ДУШАНБЕ, 13 дек — Sputnik. Дар Нигерия гурӯҳи мардони мусаллаҳ ба мактаб ҳамла карда, тақрибан 400 хонандаро рабудаанд, менависад РИА Новости бо истинод ба нашрияи маҳаллии Vanguard.
Ин ҳодиса шоми ҷумъа дар шаҳри Канкара рух додааст. Ба навиштаи рӯзнома, ҳамлагарон дар кӯчаҳо тирандозии бераҳмона ташкил кардаанд.
Пас аз мудохилаи хадамоти амниятӣ, онҳо ба канори шаҳр, ки дар он мактаби миёнаи илмии ҳукумат ҷойгир аст, фирор карда, дар муассисаи таълимӣ оташ кушодаанд.
Толибон ба як мактаб ҳамла карданд ва бештар аз 104 нафарро куштанд
Маълум аст, ки дар ин мактаб зиёда аз 800 нафар таҳсил мекунанд. Ба гуфтаи сухангӯи полис Гамбо Исо, кормандони мақомоти ҳифзи ҳуқуқ тавонистаанд беш аз 200 хонандаро наҷот диҳанд ва тақрибан ҳамин теъдод толибилмон худ аз дасти ҷангиён халосӣ ёфтанд.
"Полис, артиши Нигерия ва флоти ҳарбӣ-баҳрӣ бо маъмурияти мактаб ҳамкории зич доранд, то шумораи хонандагони гумшуда ва рабудашударо дақиқ муайян кунанд. Гурӯҳҳои ҷустуҷӯӣ сахт кор мекунанд", - гуфт Исо.
Ҳамзамон, тавре ки рӯзнома қайд мекунад, Ваколатдор оид ба маорифи иёлати Бадамасай Чаранчӣ гуфт, ки пас аз ҳамла ба мактаб 406 нафар хонанда пайдо шуданд ва раванди баргаштани ӯдакон идома дорад.
Чаранчӣ қайд кард, ки хонандагони мактаб шабро дар ҷангал сипарӣ кардаанд.
Пас аз ҳамла, мақомот муваққатан ҳамаи мактабҳои иёлотро бастанд. Шоми шанбе президент Муҳаммад Бухорӣ эълом дошт, ки низомиён ҷойеро кашф кардаанд, ки ҷинояткорон он ҷо пинҳон шудаанд.
