https://sputnik.tj/20210304/Chiluchorchashma-Khoja-Mashad-navsozi-meshavand-1032939123.html
Чилучорчашма ва мадрасаи Хоҷа Машҳад пурра навсозӣ мешаванд
Чилучорчашма ва мадрасаи Хоҷа Машҳад пурра навсозӣ мешаванд
Sputnik Тоҷикистон
Ду мавзеи сайёҳии Тоҷикистон - "Чилучорчашма" ва мадрасаи "Хоҷа Машҳуд" дар доираи лоиҳаи Бонки Ҷаҳонӣ пурра навсозӣ мешаванд 04.03.2021, Sputnik Тоҷикистон
2021-03-04T14:00+0500
2021-03-04T14:00+0500
2021-07-21T18:55+0500
ҳамаи хабарҳо
дар тоҷикистон
рушди сайёҳӣ
кумитаи сайёҳӣ
сайёҳӣ
бонки ҷаҳонӣ
https://cdnn1.img.sputnik.tj/img/103151/96/1031519662_0:1245:2048:2403_1920x0_80_0_0_1822e3c22c39b33f0333c0cdd168d6e4.jpg
ДУШАНБЕ, 4 мар — Sputnik. Ояндаи наздик мадрасаи "Хоҷа Машҳад" ва мавзеи табиию таърихии "Чилучорчашма" дар доираи лоиҳаи "Рушди иқтисодиёт"—и Бонки Ҷаҳонӣ пурра навсозӣ гардида, ба сатҳи байналмилалӣ бароварда мешаванд.Дар ин бора зимни давраи омӯзишӣ, ки 3 март бо ташаббуси Кумитаи рушди сайёҳӣ дар ҳамкорӣ бо мақомоти вилояти Хатлон ва ноҳияи Шаҳритус дар заминаи Солҳои рушди деҳот, сайёҳӣ ва ҳунарҳои мардумӣ вобаста ба муаррифии мавзеи сайёҳии "Чилучорчашма" ва мадрасаи "Хоҷа Машҳад" ҳамчун бренди сайёҳии минтақа доир гардид, гуфта шуд.Дар он намояндагони Кумитаи рушди сайёҳии назди Ҳукумати ҷумҳурӣ, Вазорати фарҳанг, Академияи миллии илмҳои Тоҷикистон, масъулини самти сайёҳӣ дар вилояти Хатлон, ташкилоту ассотсиатсияҳо, субъектони хизматрасони сайёҳӣ ва шахсони фаъоли ҷомеа ширкат варзиданд, хабар медиҳад АМИТ "Ховар".Дар давраи омӯзишӣ масълаҳои ҳолати нигоҳдорӣ ва истифодаи объектҳои табиӣ ва таърихию фарҳангӣ, таҳияи маводи иттилоотӣ бо забонҳои хориҷӣ дар бораи мавзеъҳои сайёҳии Чилучорчашма ва Хоҷа Машҳад ва таблиғи онҳо дар шабакаи интернет, ташкили марказҳои иттилоотии сайёҳӣ, мағозаҳои фурӯши армуғонҳо ва фаъол намудани хатсайрҳои сайёҳӣ матраҳ гардиданд."Чилучорчашма""Чилучорчашма" зиёратгоҳ ва оромгоҳи маъруф дар ноҳияи Носири Хусрави вилояти Хатлон буда, миёни мардум ҳамчун 44 чашмаи шифобахш шинохта шудааст. Шумораи умумии чашмаҳо 44- ададро ташкил намуда, ба 17 гурӯҳ ҷудо мешаванд. Чунин гурӯҳбандӣ аз рӯи хосияти табобатии чашмаҳо дар асоси ташхисҳои бисёрсолаи олимон муайян карда шудааст.Ҷолибтарин хусусияти ин ёдгорӣ, ки таваҷҷуҳи сайёҳони дохилию хориҷиро ба худ чалб намудааст, ин моҳиҳо ва морҳои «Чилучорчашма» мебошанд. Моҳиҳо бо ҷараёни об ба поён намераванд, балки дар худи сарчашмаи обҳо шино мекунанд. Морҳо аз болои моҳиҳо гузашта, ба онҳо ҳамла намекунанд."Чилучорчашма" мавзеи зиёратӣ, истроҳатию рекреатсионӣ маҳсуб шуда, дар ин ҷо туризми зиёратӣ, истироҳатӣ ва табобатӣ хеле рушд ёфтааст. Оби 17 чашмаи он шифобахш ба шумор меравад. Ҳар як чашмааш хусусияти табобатӣ ва ба худ номи хос дорад.Мадрасаи "Хоҷа Машҳад"Ёдгории меъмории "Хоҷа Машҳад" на танҳо дар Тоҷикистон, балки дар Осиёи Миёна ёдгории беназир маҳсуб меёбад.Мадрасаи "Хоҷа Машҳад" дар асри 9-10 бино ёфта, пойдевор ва тамоми деворҳои гумбаз аз хишти пухта сохта шудаанд. Ғафсии пойдевор 3 метр буда, ин иншоот дар тӯли қарнҳо ба ҳама офатҳо тоб оварда, то рӯзҳои мо расидааст.Дар маҷмӯъ ёдгории меъмории «Хоҷа Машҳад» ва ёдгории таърихию табиии «Чилучорчашма» барои рушди сайёҳии таърихию зиёратӣ, фароғатию табобатӣ, илмию маърифатӣ, экологӣ ва таълимию омӯзишӣ шароити мусоид фароҳам овардааст.10 ҷолибтарин мавзеи сайёҳӣ дар ТоҷикистонДар атрофи Мадрасаи "Хоҷа Машҳад" ва мавзеи табиию таърихии «Чилучорчашма» инфрасохтори хизматрасонӣ ва ҳоумстейҳо ташкил мегарданд, ки дар рушди соҳаи сайёҳӣ, ҷалби бештари сайёҳон, таъсиси ҷойҳои нави корӣ ва беҳтар намудани сатҳу сифати зиндагии аҳолии маҳал саҳм мегузоранд.
https://sputnik.tj/20210212/sayii-dokhili-dar-Tojikiston-foidaovar-nest-1032812807.html
https://sputnik.tj/20190427/Bunyod-Oqokhon-va-Bonki-jahoni-mavzeoi-sayohii-Tojikiston-tamir-mekunand-1028784776.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
ҳамаи хабарҳо, дар тоҷикистон, рушди сайёҳӣ, кумитаи сайёҳӣ, сайёҳӣ , бонки ҷаҳонӣ
ҳамаи хабарҳо, дар тоҷикистон, рушди сайёҳӣ, кумитаи сайёҳӣ, сайёҳӣ , бонки ҷаҳонӣ
Чилучорчашма ва мадрасаи Хоҷа Машҳад пурра навсозӣ мешаванд
14:00 04.03.2021 (Навсозишуда: 18:55 21.07.2021) Ду мавзеи сайёҳии Тоҷикистон - "Чилучорчашма" ва мадрасаи "Хоҷа Машҳуд" дар доираи лоиҳаи Бонки Ҷаҳонӣ пурра навсозӣ мешаванд
ДУШАНБЕ, 4 мар — Sputnik. Ояндаи наздик мадрасаи "Хоҷа Машҳад" ва мавзеи табиию таърихии "Чилучорчашма" дар доираи лоиҳаи "Рушди иқтисодиёт"—и Бонки Ҷаҳонӣ пурра навсозӣ гардида, ба сатҳи байналмилалӣ бароварда мешаванд.
Дар ин бора зимни давраи омӯзишӣ, ки 3 март бо ташаббуси Кумитаи рушди сайёҳӣ дар ҳамкорӣ бо мақомоти вилояти Хатлон ва ноҳияи Шаҳритус дар заминаи Солҳои рушди деҳот, сайёҳӣ ва ҳунарҳои мардумӣ вобаста ба муаррифии мавзеи сайёҳии "Чилучорчашма" ва мадрасаи "Хоҷа Машҳад" ҳамчун бренди сайёҳии минтақа доир гардид, гуфта шуд.
Дар он намояндагони Кумитаи рушди сайёҳии назди Ҳукумати ҷумҳурӣ, Вазорати фарҳанг, Академияи миллии илмҳои Тоҷикистон, масъулини самти сайёҳӣ дар вилояти Хатлон, ташкилоту ассотсиатсияҳо, субъектони хизматрасони сайёҳӣ ва шахсони фаъоли ҷомеа ширкат варзиданд, хабар медиҳад АМИТ "Ховар".
Дар давраи омӯзишӣ масълаҳои ҳолати нигоҳдорӣ ва истифодаи объектҳои табиӣ ва таърихию фарҳангӣ, таҳияи маводи иттилоотӣ бо забонҳои хориҷӣ дар бораи мавзеъҳои сайёҳии Чилучорчашма ва Хоҷа Машҳад ва таблиғи онҳо дар шабакаи интернет, ташкили марказҳои иттилоотии сайёҳӣ, мағозаҳои фурӯши армуғонҳо ва фаъол намудани хатсайрҳои сайёҳӣ матраҳ гардиданд.
"Чилучорчашма" зиёратгоҳ ва оромгоҳи маъруф дар ноҳияи Носири Хусрави вилояти Хатлон буда, миёни мардум ҳамчун 44 чашмаи шифобахш шинохта шудааст. Шумораи умумии чашмаҳо 44- ададро ташкил намуда, ба 17 гурӯҳ ҷудо мешаванд. Чунин гурӯҳбандӣ аз рӯи хосияти табобатии чашмаҳо дар асоси ташхисҳои бисёрсолаи олимон муайян карда шудааст.
Ҷолибтарин хусусияти ин ёдгорӣ, ки таваҷҷуҳи сайёҳони дохилию хориҷиро ба худ чалб намудааст, ин моҳиҳо ва морҳои «Чилучорчашма» мебошанд. Моҳиҳо бо ҷараёни об ба поён намераванд, балки дар худи сарчашмаи обҳо шино мекунанд. Морҳо аз болои моҳиҳо гузашта, ба онҳо ҳамла намекунанд.
"Чилучорчашма" мавзеи зиёратӣ, истроҳатию рекреатсионӣ маҳсуб шуда, дар ин ҷо туризми зиёратӣ, истироҳатӣ ва табобатӣ хеле рушд ёфтааст. Оби 17 чашмаи он шифобахш ба шумор меравад. Ҳар як чашмааш хусусияти табобатӣ ва ба худ номи хос дорад.
Ёдгории меъмории "Хоҷа Машҳад" на танҳо дар Тоҷикистон, балки дар Осиёи Миёна ёдгории беназир маҳсуб меёбад.
Мадрасаи "Хоҷа Машҳад" дар асри 9-10 бино ёфта, пойдевор ва тамоми деворҳои гумбаз аз хишти пухта сохта шудаанд. Ғафсии пойдевор 3 метр буда, ин иншоот дар тӯли қарнҳо ба ҳама офатҳо тоб оварда, то рӯзҳои мо расидааст.
Дар маҷмӯъ ёдгории меъмории «Хоҷа Машҳад» ва ёдгории таърихию табиии «Чилучорчашма» барои рушди сайёҳии таърихию зиёратӣ, фароғатию табобатӣ, илмию маърифатӣ, экологӣ ва таълимию омӯзишӣ шароити мусоид фароҳам овардааст.
Дар атрофи Мадрасаи "Хоҷа Машҳад" ва мавзеи табиию таърихии «Чилучорчашма» инфрасохтори хизматрасонӣ ва ҳоумстейҳо ташкил мегарданд, ки дар рушди соҳаи сайёҳӣ, ҷалби бештари сайёҳон, таъсиси ҷойҳои нави корӣ ва беҳтар намудани сатҳу сифати зиндагии аҳолии маҳал саҳм мегузоранд.
