ДУШАНБЕ, 12 дек – Sputnik. Тибқи иттилои ВУД, Шарипов Раҳмоналӣ, ки пеш ду маротиба бо гуноҳи дуздӣ суд шудааст, боз дар бозор ва дигар ҷойҳои серодам ба дуздии маблағҳои мардум аз ҷайби онҳо машғул гаштаст.
Манбаъ афзуд, ки ба идораи милиса Холзода Фирӯза ва Розиқова Матлуба, сокинони шаҳри Бохтар муроҷиат карда, арз доштаанд, ки дар бозори “Фаровон”-и шаҳри мазкур аз ҷониби шахсони номаълум ҳамёнашон дуздида шудаст.
Маъмурини милиса муттаҳам дар ин ҷиноят Шарипов Раҳмоналиро боздошт кардаанд. ВУД зарари расондашуда ба ду нафар ҷабрдидаро 3000 сомонӣ арзёбӣ кардааст.
“Дар шуъбаи тафтишотии РВКД дар вилояти Хатлон нисбати Шарипов парвандаи ҷиноятӣ бо моддаи 244 Кодекси ҷиноятии Ҷумҳурии Тоҷикистон оғоз гардида, тафтишот идома дорад”, - омадааст дар иттилоияи ВУД.
