ДУШАНБЕ, 28 дек — Sputnik. Валерий Фалков, вазири илм ва таҳсилоти олии Русия мегӯяд, ба донишҷӯёни хориҷии донишгоҳҳои Русия, ки наметавонанд вуруди кишвар шаванд, имконияти дифои дипломҳояшонро аз роҳи дур медиҳанд.
Дар ҳамин ҳол, ба гуфтаи вай ин падидаи густурдае нахоҳад шуд.
"Дар Русия дар пайи баста шудани марзҳо на хатмкунандагон, балки донишҷӯёни курси аввал ҷабр диданд. Ман фикр мекунам, ин ҷое имконпазир хоҳад шуд, аммо густурда нахоҳад буд", - тавзеҳ дод вазир.
Фалков афзуд, ки дар ин вазъияти ғайриоддӣ донишгоҳҳо донишҷӯёнашонро бояд дастгирӣ кунанд. Ба нафароне, ки бештари дарсҳоро нахонадаанд, бояд нақшаи инфиродӣ ташкил кард.
Ба донишҷӯёне, ки хело зиёд қафо монанд ва аз сессия баромада натавонистанд, бояд таътили академикӣ фароҳам овард.
Се роҳ: вазири маорифи Русия гуфт, донишҷӯёни бандмондаи хориҷӣ чӣ кор кунанд
Ба гуфтаи вазир, ҳудудан 65 дар сади донишҷӯён ва бештар аз 40 дар сади донишгоҳҳо таҳсилро ба шакли дистансионӣ гузарониданд, кор бо ин тартибот қариб дар нисфи минтақаҳои Русия ба роҳ монда шудааст.
Пештар Вазорати илм ва таҳсилоти олии Русия ваъда дода буд, ки донишҷӯёнро дастгирӣ мекунад.
