ДУШАНБЕ, 11 ноя - Sputnik. Тибқи иттилои дафтари матбуотии ин ниҳод, Абдураҳмонов А.А. дар мансаби мутахассиси Шуъбаи умумӣ, назорат ва муроҷиати шаҳрвандони Дастгоҳи Раиси шаҳри Бохтар кор карда истода, мақоми хизматияш суистифода кардааст.
Ба иттило манбаъ, моҳи феврали соли 2020 номбурда аз шаҳрванд Сабиров Р.Р. барои барасмият даровардани ҳуҷҷатҳо оид ба зиёрати Каъба мавсими Ҳаҷ-2020 рафтани номбурда маблағи 80000 сомонӣ талаб карда гирифта, ба манфиати охирин ягон амалро иҷро накарда, маблағи мазкурро тасарруф намудааст.
Оҷонсӣ мегӯяд, вобаста ба ҳолати мазкур нисбати Абдураҳмонов А.А. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, он бо тасдиқи фикри айбдоркунӣ ба суд фиристода шудааст.
