ДУШАНБЕ, 23 янв — Sputnik. Доналд Трамп бори нахуст пас аз ба итмом расидани мӯҳлати раисҷумҳуриаш бо рӯзноманигорон сӯҳбат кард.
Собиқ президент дар ин сӯҳбат аз нақшаҳои ояндааш низ гуфтааст: ӯ нақша дорад, барои худ кори наве пайдо кунад.
"Мо бо кори наве машғул мешавем, аммо ҳоло не", - таъкд кардааст вай.
Дар ҳамин ҳол, собиқ президент шарҳ надодааст, ки пешаи нави Трамп кадом хоҳад буд.
Феълан, ӯ пас аз тарки Қасри Сафед дар клуби голфи шахсиаш дар шаҳри Палмбич, иёлати Флорида қарор дорад ва мусоҳибааш ҳам бо рӯзноманигорон дар ҳамин ҷо сурат гирифтааст.
Дар охири мӯҳлати Трамп, палатаи намояндагон ба ӯ импичмент эълон кард. Президенти собиқи ИМА ба барангехтани бетартибиҳо ва ошӯбҳо аз ҷониби тарафдоронаш дар Капитолия дар 6 январ айбдор мешавад.
Раванди импичмент аз 8 феврал оғоз мешавад. Ба гуфтаи раҳбари демократҳо дар парлумон Чак Шумер, маводҳо ба Сенат рӯзи 25 январ пешниҳод карда мешаванд.
Ёдовар мешавем, ки интихоботи президентӣ дар ИМА рӯзи 3 ноябр баргузор шуд. Барои мақоми сардори давлат, ҷумҳурихоҳ Трамп бо демократ Ҷо Байден мубориза бурд.
Мелания Трамп пеш аз тарки Қасри Сафед анъанаи 70-соларо вайрон кард
Ҳисобкунии овозҳо бо сабаби дер фиристодани бюллетенҳо тавассути почта барои як моҳ кашол гардид. Дар интихобот Байден пирӯз шуд, ки 20 январ ба ҳайси президенти Иёлоти Муттаҳида ба кор шурӯъ кард. Трамп дар маросими савгандёдкунии ӯ ҳузур надошт.
