ДУШАНБЕ 15 дек - Sputnik. Маконҳои баргузории Ярмарка-фурӯши маҳсулоти кишоварзӣ бозорҳои “Меҳргон”, “Саховат”, “Қарияи боло” ва назди бинои “Кумитаи меъморӣ ва сохтмони назди Ҳукумати Тоҷикистон” мебошанд, иттилоъ додааст дафтари матбуотии Вазорати кишоварзии Тоҷикистон.
Манбаъ қайд кардааст, ки маҳсулотҳои дар ярмарка-фурӯшҳои мазкур пешниҳодгардида тару тоза буда, нархҳои он нисбат ба бозор арзон мебошад.
Ҳамзамон вазорати кишоварзӣ ба кулли шаҳрвандони кишвар иттилоъ додааст, ки то моҳи январи соли ҷорӣ чунин ярмаркаҳо идома дошта, онҳо метавонанд маҳсулотҳои лозимаи худро дастрас намоянд.
Дар ин ярмаркаҳо маҳсулотҳои лозима аз қабили гӯшти гов, гӯсфанд, мурғ, тухм, картошка, пиёз, сабзӣ, карам, шалғам помидор, бодиринг, булғорӣ, биринҷ, равғани пахта, орд, гандум, шир, шакар, нок, себ, лимӯ, нахуд, лубиё, мош ва асал бо нархҳои дастрас ба фурӯш гузошта хоҳад шуд.
