, шахсан дар ҳаққи ҳалокшудагони муноқишаи марзӣ дуо хонд, хабар дод котиботи президенти Қирғизистон. Ба иттилои манбаъ, Ҷабборов изҳор дошт, ки аз имрӯз ба ҷои хонаҳои тахрибшуда сохтмони биноҳои нави замонавӣ оғоз гардида, дар давоми ду моҳ мавриди истифода қарор дода хоҳанд шуд. Раисиҷумҳури Қирғизистон ба оилаҳои ҳалокшудаҳо дар марз 1 миллион сом, ҳудуди 12 ҳазор доллари амрикоӣ кумакпулӣ ваъда додааст. Инчунин маҷруҳон низ аз 50 то 100 ҳазор сом кумакпулӣ хоҳанд гирифт, омадааст дар иттилоияи котиботи раисиҷумҳур. Ҷабборов инчунин дар ноҳияи Лайлак ба сохтмони шаҳраки низомӣ санги асос гузошта, ваъда додааст, ки ояндаи наздик ба минтақаи Бодканд мақоми махсус дода хоҳад шуд. Ӯ таъкид намудааст, ки тамоми корҳои барқарорсозию кумак барои рушдро бевосита худаш назорат хоҳад кард. Танишу созиш дар марзи Тоҷикистону ҚирғизистонВазъ дар марзи Тоҷикистону Қирғизистон 28 апрел дар пайи як баҳс сари дарғоти “Головной” шиддат гирифта, 29 апрел ба даргирии мусаллаҳона миёни низомиёни ду кишвар печид. Бар асоси иттилои расида, теъдоди қурбониён аз ҳар ду тараф 55 нафарро ташкил медиҳад. Тоҷикистон аз 19 кушта ва Қирғизистон аз ҳалокати 36 шаҳрвандаш дар ин даргирӣ хабар дод. Тибқи иттилои Кумитаи давлатии амнияти миллии Тоҷикистон, гунаҳкорони қазия шаҳрвандони Қирғизистон будаанд, ки ба сӯи тоҷиконе, ки мехостанд дар он ҷой камераҳои назоратӣ насб кунанд, санг андохтанд ва ҳатто дар ин муноқиша низомиён дар либоси мулкӣ истифода шуданд.Бишкек, дар навбати худ гуфт, ки шаҳрвандони Тоҷикистон муноқишаро ба роҳ монданд, ба сӯи ҳамсояҳояшон аз силоҳ оташ кушоданд.Феълан вазъ дар марз муътадил арзёбӣ гардида, 2 май ҳайатҳои Тоҷикистон ва Қирғизистон протоколи муштарак дар бораи делимитатсия ва демаркатсияи сарҳадро ба имзо расонданд.Тоҷикистону Қирғизистон ҳудуди 970 километр марзи муштарак доранд, ки аз ин то ҳол ҳудуди 520 километраш аломатгузорӣ шуда, боқимонда ҳанӯз ҳам номуайян мебошад.
https://sputnik.tj/20210506/tojikiston-tedodi-kushtashudaho-zahmiyon-marz-1039282669.html
https://sputnik.tj/20210506/roh-voruh-oghoz-taqsimot-tafsiloti-sozish-yatimov-toshiev-sanad-1039280278.html
қирғизистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
боздид, мулоқот, ваъда, кумак
боздид, мулоқот, ваъда, кумак
Дуо дар ҳаққи қурбониёну 1 млн сом ба оилаҳояшон: ваъдаҳои Ҷабборов дар марз бо Тоҷикистон
15:23 06.05.2021 (Навсозишуда: 15:24 06.05.2021) Содир Ҷабборов, раисиҷумҳури Қирғизистон, аз минтақаҳои осебдидаи кишвараш дар наздикии марз бо Тоҷикистон дидан карда, бо сокинон суҳбат кардааст
ДУШАНБЕ, 6 май - Sputnik. Содир Ҷабборов дар деҳаи Мақсади ноҳияи Лайлаки вилояти Бодканд дар бинои харобшудаи мактаб бо сокинон мулоқот карда, шахсан дар ҳаққи ҳалокшудагони муноқишаи марзӣ дуо хонд, хабар дод котиботи президенти Қирғизистон.
Ба иттилои манбаъ, Ҷабборов изҳор дошт, ки аз имрӯз ба ҷои хонаҳои тахрибшуда сохтмони биноҳои нави замонавӣ оғоз гардида, дар давоми ду моҳ мавриди истифода қарор дода хоҳанд шуд.
Раисиҷумҳури Қирғизистон ба оилаҳои ҳалокшудаҳо дар марз 1 миллион сом, ҳудуди 12 ҳазор доллари амрикоӣ кумакпулӣ ваъда додааст. Инчунин маҷруҳон низ аз 50 то 100 ҳазор сом кумакпулӣ хоҳанд гирифт, омадааст дар иттилоияи котиботи раисиҷумҳур.
Ҷабборов инчунин дар ноҳияи Лайлак ба сохтмони шаҳраки низомӣ санги асос гузошта, ваъда додааст, ки ояндаи наздик ба минтақаи Бодканд мақоми махсус дода хоҳад шуд. Ӯ таъкид намудааст, ки тамоми корҳои барқарорсозию кумак барои рушдро бевосита худаш назорат хоҳад кард.
Танишу созиш дар марзи Тоҷикистону Қирғизистон
Вазъ дар марзи Тоҷикистону Қирғизистон 28 апрел дар пайи як баҳс сари дарғоти “Головной” шиддат гирифта, 29 апрел ба даргирии мусаллаҳона миёни низомиёни ду кишвар печид. Бар асоси иттилои расида, теъдоди қурбониён аз ҳар ду тараф 55 нафарро ташкил медиҳад. Тоҷикистон аз 19 кушта ва Қирғизистон аз ҳалокати 36 шаҳрвандаш дар ин даргирӣ хабар дод.
Тибқи иттилои Кумитаи давлатии амнияти миллии Тоҷикистон, гунаҳкорони қазия шаҳрвандони Қирғизистон будаанд, ки ба сӯи тоҷиконе, ки мехостанд дар он ҷой камераҳои назоратӣ насб кунанд, санг андохтанд ва ҳатто дар ин муноқиша низомиён дар либоси мулкӣ истифода шуданд.
Бишкек, дар навбати худ гуфт, ки шаҳрвандони Тоҷикистон муноқишаро ба роҳ монданд, ба сӯи ҳамсояҳояшон аз силоҳ оташ кушоданд.
Феълан вазъ дар марз муътадил арзёбӣ гардида, 2 май ҳайатҳои Тоҷикистон ва Қирғизистон протоколи муштарак дар бораи делимитатсия ва демаркатсияи сарҳадро ба имзо расонданд.
Тоҷикистону Қирғизистон ҳудуди 970 километр марзи муштарак доранд, ки аз ин то ҳол ҳудуди 520 километраш аломатгузорӣ шуда, боқимонда ҳанӯз ҳам номуайян мебошад.
